قصت ولادتي من الألف إلى الياء...

بسم الله الرحمن الرحيم

السلام عليكم ورحمةالله وبركاته...
كيفكم يابنات والله أشتقتلكم .... إنشاءالله عرفتوني ومانسيتوني ....
زي ماأنتو عارفين أني توني مخلصة الأربعين ولله الحمد,,, وأنا جيت عشان أحكيلكم قصة ولادتي من الألف إلى الياء .... مثل ماوعدتكم....

لكن قبل ماأقصلكم قصتي حبيت أشكر كل من ردت على رسالتي وباركولي وأقولهم الله يبارك فيكم جميعا وعقبال الجميع يارب ..... :smheart:
وحبيت أسأل عن الأخت " أم مريم" وش أخبارها إنشاءالله ولدت ياليت اللي تعرف عنها شي تطمني عليها.... وحبيت أشكر الأخت " دااانه" وأقولها الله يعطيك العافيه وفيك الخير والله ....

والحين راح أبدا بحكايتي من دخلت للمستشفى ليييييييييييييييييين ولدت....

في يوم من الايام كنت جالسه وطفشانه مدري وش أسوي.... جالسه لحالي وزوجي كان برى البيت.... المهم دق التلفون ورديت لقيته المستشفى ..... طالبين منى أجي أنا بصراحه سمعت الخبر وتجيني حاله هستيريه (( خوف :crap: وروعه :eek: وضحك :hahaha: صياح :icon33: )) هذي كلها تجمعت مره وحه لييييه ماأدري....
على فكره أنا يوم يدقون علي وأنا باقيلي يومين وأدخل الشهر العاشر...

المهم قلت: له لازم الحين؟؟
قال: لازم هذا البلاغ اللي جاني ....
قلت:إنشاءالله أنا الحين جايه.... وكان الوقت حوالي الساعه 9 مساء...
المهم جلست أفكر ياربي وش أسوي أتصل برجلي وأقوله ولاأصبر شوي أخاف يجي طاير من الروعه....
وأخيرا قررت أني أنتظر شوي...
وقلت بدل هالجلسه سويلك شي ينفعك....
رحت وجهزت شنطتي ... طبعا انا من أول مجهزتها بس قلت لتأكيد... وبعدين رحت وصليت الوتر ودعيت ربي أنه يسهلها علي.... ثم خرجت أمشي قلت يمكن مع الروعه يجيني طلق لان أصلا مافيني طلق ولافكر يجيني.... وكان كل خوفي الطلق الصناعي لان ياما سمعت عنه.....
المهم وأنا أمشي دق على رجلي .... وسألني إذا محتاجه شي من برى.... قلتله: لا لكن تعال..
قال: ليه فيك شي...
قلتله: لا لكن تعال.... أنت بعيد ولا قريب .....
قال : أنا قريب والحين جاي....

المهم خمس دقايق وهو داخل وأنا بالحوش أمشي .... شافني قال وش فيك .... قلته المستشفى دق على وقالوا لا زم أجي عشان أتنوم....

المهم رحنا للمستشفى وأنا قلبي طايح من الروعه :heart: وأقعد أدعي وأدعي وأدعي لين وصلنا للمستشفى....
نزلنا وسوينا كل الأجرائات اللازمه .... وتنومت ذيك اليله.... طبعا كل ذاك اليوم ماجاني النوم وجلست مواصله لين جاني رجلي الظهر وطلب مني أنام لكن ماقدرت المهم .... كلمت أمي وقلت لها أني منومه بالمستشفى المسكينه أرتاعت علي وجت على طوووووووووووووول .....
يوم جت الساعه 1 الظهر أعطوني طلق صناعي وقالوا إذا ماجا مفعوله بعد 6 ساعات راح نعطيك طلق ثاني ..... المهم تروعت وجلست أدعي انه يجيني الطلق...
وطول هذي المده وأنا أشرب قرفه لكن مافيه فايده كل ماركبوا الجهاز علي لقوا الطلق بارد ولا أحسه..... وعند الساعه 9 مساء جت الدكتوره وأعطتني أبرتين طلق.... وآآآآآآآآآآآآآآآآآآآآآآآآه ... والله ماأمداها تمر 10 دقايق إلا والطلق حامي ويكسر ظهري من شدة الألم قالت لي امي قومي أمشي وكنت جالسه أمشي بالسيب.... لين خلااااااااااااااااااااااااص ماقدرت أستحمل الألم وجتني الدكتوره وقالت إذا ماتقدرين تستحملين بأعطيك إبره تهديك قلت طيب وجلست لين الساعه 11 باليل وبعدها قلت لرجلي أبي الأبره راح وقال لدكتوره لكن الدكتوره الله يهديها تأخرت وجلست لين الساعه 1 باليل بعدين أعطتني الأبره..... ما أكذب عليكم هي صحيح تهدي لكن ماتروح آلام الطلق.... ويوم جست الساعه 3 باليل جت تشوف الرحم لقته مفتوح تقريبا 4 سانتي ..... وقالت يلا على غرفة الولاده.... يوم قمت من الفراش وإلا المويه نازله على .... قالولي إذا تبين أمك تدخل معك للغرفه ترى عادي قلت لهم لا ما أبغى أي احد يدخل معي ......
ورحت وراح معي رجلي يوصلني ثم رجع عند أمي للغرفه ..... أنا يوم وصلت وجلست على السرير أعطوني كمامه ..... أول ماحطيتها حسيت أني طااااااااااااااااااااايره بالهوا ماعاد أقدر أسوى شي حتى أن الممرضه طلبت أمد لها يدي عشان تركب المغذي ارفعها لها يمكن 3 سانتي وأرجع أطيحها وبعدها نمت ولا عاد أدري عن شي لكن كل ماجني طلق صحيت من الألم .... صرت في حالة غيبوبه .... أقوم شوي وأرجع أنام.... لين خلاص نزل الراس وأنا أسمع الدكتورة تصحيني وتقولي يلا أدفعي والممرضه تحرك راسي عشان أصحى وإذا صحيت جلست أدفع شوي بس وأرجع أنام..... وعلى هالحال لين سهلها ربي من عنده وولدت .... وأول ماشفت النونو على طول قمت وسالت وش انا جبت ..... قالولي بنت :04:

على فكره صحيح أني كنت مثل إلي في غيبوبه لكن يشهد عل ربي مانسيتكم من الدعاء خصوصا وقت الطلق.... صراحه أنا مافي أحد ما اعرفه إلا ودعيت له... والحمدلله لأني كنت خايفه أنه ذاك الوقت أنسى عمري.... الحمدلله ....

بعدين خاطوني وكنت أنام وأصحى ..... ويوم خلصت الدكتورة من الخياطه شالت الممرضه الكمامه مني .... وأنا من الروعه سحبتها بسرعه من يدها ورجعتها مره ثانيه ..... بعده بشوي دخلت أمي وزوجي علي وجابوا البنوته عندي .... وكانت مررررررررررررررررررررره صغيره ويوم شفتها جلست أبكي ماصدقت ان هذا المخلوق طالع مني أنا .....

بعدها نقلوني على الغرفه حقتي وأخذوا بنتي عشان يحممونها ويطعمونها,,, بعدين ردوها لي .... وكل شوي داخله علي دكتوره وممرضه عشان يشوفون الصغيره وكانوا مرررررره مبسوطين وتقول هم اللي والدين مو انا.....

ويوم بغينا نطلع طلب منا المستشفى نسميها وأنا مابعد أخترلها أسم وجلست أنا ورجلي محتارين ..... لكن تذكرت أنه يوم جيت للمستشفى كانت الدينا تمطر مطر خفيف ..... فقررنا نسميها
(( ديــمـــــــــــــــــــــــــــــــــه))

الله يحفظها لنا إنشاءالله ويطرح فيها الخير والبركه.... وعقبال مانبارك للباقين....

وهذي قصتي من الألف إلى الياء....
ونسمع عنكم كل خير إنشاءالله ..... :baby2: :baby2: :baby2: