بسم الله الرحمن الرحيم
مالي غنى عنكم الله يرزقني وياكم يارب عاجلا غير اجل :26:
انا يابنات سويت اطفال انابيب بعد تاخر لمدة 6 سنوات , قبل شهر سحبت الاجنه ورجعتها والحمد الله الامور كانت كلها تمام
بلعكس كنت حاطه ببالي اني مو حامل مادري ليه المهم
انا قببل سنه سويت محاوله اولى وكنت مختلفه في حياتي عن المحاوله الثانيه
في المحاوله الاولى : التزمت براحه كثير وكنت خايفه وحريصه وووو
المحاوله الثانيه : اول شي سافرت بطايره , ركبت عربيه من طلعت من الطياره لحدماوصلت السياره
كنت اصلي على الكرسي لانه ينزل مني افرازات بنيه , ماتروشت الا اليوم التاسع
وصلت لمدينتي اهتمين اول 3 ايام بعدها كنت عايشه عادي يعني امشي خفيف طلعت كم مره برى
طبخت مره غسلت غسيل على خفيف لاني كنت اطفش وحابه اسلي نفسي
يعني الي ابغى اوصله ان الراحه مو سبب في ثبات الاجنه ارتحت بس اول يومين وبعدها امارس حياتي
على خفيف
المهم جاء يوم 10 من ترجيع الاجنه سويت تحليل منزلي وطلع خط والحمد الله رضيت بما كتبه الله لي
واكيد بكون داخلي حزن بس وش اسوي
رحت جلست بصاله وبعد نص ساعه رجعت اشوف التحليل الا واشوف خط ثاني بس فاااااااااااااااتح جدا جدا جدا
وطبعا بعد اول عشر دقايق ماينفع اصدقه بس حسيت بامل داخلي
جاء يوم 12 من ترجيع الاجنه وسويت تحليل ثاني وطلع خط طبعا غااامق والثاني من خفته اشوف ظل خط ولازم عند نور
بس كان فيني احساس ان فيه شي
المهم بيوم 13 رحت وسويت تحليل دم عادي وطلع خطين ولله الحمد بس واحد فاتح منهم
سويت هرموني طلع 45
الى هنا الامور تمام ..
قمت ابحث بالنت وابحث عن دكتوره كويسه علشان اتابع معاها حملي خصوصا ان ينزل مني افرازات بنيه وكانت مخوفتني
ورسيت على مستشفى خاص عند دكتوره استشاريه اسمها متهاب باكستنيه الله لا يسامحها هي واخصائيةاللاشعه
دخلت وشافت تحليل الي بيوم 13 من ترجيع الاجنه وقالت لي هذا هرمون ضعيف وكان ماعندي مشاعر طيب انا بيوم 14 من ترجيع الاجنه شي طبيعي الهرمون يكون لسى نازل وكثير هرمونهم نازل ويتضاعف ( ليتها جت على كذا وبس)
قلت لها انه ينزل مني افرازات بنيه قالت اطلعي على السرير وكشفت عليه بيدها من بطني , وانا جالسه البس تقول لزوجي هذا مشكله هرمون ضعيف (يااااااااااربي ترحمني وش ذا الاحباط)
قالت خلاص سوي تحليل هرموني وبكره الصباح تجوني قلنا اوكيه سوينا تحليل جينها الصباح وكنت خايفه من الهرمون لا يكون نازل طلع بليوم 15 , 95 يعني فيه تضاعف حتى لو كان قليل شافته وبان عليها انه كويس
قالت لازم يسوي تصوير اشعه مهبليه واروح للاخصائيه دكتوره مصريه الله لا يسامحها سوت لي سونار مهبلي مع اني رفضت بس
قالت عادي , شافت الرحم قالت مافيه كيس برحم؟؟ :eek: اغبى اخصائية اشعه بالعالم كله اصلا كيس الجنين مايبين الا بلاسبوع الرابع والخامس
راحت على الانابيب وقالت فيه الم قلت شويه (شي طبيعي بعد السحب وووو يكون فيه الم)
رحت عند الدكتوره بعد ماشخصة اخصائية الاشعه حالتي لها قالت لي الدكتوره الباكستانيه الاستشاريه (البيطريه) احتمال 50% يكون حمل خااااااااااااااارج الرحم واحتمال الامعاء فيها غازات :( (من متى اصلا الانابيب تبان بسونار ؟؟!! )(واذافيه احتمال انكتموا لحد ما تتأكدون) قالت يالله روحي على السرير وتجي تدخل يدها بعنق الرحم بطريقه وحشيه وتضغطني بقوه كانها بتولدني كانت تبغاني اجهض ولى مادري وش سالفتها الله يكفيني شرها ..
انا وزوجي كان بيغمى علينا ريقنا نشف قالت هنا انبوب فيه ورم اعوذ بالله منها ولازم يشيل انبوب قال زوجي كيف ؟؟
خلاص وقتها مابغى شي اسمه حمل ابغى انبوبي يبقى قلت انا فيه ابره وفيه حبوب العمليه ما تتصلح الا للحلالات المتقدمه
قالت الابره ماعندنا (ربي رحمني ان ماعندهم الابره ولى كان رحت فيها وهي الا تمسكني علشان الفلوس) بس اعطتني حل قالت انتي نامي هنا الى بكره ونعيد لك التحليل الهرموني والتصوير ونشوف ا انا نفسيتي كانت ولاشي ما تكلمت ودخلت بدوامه غريبه ماتذكر شي ولا شفت شي مو علشان الحمل لا , كنت خايفه يشيلون انبوبي:(
قالنا لها وين هذي الابره انقذينا بها مانبغى الحمل خلااااااااص قالت بمستشفى الولاده العام وتصور لنا الاوراق وخاربيطها
ونركض على مستشفى الولاده والاطفال وماعندي ملف فيه اول مره اروحله , وكنت امشي بقوووووووووووه علشان ينزل ( ياربي رحمتك)
دخلت عليهم قالوا لازم تحويل من مركز الحي تبعكم بس ممكن الطواري يخدمونكم , واركض علىالطواري علشان الحق على نفسي واضرب الابره وكان مستشفى سئ سئ سئ ماهمهم باحد ويتخاصمون مع بعض ونفسياتهم سيئه
كل هذا ميهمني , سووا لي تحليل هرموني وتصوير وقال يطلع بعد ساعتين انا وقتها قلت ليه مادق على
المستشفى الي سوى لي الانابيب شوف اش يقلون لي المهم وادق وترد عليه الممرضه وكانت سعوديه ووصفتلها الي صار قالت ليه تروحين اصلا مايبان الكيس الجنين او حتى حمل خارج الرحم الا بلاسبوع 5 او 6 ولا تنسين انك مسويه انابيب
وان الي بلانبوب من اثر السحب ووو اطلعي من عندك الحين وروحي بيتك طمنتني شويه بس جلس خوف داخلي من الصدمه :(
واروح البيت وكنت تعبانه تعبانه نفسيا اصدق مين ولى مين ,, نمت نومه كلها كوابيس وخوف ورعب وكنت مخططه اروح لطبيبه كويسه وامينه بس من التعب ماقدرت وجلست طول هذاك اليوم في خوف سيطر عليه بشكل مخيف جتني مثل الصدمه العنيفه بعد ماصحيت روحت اخذ التحليل وكان الهرمون مرتفع 191 يعني فيه تضاعف
ماكنت مرتاحه ابدا نوم ماقدرت انام اقوم مفجوعه اسمع احد يناديني وانا نايمه احلم بحشرات نزل وزني بثلاثه ايام 2 كيلو ماعاد قدرت اكل ولا انام الا ساعتين بليوم وكللها هواجيس
رحت اليوم الي بعده للدكتوره الي احبها وارتاحلها سعوديه وطمنتني وقالت لي اصلا بدري تشوفيني كيس الجنين ولا تنسين انك متعرضه لعملية سحب اجنه يعني لازم يصير انتفاخات ووو وسوت لي تصووير وطمنتني وارتحت شويه (بس لسى الخوف داخلي )
ومن يوم 13 من ترجيع الاجنه الى اليوم 18 كان ينزل افرازات بنيه وكل يوم تزيد اكثر لحد ماصار ينزل دم
جاني الم بظهري مع اني مرتاحه وشويت مغص رحت المستشفى سوت لي الدكتوره سونار وشافت كيس الجنين
والحمد الله ارتحت شويه , رجعت البيت نزل مني غشاء حسيت انه الكيس نزل :( بس كان عندي امل انه باقي
جلست يومين ورجعت حللت هرموني وتصوير لقوا الكيس مو موجود والهرموني 349 واعطوني موعد كان اليوم السبت
علشان يشوفون اذا نزل الهرمون يعني اجهاض
وفعلا اليوم كان الهرمون 64
ومافيه كيس
حمدت ربي كثير انه ما كان حمل خارج الرحم
واليوم لي 4 اسابيع بتمام
نصيحتي لكم اذا حملتوا لا تلعبون بانفسكم وتكشفون من بدري اجلسوا للاسبوع الرابع او الخامس
ولا تروحون لاي دكتوره وتوي اعرف ان المستشفيات الخاصه نصااابين ماديين ارعبوني ماهنوني بحملي الله لايسامحهم
سبب اجهاضي الله اعلم تعرضت لاشياء كثيره ومنها يد الباكستانيه البيطريه ممكن اعطت ارسالات للرحم لان بعدها بثلاثه ايام نزل الدم , ممكن يكون حمل ضعيف الله اعلم
وهذا كله مقدر ومكتوب
والحمد الله رب العالمين الله يعوضني خير يارب ويرزقني وياكم ولا يضيع الاجر :26:
وربي ان كل كلامي حقيقه عشتها بلاسبوع ونص الماضيه
احبكم فالله :26:
يلزم عليك تسجيل الدخول أولًا لكتابة تعليق.
حل السعد
•
الله يعوضك خير
والحمدلله ما دامك كتب ربي الحمل واجهضتي يعوضك ربي بتوأم بإذن الله
وجزاك الله خير على عرض تجربتك للاخوات عشان ينتبهوا مثل هالمواقف
والحمدلله ما دامك كتب ربي الحمل واجهضتي يعوضك ربي بتوأم بإذن الله
وجزاك الله خير على عرض تجربتك للاخوات عشان ينتبهوا مثل هالمواقف
أولا....الله يعوضك ويرزقك ان شاء الله عاجلا غير اجل
ثانيا....هو بالفعل فلم هندي...واسمحي لي ...انت لك دور فيه
عزيزتي اصلا في الحمل باطفال الانابيب....لما تسويين تحليل وتطلعين حامل.....
اول حاجة تسوينها
تكلمين المستشفى اللي سوى لك العملية
وهم بيعطونك موعد بعد عدة ايام علشان تشوفين الكيس
وبعده بايام موعد آخر على شان تسمعين النبض....وان كان كل شي اوكيه...يقولون لك خلاص انتهى دورنا معك وروحي راجعي عن دكتورة نساء لمتابعة الحمل
يعني اللي تحمل بعد الترجيع....يبقى لها مراجعتين على الاقل في نفس مستشفى العملية
مو معقولة انك ماتعرفين هالمعلومة....
ربي يرزقك ويعوضك عن كل هالتعب بالذرية الصالحة ويرزقني وكل البنات
ثانيا....هو بالفعل فلم هندي...واسمحي لي ...انت لك دور فيه
عزيزتي اصلا في الحمل باطفال الانابيب....لما تسويين تحليل وتطلعين حامل.....
اول حاجة تسوينها
تكلمين المستشفى اللي سوى لك العملية
وهم بيعطونك موعد بعد عدة ايام علشان تشوفين الكيس
وبعده بايام موعد آخر على شان تسمعين النبض....وان كان كل شي اوكيه...يقولون لك خلاص انتهى دورنا معك وروحي راجعي عن دكتورة نساء لمتابعة الحمل
يعني اللي تحمل بعد الترجيع....يبقى لها مراجعتين على الاقل في نفس مستشفى العملية
مو معقولة انك ماتعرفين هالمعلومة....
ربي يرزقك ويعوضك عن كل هالتعب بالذرية الصالحة ويرزقني وكل البنات
الصفحة الأخيرة
ويرزقني الدريه الصالحه