قصت ولادتي في السيااااااااااااااااااره

ماشاء الله تبارك الله


الحمدلله كما ينبغي لجلال وجه وعظيم سلطانه



اول شي بقولكم انا عندي 3 بنات

كنت اتمنى ربي يرزقني بولد

قريت عن الجدول الصيني والتنظيم الغذائي

وعن الغسول

لكن زوجي رفض يوفر كل هالاشياء يقول اتكالي على الله والي يجي من الله الله يحيه

انا مان بيدي طبعا الا الالحاح بالدعاء

وكنت اجلس بماء وملح قبل الجماع

واحاول بعد الغسل ادخل شوي ملح <<<<<<<<<<تراه مررره يحرق بس تحملت

والجماع كان بوضع السجود

وكان يوم 13


____________


علامات حسيت انه ولد

حملت ولله الحمد

*حلمت حلم وفسرته لي اختي الواهمه بان مافي بطني ولد

*في نهاية الشهر الثالث حسيت بحركه واستغربة كانها غازات خفيفه مررره

*سويت اشعه ببداية الشهر الرابع قالت ولد

*سويت تجربة السلسه وطلع ولد

*سويت البول اكرمكم الله مع الملح وطلع متعكر


كل هذا وكنت بصراحه خايفه مو متيقنه انه ولد

لكن الحمدلله ربي ماخيب دعائي ورجائي


____________________

ولااااااااااادتي


خلصت الشهر التاسع

ويأست مافي اي الام ولا اعراض تشير على الولاده

في يوم الاربعاء الموافق 17/1 /1430

كنت نايمه ومافي اي اعراض ابدا

الساعه 9 ونص

صار تحجر بطني

وانا متعوده على التحجر

بس وش الغريب انه رخا بعدها شد بعدها رخا

واستمر كذا كل دقيقتين تقريبا يشد بعدها يرخي

بدون الم

بعدها حسيت بصوت كان شي انفتح

تحركت يمين يسار مانزل شي <<<كل هذا وانا بفراشي

قلت خليني اروح الحمام اعزكم الله واشوف اذا نزل شي

رحت الحمام ولا ينزل افراز ابيض مختلط بدم

خفت بصراح قلت بنفسي مو معقول ولاده ومافي الم

المهم قلت شكل الدعوه مطوله

جيت الغرفه وصار الالم مثل الدوره بالبطن واظهر لكن محتمل

قومة زوجي وقلتله

قال يالله المستشفى قلت له مافيني شي ليش اروح يلعبون فيني

خليني شوي بروح اخذ لي حمام دافي يمكن يحمى الطلق

رحت وخذت حمام طولت مره وخليت المويه قريب للحاره

والام نفسه مثل الدوره وعلى نفس الموال يشد ويرخي

خلصت الحمام

جات الوالد وسوت لي حليب بالعسل

قالت تقدرين تتحملين

قلت لها مافيني شي تو الناس

المهم شربت منه شربتين بس وانا احاول امشي بالغرفه اروح واجي

الساعه 10 بالضبط شد وجا طلللللللللللللللللللق حار فجأه

ماقدرت اقوم ولا اقعد

صرت اصيح اقول مااقدر اتحرك

جا زوجي وقال يالله على المستشفى حسيت اني مو قادره اتحرك من شده الالم

لما راحت الطلقه لبست عباتي

وانا بالحوش امشي وتنزل علي مويه الراس والم فضيييييييييييييييييع

ماقدرت اركب السياره

مو عارفه شلون اجلس فيها

ركبت ورا بس جلست على اربع مكان الرجول ماقدرت اجلي على الكرسي

ومشى زوجي طاير

شوي تجي طلقه ثانيه

واحس ان الطفل يدفع وانا ادفع بدون مااحس


والمفاجأه طلع الراس

صرت اصرررررررررررررررررررخ طلع من شي طلع من شي

امي مو مصدقه تحسبني اتوهم

وانا اصيح واحلف والله طلع <<<<طبعا كنت بحاله بموت من الخوف

المهم جات امي تجلسني وتحس بيده في شي

صارت تصيح على زوجي بسرعه اقرب مستوصف طلع الولد

وبسرعه اقرب مستوصف بنفس الحي

طبعا ماعدهم لا تجهيزات ولاشي

وصلنا عندهم

وامي نادت كل الممرضات والدكتوره بسرعه لسياره

طبعا مااقدر انزل

جات الدكتوره مسكينه تخرعت

بس شالت الملابس الا هو نازل بيدها البيبي

كانت الساعه 10 ونص بالضبط <<<ماشاء الله خلال نص ساعه

المهم صارت الدنيا حوسه والعالم ازدحام يغطون السياره

والممرضات ماعندهم اي شي لتجهيز للولاده

جابوا مقص وقصت الحبل السري

كان اليوم بارد مره

قالت مااقدر اطلع المشيمه لازم ابره عشان مايجيها نزيف

وانا اصيح من هول الموقف الي انا فيه

ومغص المشيمه ذبحني طبعا كل هذا بالسياره

اتصلوا على الاسعاف

جا الاسعاف وماعنده الابره

قال بسرعه لازم نقلها قبل 20 دقيقه مو زين تجلس المشيمه اكثر

قرب مستشفى

كان اسطون

رحنا لهم وجابو نقال وشالون الرجال

والله ماهمني شي بس ابي اخلص

وعلى طول على غرفه الولاده

طلعت المشيمه وخيطتني

وانهينا ولله الحمد

بعدها جابوا لي ترووووووووووووووكي

والحمدلله مافن في شي



طولت عليكم يالحلوات بس حبيت انقل لكم تجربتي العجيبه

واسأل الله ان يرزق كل محرومه بالذريه الصالحه عاجلاا غير اجل يارب العالمين