عزيزتي بالعكس البسي واكشخي السمار مو عيب
لو عيب السمار كان ماشفتي ثلاث ارباع البنات البيضاء والشقرة طايحين تحت الشمس يدورو السمار
تعرفي زوجك متى رح يمدح جمالك وسمارك لما انتي تتقبلي نفسك وتحبي لونك
عزيزتي ماتزعلي على شي مو بيدك انتي مخلوقه كذا لأنه كذا يناسبك وزعلك ممكن لاقدر الله يعتبر نوع من أنواع الاعتراض على خلقة ربي
مافي انسان كامل حتى البيض والشقر ترا تلاقي عيوب ببشرتهم
بس في شي اسمه أن كل واحد يعرف كيف يبرز أجمل مافيه ويعرف وين نقاط قوته وضعفه
والسمار جدا جميل
ونصيحة أخيرة ترى الفواتح صممت للسمر مو للبيض لأن الفاتح مع البشرة البيضة تتضارب مع بعض بس البسي انتي فواتح هاديه وشوفي كيف اللون بينعكس على بشرتك ويزيدك جمال
أذكر وحدة من جماعتنا لبست فستان فسفوري هادي وهي سمرا والله كان أجمل فستان اشوفه عليها وقلتلها هالكلام لأن اللون عكس على بشرتها واعطاها نظارة
اشتغلي على نفسك وشوفي ايش نقاط قوتك وابرزيها واعرفي أن سمارك من نقاط قوتك مو ضعفك لأن كثير ناس تسعى انها تصير سمرا
اتمنى اكون افدتك

ياقلبي انتي من سنوات مكسوره
ادعي ربي يجبر كسرك
ترى كلمة امه احتمال غارت منك
واحتمال انها بتوصل لك رساله لا تهتمين بالشكل ابدا
المهم البسي ابيض بيطلع حلو عليك احيانا الاسود
يغمق اللون
وارضي بقدرك خلاص هذا النقص اللي كتبه ربي لك
شكليا ارضي فيه واقتنعي فيه وحبيه
زوجك لو يهمه البياض ما يتنازل عنه فهمتي تطمني
كان يشدد على امه انه يبي بيضاء
لكن هو عاقل وفاهم وعارف ان الاوادم مافي احد
فيهم كامل المشكله فيك مو في زوجك
جذورها عميقه فيك ما تنزعينها الا بالرضى
والحمد والشكر لله على نعمه عليك ارضي يا اختي
وكثري استغفار وخلي همك رضى الله لا يشغلك
لونك بعيشتك وبحياتك
والمقطع اللي شافه زوجك وعلق عليه بصفات مو فيك
تراه يصير عند اجمل الجميلات بنظر ازواجهم
يعني وش صارت حضرته بشر من تراب ناقص ياخذ
حوريه كامله مكمله اصلا مو لاقيها بالدنيا
بس انتي احساسك بالنقص بيدمرك كل مشاكلك
الشكليه بترجعينها للونك انتبهي لوضعك النفسي
انتبهي لعلاقتك مع زوجك خذي راحتك لاتكون
اعصابك مشدوده وقت لقاءاتكم الخاصه انتبهي
شيلي من مخك وقتها
ولا تقولين لاحد انها مشكله عندك انتبهي
لا احد يعرف نقاط ضعفك
ممكن تشتغلين على نفسك بصنفرات بعصير برتقال
وجزر يعني عنايه وكذا بس انتبهي من الاشياء
الخطره مافي احد يستحق انك تضرين نفسك ..

ياحبيبتي لاتزعلي نفسك اهتمي انتي بنفسك وخليكي واثقه لو الكل قال انو سمرااا قولي انا عاجبني لوني واللحين راحت موضة البياض اللحين الناس تبي الحنطيه لانها جاذبيه اكثر من البياض وفي ابر الناس تاخذها عشان تسمر الحياة مرا واحده بنعيشهاا انبسطي وماعليكي من الناس كل وحده عندها عيووب بس ماتحاول تبين للناس اتمنى اكون افدتك

السمر جذابااات
وشوفي الأشعار كلها تتغزل بالاسمراني😁وأهم شي الثقه ومخآفة الله تخلي زوجك يشوفك ملكه

اهم شي جمال الروح والزوج اذا حب حبك بمافيك واذا شافك ماعندك شخصيه وشخصيتك بنفسك مهزوزه راح يصدق كلامك وتفتحينه على شغلات هو مو داري عنها والله اذا البياض وجمال الجسم بينفع نفعني وانا اختك كل الناس تمدح الا زوجي مستحيل يدري عني لدرجة قصيت شعري من طوله الى اذني وصبغت اشقر ولاهو داري واذا جلس يقول انا ماحب العيون الكبار والبياض يالله رقعيها من عندك وانا حابسه دمعتي على كلامه بس وانا والجدار واحد اذا اغريته بس مع الوقت تعودت وصرت اسمع من برا اكثر من داخل وصرت اقوله فلانه تمدح وعلانه تخطب وهاتك يالطناش ياحبيبتي تعوذي بالله من الشيطان لاانتي مغيره لونك ولاشي حبي نفسك بالاول والاخير واذا صرتي بيضاء ملكتي العالم اهم شي متعافيه وفي امن وامان الله يطمن بالك ويهدي اعصابك