قصتي والورم اللمفاوي

السلام عليكم ورحمة الله وبركاته                                                           معاناتي من كم سنه احسً بتعب وخمول مو طبيعي  وسخونه تروح وترجع يعني تقريبا كل شهرين  والسخونه 36 وشوي يعني ماتوصل سبع وثلاثين بس احس الم بعظامي عارفين الم السخونه كيف يضايق ويتعب ً,,,,,,,,,,,,,,,,,,,,,,,,,,,,,,,,,,وجاتني بعدها كحه جلست كم شهر وزاد علي التعب وقررت اروح المستوصف واشوف اش فيني بس ماكنت متوقعه يطلع عندي شي مو زين قلت حاجه بسيطه ويجيلي علاج وخلاص رحت  ودخلت لدكتوره و قلتلها بالاعراض الي عندي وسالتني اذا عندكم شغاله في البيت او تشربين حليب نوق قلتلها لا ماكان عندي شغاله ولا اشرب حليب عرفت انها شكت اني عندي سل ,,,,,سوتلي تحاليل واشعه اكس قالت لمن شافت الاشعه روحي مستشفى كبير يعطوك علاج انا ماقدر اوصفلك العلاج عندك اللتهاب بالرئه والورم كان باين في الاشعه بس قلت يمكن الرئه كذا بس مو زي الرئه الثانيه رحت المستشفى وسوولي اشعه مقطعيه وقالو احتمال كيس او زي كذا وقال لازم خزعه بعد اسبوع سويتها واليوم الثاني طلعت النتيجه بس مارحت راح زوجي قلتله ماراح اجي روح انت وانا كانت نفسيتي رايحه ولا نوم ولا اكل كانت شهيتي مسدوده من اول ولما عرفت 
انه في شي سرت اكره اكل و ياالله اقدر ابلعه وابكي واهلي بعيدين عني ولا قلتلهم شي لين اخذت الكيماوي وكنت متردده اخذه اولا وتوكلت على الله واخذته كانت اول جرعه رعب بالنسبه لي والحمد لله بعد مااخذتها وتطمنت انه مايتعب زي ماتخيلته هو يتعب بس مو لدرجه ان الواحد يجلس مايتحرك من فراشه كنت متخيله اني اذا اخذته اني ماراح اقدر اقوم ولا اجلس والحمد لله حسيت بتحسن من اول جرعه كانو مقررين لي ست جرعات وكملتها في ست سهور تقريبا كل ثلاث اسابيع وبعدها الاشعاع اخذت عشرين جلسه في شهر والحمد لله على العافيه تعبت نفسيا اكثر منه جسميا بس حسيت اني تقربت لربي وادعي واصلي اخر الليل والحمد لله زوجي واقف معاي واهلي يبغوني اروح اتعالج عندهم بس قلت اجلس قدام عيالي افضل الحين لي حوالي سنتين من يوم خلصت العلاج الحمد لله ,,,,,,,,,,,,,,,,,,,,,,,,,,,,,,,,,,,,,,,,,,,,,,,,دعواتكم لي شاكه انه رجع ليً السخونه رجعت وانا خايفه اروح المستشفى ,,,,,,,,اللهم اشفني بشفائك وداوني بدوائك ومرضى المسلمين