قصت حياتي من اولها لاخرها محتاجه افضفض تعالو وادعولي بالهدايه والشفاء

بسم الله الرحمن الرحيم

دايما اقرى بهذا القسم واشوف ردودكم انا بطبعي انسانه كتومه بس انتم لاتعرفوني ولا اعرفكم وانا تعبت من الكبت ومحتاجه افضفض لكم

اول شي اقسم بالله وعزته وجلاله ان قصت حياتي هذي حقيقيه ومازدت عليها حرف واحد يمكن بنقص لكن ماراح ازود شي

ثانيا اسالكم بالله لاحد يجرحني او يدعي علي او يسبني كل اللي ابيه منكم تدعولي بالهدايه والشفاء من اللي انا فيها لاني محتاجه افضفض وحمتاجه لدعواتكم مابي منكم اي شي ثاني

مدري شلون ابكتبلكم والا كيف ابدى قصتي لكن انا احس اني مريضه نفسيا وجسديا وعقليا

تصدقون اني اكلم نفسي بتقولون عادي بقولكم عادي بس انا موب عادي تدرون ليش
لاني ادخل الغرفه واقفل على نفسي واتخيل شخصيات وناس عندي واقعد اضحك واحيانا ابكي واحيانا اسولف واركض واحيانا اتقمص شخصيات واقعد امثل الدور مع نفسي طبعا بتقولون وحده بقولكم لا لاني حتى لما اروح للناس ابي ارجع بيتنا بسرعه علشان اقعد اكلم نفسي
المهم هالحاله معاي من يوم عمري عشر سنين وعلى فكره انا الحين عمري 22


راح ابدى بقصتي
انا اكبر اخواني من امي احنا ثمانيه خمس بنات وثلاث اولاد
امي عمرها اربعين وابوي 70 ذكرت لكم اعمارهم علشان تفهمون معاناتي وتفهمون القصه والضروف
ابوي شايب كبير وقاسي شوي هو طيب من قلبه ويحبنا لكن يعاملنا بقسوه لان تفكيره ان كذا راح نصير اوادم
ابوي متزوج وحده قبل امي وعندها عيال وكلهم موضفين وضروفهم حلوه بس هم يكرهونا ويكرهون امي مع ان امي طيبه مره ودايما تدافع عنهم
بتقولون ليش امي تزوجت ابوي بقولكم لان ابوها غصبها وكانت ضحيه ورضت بنصيبها وقدرها
امي لاهيه مع ابوي ابوي انسان مريض وتعبان
تصدقون اني اخاف من ابوي واستحي منه تصدقون لما يسافر ويرجع اشيل هم ان اسلم عليه من كثر ماخاف منه تصدقون حتى الاكل ماينزل لما اكل معاه احس بغص بالاكل
اول حياتنا كنا عايشين ببيت شعبي وكنا مره شبه معدومين والله ثم والله ثم والله اني داومت الثانويه كلها بمريول واحد
اقسم بالله يابنات كنت لما يبقى ورق بدفاتري اخليه للترم الثاني علشان مانخسر ابوي ولانه كان يهاوشنا ويقول لاتكثرون طلبات انا مامعي فلوس انا ابي اجمع لكم علشان ابني لكم بيت وحنا كنا نخاف نبي نكمل دراستنا
كنا مره متفوقين وكنت انا الاولى دايما واخواتي من الاوايل الحمدلله
تصدقون انا واختي من الاب كنا بصف واحد لما يشوفونا البنات يقولون مستحيل تكون اختك لانها بطرانه اخوانها وامها يعطونها فلوس
امي واخواتي وبيتنا تقريبا شبه ملتزم
انا الوحيده اللي اسمع اغاني واناظر مسلسلات الاغاني امي ماتدري اسمع من وراها والمسلسلات امي تنصح عجزت فيني بس بنضرها اهون من اني اسمع اغاني ماتدري عني
اخواني وخواتي يجلسون مع بعض ويذاكرون
اما انا كنت عايشه بعالم ثاني

عالم محد يدري عنه

عالم كله احلام وخيال
بس احلام كلها لغيري والله مافيها حلم واحد لي
احلم اني اتخرج
اني اسدد ديون ابوي
اني اشتري العاب لاخواني مابيهم ينحرمون مثلي

اشتري سياره لاخوي اذا كبر
احلام كثييييييييييييييييييييييييييييييييييييييييييره
استغرب من نفسي كثير كيف طفله وافكر بغيري الاطفال اشوفهم الحين اختي الصغير اكبر هما العاب ولبس والخ
انا يوم كنت بعمرها افكر شلون بساعد اهلي
احس اني كنت غير
مدري شلون اوصفلكم
المهم اني كنت تعيسه وحزينه وكنت اتمنى اخواني من الاب يحبونا لان مالنا ذنب باي شي يصير علاقتهم فينا سلام وكيف الحال

اذكر موقف صار معاي لايمكن لايمكن انساه
يوم كنا بالابتدائي امي وابوي واخواني ببيت شعبي وبعيد عن المدينه والمدارس وكل شي فلازم اروح عند عمتي زوجت ابوي علشان نقدر ندرس
تخيلو كنت احس بالغربه كنت احس اني غريبه كنت امشط شعري بنفسي واروح المدرسه وانا صف اولى تخيلو مابي احد يساعدني احس اني غريبه
وكنت لما انام اقعد ابكي تحت البطانيه وهم مايدرون كنت ماشوف امي الا خميس وجمعه وكنت اشتاق لهم ولما يصير معاي مصروف لاني كنت غاليا اداوم بدون مصروف اجمع الريالات واشتري لاخواني حلويات وعلك واي شي علشان افرحهم واذا زارنا ابوي احطهم بكيس واقول سلم على امي وعطها هي واخواني


الموقف اللي لايمكن انساه اني يوم داومنا من عند عمتي كنت انا برابع واختي بثاني
البيت فيه عمتي وولدها المتزوج وعنده عيال واخته اللي هي اختي من الاب

وابوي تهاوش مع اخوي هذا وقال لامه بعد ماراح ابوي لو مايجي ياخذ بناته بطردهم بالشارع هو يبينا نسمع علشان نوصل هالكلام لابوي بس حنا اطفال وخفنا
وبسرعه رحنا وسوينا انفسنا نايمين وانا تحت البطانيه افكر كيف نسوي وين نروح لو طردنا

بنات شوي وارجع لاتدعون وتقعدون تتريقون وتسبوني ترى والله ثم والله بس تعبت من الكتابه وارجوكم لاتسبقون الاحداث وتقعدون ترودون وتعلقون بتعليقات ماناسب ترى والله مابي منكم غير الدعاء بالهدايه والشفاء

والقصه منتهت