قصتي وحلمي وأملي من السمنه الى الاعتدال تفضلو ..الان اقدر أقول اني أحب نفسي..

بسم الله الرحمن الرحيم

وبعد ...
قبل كل شي حابه اوصل سلامي لقروبي الاخضر ..وقروب الاتكوتين ..
وبالاخص ام ماسه وبرنسيسه على جهودهم وكل العضوات اللي احسبهم كخوات لي ..أقول شكرا لأنكم زرعتم الاصرار والعزيمه في نفسي ...

حابه أخبركم ببدايه عزمي واصراري للرجيم ودور الايحاء النفسي في التنحيف...طبعا للي مايعرفني ويعرف قصتي مع السمنه..
أنا الين الصف السادس وكنت مضرب المثل بالجسم المرسوم ..صح كنت نحيفة بس جسمي مو مثل اللي بسني لا كان مرسوم عندي خصر ومؤخرة يعني تقولو حرمه بس صغيرة ورشيقه..ولما وصلت سن البلوغ
بدأ جسمي بالسمنه شوي شوي الين وصلت 60 كيلو وكنت وقتها بصف ثالث متوسط..لكن كان جسمي حلو ومرتب ..
وصارت ظروف عائليه واظطرت امي تسافر وقعدنا احنا البنات عند جدتي وكان مدة سفر أمي شهر كامل..
مدري هي النفسية ولا لأني في مرحلة مراهقة ..الله اعلم ..
كنت أكل بشراهه مو طبيعية ولأن ابوي مشغول بعمله فكان أكلنا اغلبه من المطاعم..
طبعا النتيجة زيادة 10 كيلو في شهر واحد ..
والله مومهم الزيادة قد أهميه تشوه الجسم من السمنه المفاجئة..تشققق جسمي بصورة بشعه واكثر شي عقدني زنودي شكلها صار لا يطاق..
بديت انغلق على نفسي أكره جسمي كلما لبست شي طلع جدا سيئ غير تعليقات اعمامي المحرجه ..
دخلت الثانوية ..ونزل وزني الى 65 وتخرجت وانا بالوزن هذا ..وكان زواجي بعد تخرجي بأسبوعين..
كان أكبر همي مو ليلة الدخلة همي كيف زوجي بيتقبل جسمي..
وتم الزواج والحمدلله وماكنت اسمع اي تعليقات لكن يكفي الاحساس بانه مو عاجبه جسمك خصوصا والاخص اذا كان الرجل رشيق ومن النوع اللي يحافظ على وزنه..
مرت سنه بدون ماأعي حجم الكارثة اللي أنا فيها
وحان وقت الاستيقاظ من الغفله ..
تاخرت الدورة وكنت جازمه اني حامل ..رحت لدكتور ((الله لا يوفقه ))
وبعد التحليل تبين اني مو حامل ..وقاللي اطلعي عالميزان..
وانا بكل ثقة أحسب وزني 70 ...الابووووووووووووم ...83 ...نعم 83 قلبي طاح حسيته طاح من مكان عالي..((اللي تشوف رقم 83 قليل..انا طولي 153 ))غير كذا ماكنت مصدقه..
طبعا هزأني الدكتور تهزيئ موب صاحي ..كان يقول .._طبعا بصراخ_ انت زدتي 18 كيلو بسنه ؟انت كنتي بتاكلي ايه؟ وانزلقت ضحكه مكتومه من زوجي العزيز ..دمرتني..
وعايزة تحملي كمان ؟؟ انتي لازم تخسي .. ومن ذالكلام..طلعت من عنده وانا منهارة نفسيا جاتني كل المشاعر السلبية اللي كنت أحسها تجاه جسمي..
ورجعت البيت وبدت معاناتي النفسيه لما قاللي زوجي شوفي أنا بعطيك مهله الين مايمر على زواجنا 5 سنوات واذا مانحفتي انا بتزوج ..أنا رشيق ومن حقي أعيش مع وحدة رشيقة..
لحضة الصدمه...
ذهبت الى اخصائيه تغذيه واستمريت معها 5 شهور ودخلت النادي ونزل وزني الى 66..كنت سعيدة وبأسعد لحضاتي
..بدأهاجس الحمل يرفرف ..وبدت معاناتي مع ضعف المبايض والتنشيط وابر التنشيط..وزاد وزني الى 79 ولكن الشكل يقول اكثر..
حملت امي وكانت فرصة لي اني انحف لاني وقفت العلاج مابي احمل انا وامي مع بعض ..
وهذا حالي رجيم حدة الاقصى 3 أيام ..(حتى عند الاخصائية ياما هزأتني لأني ماكنت ملتزمه صح))
الزبدة مووووستحيل استمر على الرجيم أكثر من 3 أيام .
وفي يوم من الايام قررت اني اسوي رجيم دشتي ..
وسويته اسبوع ونزل من وزني 4 كيلو وصار 75 لكن الشكل يقول 70 روعه ..
كنت عازمه على الاكمال الااني كنت حامل وقتها ووقفت الرجيم ..
في حملي كنت أشد من الحريصة ماكنت ابي وزني يزيد بعدت عن الخرابيط واهتميت بالاكل الصحي..
وبفضل الله مازاد كثير حيث اني وزنت في اليوم اللي كنت بولد فيه وكان وزني 84 يعني زدت بس 9 كيلو
وبعد الولادة وزنت كان الوزن 78 يعني صافي الزيادة كانت 3 كيلو الحمدلله ..
وماتبت وحافظت ..انجرفت مع الجوع اللي كان يجيني مع الرضاعه..وزاد وزني الى 83 ..
وفي مرة من المرات صارلي موقف فجر كل العزيمه اللي عندي وخلاني مثل الانسان اللي يبي ينتقم من اللي حوله ..
كنا بجمعة حريم وكنت وقتها لسه مرضع وفي وحدة من البنات اللي بسني متزوجه طبعا ..متوصيه فيني بالحلا والمعجنات كل ساعه وهي لافه عندي بالصينيه تعطيني وهي مبتسمه واذا رديتها تقول حبيبتي لاترديني حرام انت مرضع لازم تتغذي..وانا كنت اخذ محرجه ..
وشفت السالفة زادت ..طبعا هي رشيقه..المهم وعلى اخر الجلسة اشوفها تضحك من كل قلبها مع صديقاتها ..علي.. اثاريها قاعدة تستهبل معاي وضحكت اللي بالمجلس علي اني دبة ومااقاوم الاكل ..
حسيت بغبنه وصفعه في وجهي
رجعت البيت ..وقريت موضوع عن الايحاء النفسي وقررت اطبقة واخترت لي نظام السعرات ومشيت فيه
وبفضل من الله وحدة نزل وزني الى 73 ووالله اني لأجزم ان الايحاء النفسي له دور كبير وقروبي الاخضر أيضا لأني استمريت عالرجيم رغم الرضاعه والجوع والتعب واالسهر مع البيبي..
ولما وصلت ال73 قررت ازيد من الحرص وحولت الى نظاام الاتكوتين مع القائدة برنسيسه ونزل وزني الى 67
كانت فرحتي عظيمه جدا ..وقررت أخذ فترة ثبات والان وزني 66 والحمدالله سعيدة اني قدرت اثبت نفسي وبجدارة وصل مافقدته الى الان 17 كيلو لكني اطمح لل55 حلمي ..
لذا قررت ابدا نظام من راسي من يوم السبت وهو
عالريق بشرب الشراب الاخضر لاني أبي نظارة لوجهي..
وبيكون أكلي خالي من النشويات والدهون وباخذ راحه كل نهايه اسبوع ومع الرياضه وشرب الماي طبعا ..
تتوقعو بنحف؟؟
يالله حبيباتي استأذنكم بروح اسوي الغدا..دعواتكم اوصل لحلمي 55..يارب