قصر عنق الرحم

روحي استشيري دكتورة ثانيه لان عنق الرحم قصير والافضل ربط زوجة خالي بالخامس اوالسادس عملت الربط مو متذكرة كانو مقررين بالرابع بس لان معها كان طلق قوي اجلو عمليه الربط لان لو ربطو ممكن ينفجر الرحم وماشاءالله ولدت بالتاسع

شوفي حبيبتي اول شي ربي يتمم لج علي خير ..
عنق الرحم عندج زين ..
اللي يعتبر قصير من 2.3 وتحت .. وانتي بمرحله حمل طيبه .. بعدين الفكره مو بس يشوفون طوله يشوفون لو كان في العنق توسع او تمزق ..
الشي الثاني دام عندج ولادات سابقه بالشهر التاسع هذا شي مطمن يعني حتا لو كان قصير لكن متماسك ومايفتح.. انتي ليش فكرتي تسوين قياس لعنق الرحم؟


الحين الخطوه عشان تحافظين ع الحمل ..
تلتزمين بالتحاميل اللي عطتج ويفضل تاخذينها شرجيه انظف واحسن عشان ماتعرضين نفسج للالتهابات وتجيب نفس المفعول ..
تمتنعين عن الجماع .. لان العمليه نفسها توسع عنق الرحم .. تسبب تقلصات .. وممكن التهابات ..
للاحتياط اخذي ابر بريملوت هاذي ابر تثبيت .. تنوخذ مره بالاسبوع ..


من تدخلين الاسبوع 26 اخذي ابره الرئه تحسبا لاي طارئ

مشكورات خواتي ع الردود ...
اختي ام اياد الحمد لله ع سلامة اختج ، انا الحين بداية السادس وكلهم قرروا لي عدم الربط لان عنق الرحم عندي زين ع قولتهم .
اختي نعناعة انا سويت تصوير ملون ، والدكتورة بروحها قالتلي ان عنق الرحم عندي 2.9 سم
وقالتلي لازم ارتاح .
وانا مشكلتي الدوام ، يعني لو اخذت مثبتتات وضربت ابر اقدر اروح الدوام عادي ؟
او لازم ارتاح راحة تامة ؟

انا بحملي كنت نفس وضعك وكان 2:3 قياس العنق وفات موعد الربط لأنه كنت بالخامس عطتني الدكتوره تحاميل مرتين باليوم وابره مره بالاسبوع ومثبت دفستون مرتين باليوم والراحه التامه وقالتي دائماً ارفع رجولي وانا جالسه والحمدالله بفضل الله كملت للتاسع وولدت بأخر يوم منه لاتخافين بس التزمي بالتعليمات من الدكتوره وماقدامك الا العافيه

هلا أختي سكر والحمد لله ع سلامتج ...
انا حاليا اخذ تحاميل سايكولجست 400 مرتين. باليوم ، والحين انا رايحه عيادة خاصه وناطرة الدكتورة عشان تصرفلي ابر مثبتة وحبوب .
يعني بالجلسة والنوم كنتي ترفعين ريلج ؟
كنتي تجلسين بشكل مستقيم او بشكل مايل ؟
وضحيلي كيف كانت طريقتج بالجلسة هذي وبالنوم بعد ؟
وهل تداومين او طول الوقت ريحتي ؟
لان دوامي متعب ما تصير معه راحة تامة .