الشيخه بنت الشيخ :

اهم شي ياختي بنتك لازم تكون معك يوميا لا تصرفينها الا اذا بغيتو مثلا تطلعون مع بعض بس والنقطه الثانيه ما دام ان اهله عرفين بامر زواجكم فهذا بحد ذاته شي حلو انه ما خبا زواجه وخلاه زي المسيار ثالثا عوديه على انه يصرف على بيته وهذا ما يجي من نفسه لا لازم تطلبين منه وباصرار لا تقولين كرامتي لا هذا بيته هو ولازم يصرف عليه من الالف الى الياء وزوجك ياحبيبتي على قولت المثل زوجك على ما تعوديه اخر شي اتمنى من الله ان يفرج لي ولك ولجميع المسلمين وعليك بالهدوء في المناقشه وعدم الضعف او التنازل عن حقوقك كزوجه

اهم شي ياختي بنتك لازم تكون معك يوميا لا تصرفينها الا اذا بغيتو مثلا تطلعون مع بعض بس والنقطه...

متزوجة ولكن!! :

يهمني البنات يستفيدون من قصتي, وتكون جريئة في طلباتها قبل الزواج ولا تاخذ الرد الشفهي لازم تستند لاثباتات, مثلا يقول الاحوال المادية جيدة, اعرفي راتبه, ا\دخله الثاني اما بكشف حساب ولا بالسؤال بأي طريقة كانت, السؤال عن ممتلكاته. اذا هو لاقدر الله متزوج, كلمي أمه قبل الزواج,وابوك يكلم ابوه, وفهومهم انكم ماترضون تصير الدخلة الا بعلم الزوجة الاولى. كلمي خطيبك قبل الملكة واللي بكر وصغيرة تكلمه حتى لو بوجود والدها انا لما كنت صغيرة ابوي كان يخليني اكلمه وهو عندي لكن يوم كبرت خلاص, لان المسؤوليات اللي أنا اتحملها في منزل والدي جعلتني أنضج اكثر مما اضافت لي دراساتي الأكاديمية, أنا وحيدة اهلي انا واختي الاصغر, ليس لنا اخوة ذكور " سوى واحد الله يحفظه يدرس في الخارج من 5 سنوات او اكثر", فأنا من يرتب مواعيد امي في المستشفيات, بل اني سبق وسافرت معها للعلاج في الخارج بمفردنا!! أنا من يقوم بتأثيث منزلنا سنويا لكن الله يرضى على أبوي يعطيني المبالغ المريحة والسيارة المريحة والسواق ويقول بنتي انتي ريحيني, لان اللي يبي يرتاح يدفع مو يريح نفسه ويتعب اللي يخدمه" تدرون زوجي عمره ما سألتي كم صرفتي على مشاويرك لتأثيث ولا اختيار الشقة!!",عزائم امي واجتماعاتها انا من ارتبها , اختي المتزوجة انا من اساعدها في حل مشاكلها, انا من استقبلت اهل زوجها , ونسقت الزواج , واتفقت في امور كثيرة مع زوجها!! تعب والدتي حملني مسؤوليات كثيرة جدا, لكني كنت اعيش حياتي بالطول والعرض لدي صديقاتي, وعلاقاتي الاجتماعية, قريبة من الكل, من اعمامي وخوالي وجميع الاقارب, لي حضوري في كل اجتماع. اما الان اشعر بأني باهته , وبلا ملامح ونفسي ثقيلة!!

يهمني البنات يستفيدون من قصتي, وتكون جريئة في طلباتها قبل الزواج ولا تاخذ الرد الشفهي لازم تستند...

شاهه2 :

بسم الله الرحمن الرحيم يداية اختي اهنيك على طرحك الراقي و اسال الله القدير انه يفرج عنك عاجلا بعدين يا اختي كثير موظفات يصرفون على روحهم و على البيت و ازواجهم مو معددين انا اختي شايله الايجار و اقساط المدارس و مصاريف المستشفى وولاداتها الي بتعيش تكون واقعية و باين زوجك مو غني جدا يمكن ميسور الحال بس مو غني انتي ابخص تبين تعيشين وياه و تشاركين بالمصروف و يكون الوضع عندك عادي ولا تبين زوج غني يصرف عليك بالنهاية ترا الفلوس مو كل شي بالدنيا الفلوس وصخ دنيا تروح و تجي اذا كان اخلاق و طيب و حنون ليش ما تظلين معاه خلافاتكم على اشياء اسمحيلي تافهه اكواب و ستاره و مرايه ماهي اشياء مصيرية و الي تقو ل لك تطلقتي ليه الزواج سهل ولا الطلاق سهل هي الواحده متى تستقر اذا كل يوم لها زوج الزواج مو لعبة هو تحمل مسؤولية ونتي من البداية ماخذه معدد يعني احتمال التقصير المادي وارد جدا مافيها اذا صرفتي على روحك و بنتك بالنهاية الفلوس ليش مو عشان تهنينا المساله الحين انتي بالنسبه له شنو؟ هل فعلا يبيك زوجه و يبي عيال منك بعدين ولا يبيك مسيار و يطلققك بعد كم سنة ما ندري عنه نيته يالنهاية استخيري الله تعالى خيرته احسن من كل كلامنا استشيري مستشارين اسريين و حطي النقط على الحروف معاه علمي اهلك بكل شي سالفتك تبي رجال بدون هواش و زعاق تكلمي بكل التفاصيل اعرف ماديتيه عدل متكفل فعلا بكل شي حقك ؟ مصاريفك ما اخفي عليك كثيره هل فعلا بحاجه لشغاله ممكن تستغنين عنها لا تظني كلامي تنازل بس الدنيا تبي صبر اعرف حرمه و زوجها تزوجو و هم فقاره و عايشين ببيت صغير جدا ما اطلبت كل شي اكبرو شوي شوي و الحين ماشاء الله ماديتهم طيبة ما اقدر اقول لا تنجبين منه يمكن تتزوجين من ثالث عقيم فيكون لك ولد على الاقل كل الاحتمالات موجوده اذا الله تعالى كاتب لك الخلفه منه بتخلفين لو بالعه كل حبوب الدنيا بس انتي ادرا بنفسيته هو يبي استقرار ولا مسيار دام انك عارفه انه برا الرياض يعني كل مشاويرك بدونه بتصير خلي اهلك يعلمون حرمته عشان يقرر هو يستمر معاك ولا لا حتى لو تطلقتي يمكن تطيحين باسوا منه مدمن ولا راعي بنات ولا ولا اقري قصص المتزوجات والمطلقات و بتشوفين العجب اذا تبين تصرفين على روحك انتي حره بمعنى انتي حطي كل شي من سواق و شغاله و هو عليه الايجار و المقاضي الدنيا تعاون بالاخير و الي تبي الستر تتعاون حبيبتي انا مع ان الواحده تصرف من راتبها ادري بالشرع النفقه مو عليها لكن خلينا واقعيين اغلب الموظفات يشاركون و يحطون و يدفعون صعب تحصلين زوج فيه كل شي كامل مكمل ودام انه برا الرياض يعني ما يصير عدل بالمبيت اذا تبينه ارضي بالمقسوم لكن اتفقو اهم شي كم ليله عندك و كم عندها انتم حطو الكره بملعبه و علمو زوجته اذا يبيك ماراح يطلقك و اذا طلقكك الحمد لله جت منه و هذا دليل ماخذك مسيار اذا صارت مشاكل مع زوجته و اصر عليك دليل على تمسكه فيك فلا تضيعينه عشان ماديات مو مهمه المهم الزوج الصالح مو المهم اصرف على نفسي الرجال الجيدين قله و انا من تحليلي لشخصيته مقدر اقول مو زين ولا ملاك زوج عادي فيه عيوب مثل غيره بالنهاية حطي سلبياته و محاسنه فكري بكره لو استقريتي معاه بتصيرين ام و تستانسين بحياتك بس مثل ما قلت لك بتذوقين بعض المر معاه لانه برا الرياض هو اختيارك ما فكرتي بكذا قبل لاتخذينه؟ و اذا تبين الطلاق مره ثانية لا تفكرين تاخذين برا الرياض مو المشكله انه متزوج او مطلق المشكله بالبعد فاهمه حبيبتي يعني كل الرجال فيهم عيوب لاتقولي ابي مطلق احسن او متزوج او ولد الله يعينك على فعل الخير و الصواب ولا راح يصير الا النصيب نقطة التحول و المفتاح الي بيبين لك كل شي زوجته علموها و كل شي يبان اذا يبيك عقب ما تعرف ونتي ما تبينه لا تغالطين نفسك و اطلبي الطلاق مو مهم التكافئ المادي بين الاثنين هذي خديجه رضي الله عنها مليارديرة و اكثر من كذا و محمد عليه الصلاة والسلام على قده كان بالنهاية الزواج توافق و راحه و اتفاق ونتي ابخص بحياتك تبين حياتك الاولية سفرات و صديقات اقولك هذي وناسه و الحياة مو وناسه بس بامكانك تظلين معاه و تسافرين و تعزمين على حسابك عادي كثير موظفات شايلين امور كثيره و الله يوفقك

بسم الله الرحمن الرحيم يداية اختي اهنيك على طرحك الراقي و اسال الله القدير انه يفرج عنك عاجلا ...