معصوبه بالعسل @maasobh_balaasl
محررة ذهبية
قصت ولادتي بتفاصيلها لعيونكم
:( السلام عليكم ورحمة الله وبركاته ..... كيفكم بنات لكم وحشه حبيت اخبركم اني ولدت بتاريخ 23 رمضان بمستشفى العزيزيه بجده بحكي لكم قصتي .. يوم 22 رمضان الساعه 2 ظهرا حسيت بألم الطلق واتحملته الين الساعه اربع العصر وخفت لا اولد بالبيت خبرت امي واتصلت بزوجي وجا وخذني يوم دخلت للكشف جاني احباط صراحه قالت لي الرحم مفتوح واحد سم :( بصراحه انحبطت كنت اتمنى يكون اكثر وقلت لها متى ولادتي قالت مافي معلوم يمكن بكره يمكن اسبوع مافي معلوم وقالت لي اذا حسيتي الالم زاد ارجعي او اذا شفتي دم او ماء قلت لها مشكلتي اني مايخرج مني ماء قالت اذا حسيتيه زاد الالم ارجعي وروحت وكلي احباط وخوف لاني بولاداتي السابقه كنت اروح بألم اخف من الي انا فيه كنت ويكون مفتوح سته سبعه استغربت يوم قالت واحد بس مفتوح المهم روحت وجاني نوم وامي تقول لي لا تنامي امشي بالبيت وكلي رطب واشربي قهوه عليها زيت سمسم تقوي الطلق المهم مشيت واكلت رطب وشربت قهوه وحسيت الالم راح :22: قلت لامي قالت امشي ومشيت واخوي وزوجي داخلين خارجين علي قال لي اخوي باروح اجيب لك زيت خروع عطيته لزوجتي وولدت خخخخ قلت له جيب وراح الصيدليه وجابه وشربت ملعقتين منه على عصير برتقال لان طعمه مو حلو بعدين تعبت من المشي وجلست ونسيت الالم الين الساعه الواحده فجرا زاد الالم ودخلني خوف وجلست ابكي وقالت امي اتحملي خليه يقوي الطلق واتحملت الين الساعه الثانيه فجرا ماقدرت اتحمل قلت لهم خذوني وجت امي تجهزني وبناتي يطالعون فيني من بعيد خايفات وكنت اطالع فيهم وابكي ابكي احس اني ماعد باشوفهم :( بصراحه جاني خوف وتوكلت على الله ورحنا المستشفى وكشفت علي قالت خمسه سم وقالت على طول تنويم وطلعت غرفة الولاده وانا ارتعش وغيرت لبسي ولبست لبس الولاده ونمت ع السرير وجتني دكتورتين سعوديات ياحليلهم والله حسيت بالامان بالبدايه يوم شفتهم بعدين يوم زاد الالم وحطو لي جهاز قياس نبض الجنين وماادري ايش شافو بالجهاز ونادو الاخصائي ودخل وانا كنت بوضعيه شينه بصراحه :angry2: بس قلت قده تحصيل حاصل ايش بعمل شاف الجهاز وقال مافي شي وطلع قلت الحمدلله وكنت اصارخ طبعي كذا يوم اولد لازم اكون مزعجه مااقدر اتحمل الالم خذيت اصرخ وجت الدكتوره تقول لي في دفع قلت اي في دفع وجت وقاست قالت سته ونص لسى بعيد انتي :eek: وقامت بتفسخ قفازاتها بعد ماقاستني الا وانا اطلقت صوت هز اركان المستشفى خخخخخخ وشافت هي راس البيبي وكانت مستغربه خرج البيبي مع المويه كانه سمكه خرج من بحيره المويه تدفقت معه ويوم صرخت دخل الدكتور الاخصائي من صوتي ويوم شاف راس البيبي خرج جرا لا عندي ورفعه ولا كان بيختنق من المويه وسحبه وجت فيني مشكله المشيمه انفصلت وقعد الاخصائي والدكتوره ربع ساعه على بال مايحاولو لها الين ماطلعت بالغصب وخيطوني خياطه كاني خريطه وقلت لدكتوره كم غرز قالت نحنا مانعد :( وقالت اقعدي ساعتين ع السرير بعدين بنطلعك فوق وجلست ساعتين تحت وطلعت فوق والحمدلله عدت ولادتي على خير حتى لو اني تعبت فيها بس الحمدلله على كل حال .... المستشفى بصراحه نظيف والاكل زين والدكتورات طيبات بصراحه ويتحملوك وفيه عنايه ونظام بس الي ماعجبني بالمستشفى الي ينظفون الهنديات اكلونا فلوس مايتحركون الا بالفلوس ويجون هم يقولون لك فين فلوس ماما اذا ماعطيتيهم عز الله ينبح صوتك ولا يعبروك ... هذه قصت ولادتي الحلوه والاحلى يابنات ان الله سبحانه وتعالى رزقني بـ عبدالله بعد ثلاث بنات :42: وكانت فرحتي لاتوصف يوم قالو لي ولد مع اني عملت سونار بالشهر التاسع وقالت لي ولد بس كانت متردده الدكتوره والاشهر الباقيه كل مااعمل سونار يقولون مو مبين وكنت اعتقد انها بنت لان بناتي الثلاث يقولون لي مو مبين وتطلع بنت حتى اللبس شريت بناتي وطلع ولد :42: الحمدلله والشكر لله انه رزقني عبدالله احمدك يارب العباد واشكرك على عطائك ورحمتك فينا ويارب ترزق من طلبك الولد ولا تحرمه وترزق من طلبك البنت ولا تحرمه وترزق من تطلب تحمل ولا تحرمها اللهم ارحمنا وارزق من طلبك ياالله .... وهذه قصتي يا بنات :icon28:
66
6K
يلزم عليك تسجيل الدخول أولًا لكتابة تعليق.
آسيا بنت ابيها
•
الحمد لله على سلامتك وووووومبروكه يا ام عبودي
الصفحة الأخيرة