تسالي كتشب @tsaly_ktshb

عضوة نشيطة

قصتي ..وحيرتي معها !!

انا فتاه متخرجه من الجامعه وكعاده أي خريجه ان تحلم بالوظيفه لاكن بعد ان فاتحت والدي بهاذا فوجئت منهـ بالرد السلبي والرفض لفكره الوظيفه لاكن وبعد جهد وفتره في الاقناع قال عندك النت دوري لك لاكن انا لن ابحث لكي وعندما اجد ويطلب مني الذهاب لاداء الامتحان يقول لي خلي امك توديك ( والداي منفصلان ) اما انا فمشغول .. كالعاده يتجج وانا اقول بنفسي يالله ماعليه يابنت اهم شي انه وافق
لاكن لاسف لم اقبل باي وظيفهـ المهم وقبل مده لاتزيد عن اسبوعين علمت بان هناك تقديم على مدرسه اهليه قريبه من منزلنا فقلت للوالد وقالي خلاص روحي قدمي المهم بعد ان قدمت عليهم واديت الامتحان وابدو اعجابهم فيني قالي شوفي لو وافقو انا عندي عدة شروط :

1) راتبك كله لي ماعدا 200 ريال لك وطبعا هاذي الـ200 مصروفك كامل يعني لاتطلبين مني فلوس للسوق ولا لقطيه المعلمات وقهوتكم ولا لهدايا البنات ولا ولا ولا ولا.........انا علي فقط اكلك وشربك هنا بالبيت غيره لاء
2) تشترين لك جوال من راتبك ( انا ماعندي جوال ) وتشحنينه من راتبك والشرط الاهم انك ماتفتحينه الا بالمدرسه فقط بالبيت تقفلينه ( ابوي عنده تفكير ان البنت عيب يصير معها جوال بس اهو وافق عشان ضروريات الوظيفه )
3) ماتقولين لي عطني زياده ماتكفيني الفلوس وكل قرش تصرفينه تعلميني عنهـ

كنت يابنات محتاره ورب الكون محتاره اوافق او لاء .. ودي اوافق لانا حنا مانطلع من البيت ابدا يعني طول هالعطله ماطلعنا الا مرتين وكانو زياره عائليه هاذي طبيعت ابوي حتا السوق مانروح له الا 3مرات بالسنه بالاعياد واذا بدت الدراسه
لاكن قبل اسبوع حدث شي قلب تفكيري
تخيلو كانت اختي تبي تسجل بالجامعه وسبحان الله باليوم الي جت بتسجل فيه خرب النت عندنا المهم اختي قالت لابوي انها تظن اني اعرف كيف اصلحه فناداني ابوي وقالي تعالي صلحيه قلت ماعرف وانا صادقه ماعرف قام رفع الجزمه علي وقالي قدامي يالله روحي صلحيه المهم حفاظا على كرامتي قدام اختي قلت له خلاص باحاول اصلحه بس نزل الجزمه اول شي هنا هو عصب بالمره وقام ضربني على وجهي بالجزمه وكسر جسمي ضرب

انا بعد هالحادثه والله اني صرت محتاره اكثر واكثر في مساله الوظيفه الي ياما تمنيتها وحلمت فيها
بصراحه الي زاد حيرتي تصرف ابوي قلت الحين وهو شاك اني اعرف ضربني هالضرب كله اجل الفلوس الي هو يحبها وميقن انها راح تكون معي وش بيسوي معي كيف بتكون تصرفاته اذا ملكتها حتى ولو كان المتبقي معي 200 ريال فقط

انا ودي اوافق عشان اطلع واشوف الناس مليت من الوحده والبيت ( حتا الجنه من دون ناس ماتنداس )
وودي ارفض عشان الشروط التعجيزيه وعشان تصرفات ابوي .. صراحه يعني بنفسي اقول : اجلسي بالبيت وانستري وبلاش فشايل قدام العالم

شورو علي . اعطوني رايكم .. اوافق او لا ؟
وادعولي بان الله يسخر لي والدي وان يرزقني بالزوج الصالح الي يسعدني ويهنيني وان يرزقني ربي خيرا مما استحق ومما امل وان يوفقني في حياتي كلها عاجلا غير اجل

يلزم عليك تسجيل الدخول أولًا لكتابة تعليق.

تسجيل دخول

بنت كيوت • 15 سنة

أسأل الله بأن يسخر لك والدك وان يرزقك بالزوج الصالح الي يسعدنك ويهنيك وان يرزقك خيرا مما تستحقين ومما تأملين وان يوفقك في حياتك كلها عاجلا غير اجل

××الدانه×× • 15 سنة

والله يأختي الله يعينك ويسخر لك ابوك ويرزقك بالزوج الصالح اللي يعرف قدرك عاجل غير أجل

انتي استخيري اول وشوفي والعقود بين المدارس تعطيك دورات نتع يعني لما تقدمين ع الدوين يشفون العقود معاك كثيرة ويتم تعينك رسمي باذن الله ويمكن تكون الوضيفه وجه خير عليك وتخطبك وحدة من المعلمات ....بس ماعليش ياخوفي من ابوك يطمع فيك وبالرابط اللي مايتعدا الـ2000 مايواقف ع الخطاب اللي جوك انتي فكري بعقليه مو بس ودك تطلعين وتسنانسي فكري انه يمكن يضرك بالحرمان من الزواج وهو نصف دينك...سوال ابوك متزوج يعني لك مرة اب اذا كانت له الله يعينك لو يلين راسها عليك لينت راسه من وراه

والله ضاق صدري يابنت الناس بس اكثري من الاستغفار وتوكلي ع الحي القيوم وربي بيرزقك ع قد التوكل عليه بأذالله

××الدانه×× • 15 سنة

وطممممممممممممممينينا عنك لو بالخاص يالغلا

ام جسوم80 • 15 سنة

اقبلي الوظيفه ولاتعلمين ابوك براتبك الحقيقي مثلا اذا راتبك 2000 قولي له راتبي 1500 على الاقل تضمنين لك مصروف اكثر ..

الله يوفقك ويسخر لك ابوك ويهديه ..

تسالي كتشب • 15 سنة

الله يجزاكم خير على الدعوات والله يرزقكم واياي كل مانتمناه
ام جسوم حبيبتي معقوله كل هالي كتبته ولا عرفتي ان ابوي شديد جدا يعني مستحيل اقدر اخبي عليه كم الراتب