السلام عليكم ورحمة الله وبركاته
اخواتي انا بكتب قصتي مع حملي لا تصخط على قضاء الله وقدره
لا بس ابي كل وحده تنتبه قبل (يطح الفاس براس)
المهم
انا عرفت بحملي 11 شوال ياااه ياحلو ذاك اليوم بعد ما تاخر حملي سنه وبعد ماصقطت قبله قالولي انتي حامل
صرت ادور حول نفسي والدموع تنزل عصب عني لين تذكرت وسجت لربي شكر ,,
دقيت على زوجي وبشرته وطلعت على امي منهاره وبشرتها كانت الفرحه ماتوصف ,
كنت اقول لا هاذا اكيد من احلام اليقضه الي كنت اعيشها في ايامي الي فاتت وحيانن اوصل ين زواج ولدي
من عرفت اني حامل وانا على الفرااااش تشنج ضهري من الالم والقفص الصدري من ورى على قدام الم فضيع
والكتوف اخخخ بس كل هاذا اتحمله عشان ضناي,
دريت الخميس ورحت السبت لدكتوره لمياء في دله سولي اشعه قالت مو مبين لانه توه صغير اعطتني حامض الفوليك
واسبرين وديفستون,,
بس كان فيه الم في اسفل بطني واحيانن مقدر اتكلم منه,
سالت الدكتوره وبنفسها الشينه كلعاده قالت مافيه شي طبيعي!!!
اقولها اكيد قالت ايه من دون ماتطالعني حتا!!
رحت لبيت اهلي وتركت زوجي عشان ارتاح ولا يصير زي الحمل الي قبل
من نفس الاسبوع نزل معي يوم الثلثاء دم ياهي صدمه والم وحزن
((اللهم اني استودعتك مافي بطني))والدموع تسيق الدعوات
من بكره رحت للمستوصف جمب بيت اهلي وطلب ابر تثبيت قالت انتي معك حراره والحراره تنزل الجنين قلت زين عطيني خافض وابر تثبيت,,
فالت اوكي بس نشوف وضع الجنين ,
سويت الاشعه وتقولي لا عمره اقل من الي انتي عطيتينياه صغير والحمل ضعيف<<<<انا للحين مدري وش هاذا الي شافته!!!!
طلعت للبيت والحمد لله وقف النزيف وراحت الحراره وترجع النفسيه ويرجع لاكل ,
بعد اسبوع من ثباته يرجع الدم مره ثانيه جلست 4 ايام على امل انه يوقف ثمن رحت للمستشفى وقالت مافيه كيس جنين!!!!!!!!!!!!<<<طيب الي انتي شفتيه من قبل وشوووووو
قالت مهبلي رفضت خفت على ضناي وطلعت من عندها.
رحت لدله لدكتوره لمياء سوتلي اشعه وقالت فيه كيس بس صغير ماهو مبين !!!!!<<<اش هاذا التناقض
قالت لي سوي تحليل هرمون الحمل نشوف وضع الجنين,
سويته من بكره جيت اخذ النتيجه قالت عالي وممتاز واول مره لميا تضحك هضحكه,
قلت الله يبشرك بلخير قالت سوي اشعه صوتيه اوضح عشان نشوف وضع الجنين,
انتضرت ساعتين عند الاشعه من الزحمه يوم اخيرن وصلت :09:
قالت مالقيت الكيس <<<<<يااااعالم اثبتو على راي صدق مافيه فرق بين طبيب ممتاز وردي.
قالت مهبلي قلت مستحيل واذا قلتي الحمل سليم بكل برود ورحت للبيت وطاح وين بتنفعيني؟؟؟
مسحت جلهم وشلت عفشي وانحشششت
رحت بعد صلات العشاء لاسعاف مستشفى الملك خالد((بعد تحليف امي علي وانا كنت مصره انتضر لين يكبر الجنين عشان يبين بلاشعه زين))
رحت للاساعف بعد ما انطقيت ساعات من 8 ونص ما شفت الطبيبه الا 12
وريتها صوره من لاشعه ونسخه من التحليل قالت الهرمون عالي جدا ولا فيه كيس جنين بصور اكيد حملك خارجي
اخخخ ياقلبي نقابي غرق دموووع
جيت من بكره الساعه 8 الصبح عشان تسوي لي اشعه :44:
طبعن بدون نزاعات هلمره وبدون اي كلمه سويتها مهبلي,
وسمعت نفبض ضنااااي يا لله يا رحمان ارزقني بالحمل سليم معافا
قالت خارج الرحم :icon33:
طوارء عمليه
شافتني الطبيبه وقالت اذا الحمل صغير مررره نعطيك كيماوي قلييل عشان نقتل الجنين وينزل من نفسه<<تتكلم عن ولدي الي تو اسمع دقه دقه من قلبه,
او بيكون حجمه كبير بنفتح بمنضار ونضف القناه ونرجع نسكرها
او اسوء من هاذا وهاذا نشيل كل القناه ونضطر نفتح فتحه في البطن,
((الحمل خارج الرحم يكون الحمل ثبت في قانات فالوب والمفروض انه بعد مايتلقح في هاذي القنات ينزل لرحم مباشره وثبت في جدار الرحم اعراضه نزول دم والم في جهه واحد من اسفل البطن عدم روئة الجنين في داخل الرحم! ))
انا الحمد لله طلعت حالتي الثانيه فتحو ثلاث فتحات للمنضار ونضفو القنات ورجعو سكروها وكان التخدير كلي
صحيت من التخدير
بس اخذو مني قطعه غاااليه علي وقتلوها
انا سمعت نبضه سمعته يقول ما ما كم شهر وجاي
اللهم لا اعتراض على قضائك
اللهم اجرني في مصيبتي وخلفني خيرا منها
بنات الي تحس بالم و أو نتاقض في روئة الكيس على طول تشيك اذا خارجي او لا
الحمد لله الي اصرت علي امي قالت الدكتوره لو انك متاخره راح يصير لك انفجار
الحمد لله ربي يسر اموري وبدكتوره كلمت رائعه شويه عليها اسمها لطيفه الدخيل ياحبيلها نفسيه واسلوب
الله يجزاها عني خير الجزاء
دعواتكم بنات ربي يعوضني
باونتي 2009 @baonty_2009
عضوة نشيطة
يلزم عليك تسجيل الدخول أولًا لكتابة تعليق.
dodi1980
•
الله يعوضك اختي
الصفحة الأخيرة