قصتي ومحولاتي لللإنجاب

بسم الله الرحمن الرحيم

اخواتي انا ضيفه جديده من المدينة المنورة واحب ان اشارككم تجربتي في الحمل

تزوجت وعمري 18 عام وقبل ما اكمل 3 اشهر رحت للدكتوره اكشف لاني كنت حاسه انى ما راح احمل طبيعي لعدم انتظام دورتي صراحه لعبو بي واخدت ادويه مو طبيعيه وكنت احس نفسي حقل تجارب وبعد سنه من المعاناه قلتلي الدكتوره ان يبغالك عمليه خفت وسافرت لمصر ورحت لدكتور قلي ان كل الي سويتيه غلط وانتي عندك تكيس حول المبايض وسويت منظار وانتظمت دورتي ولا حملت وجلست علي العلاج اربع سنوات تقريبا الين ماتعبت نفسيتي وسويت تلقيح صناعي وفشل واخرها قلي الدكتور الي متابعه معاه في المدينه ان التكيس رجع؟؟؟
رجعت سافرت تاني مصر ونصحوني بحل اسهل وهو الحقن المجهري وهو نوع من انواع طفل الانبوب ولكن اكثر تطور وبعد صراع قررت انى اجربه في مستشفي متخصص في القاهره لاطفال الانبوب كنت وقتها اقرء سوره يس يوميا بعد صلاه الفجر وقسم بالله من الرعب ختمت القران 3 مرات في الشهر
واثناء علاجي التمهيدي اخبرني الدكتور ان مبايضي ماهي راضيه تستجيب للعلاج بسهوله وكان متعجب لانى صغيره في السن والمفروض ان مبايضي تستجيب افضل كل الي بدئو معايا الكورس كملو وانا تاخرت واخذت قريب 80 ابره وقتها الين ماسرت صفايه :22: المهم اخيرا استجابت مبايضي وانتجت قريب 12 بويضه وسولها شفط ولقحوها تكون منها 6 اجنه 3 وضعوها في الرحم و3 جمدوها وبعد اسبوعين حللت وطلعت حامل وقالولي ما راح تحملي طبيعي تاني في اي وقت تبغي اطفال تعالي ونكرر العمليه والحمد لله اتم حملي وانجبت ولد وقبل ما يكمل ابني السنه حملت طبيعي وجبت ولد تاني يبنات نصيحتي اقرئو سوره يس بعد الفجر ان قران الفجر كان مشهودا وان شاء الله انه يرزقكم ولا يحرمكم يااارب العلمين اتمني انكم ما ملتو من كتر الكلام بس صراحه انا رغايه شويه اتحملوني :42:
في امان الله جميعااا
ام رائد :26: