اهلا اخواتي
حبيت اليوم انزل لكم صور صينيتي اللذيذه
سويتها يوم كشتتنا وقت البرد والمطر بس ماكنت اعرف انزل صور بالمواضيع والحين اوكي:icon28: قلت عاد بنزلها عشان الكل يستفيد
طبعا هنا انا استعملت دجاج بس اصلا انا مااسويها الا بطيور السمان بس وقتها مالقينا فبدلته بدجاج بس السمان اطعم واحلى وعيلتي تحبه مره
نبدأ ع بركه الله
تجيبين صحن عادي حق الكبسه بس يكون خاص للبر عشان لو يحترق ويسود من تحت عادي
تقطعين الدجاج او السمان قطع صغار يعن الفخذ نصين الصدر 4 قطع الجنحان نصين الظهر نصين ووزعيهم زين بالصحن
اهم شي حاجه اسمها جلد ودهن ينشال مره وحده عشان الطبخه تصير صحيه وخاصه انها مافيها نقطه زيت ونبعد عن الدهون قدر الامكان
اما اذا كان سمان فعادي خلي الجلد عليه مايسوى السمان حيل صغير
عاد تجيبين حسب رغبتك تكثرين او وسط بصل تقطعينه صغير او وسط والثوم خليه شرايح احلى واطعم
وزعي البصل والثوم ع الدجاج او السمان
ارجو عدم الرد
تاخذين بصله وحده وتقطعينها 4 قطع ووزعيها فوق الدجاج بس بشكلها مو تفككيها
تجيبين طماطم مقشر المعلب وتفرمينه بيدك وتوزعينه فوق الدجاج والبصل
عاد جبت البهار الاساسي عندي الماجي وورق غار وحبتين هيل وعود قرفه + البهارات العاديه + الملح طبعا
حبيتي تزيدين شي من عندك براحتك
تحطين البهارات هذي كلها مره وحده فوق الطماطم واهم شي الماجي فتتيه بيدك عشان يذوب و مايكتل بين قطع الدجاج
ارجو عدم الرد