قصصصصة ولادة أميرة النرجس

السلام عليكم

كيفكم حبايبي؟


أنا اليوم خلصت الأربعين الحمد لله، بكتب لكم قصة ولادتي، اللي عندها شغل تكمله وتجي ،،

ملاحظه: اللي مريت فيه مو شرط تمر فيه كل وحده

أنا قالت لي الدكتوره آخر موعد ولاده في 1/3/1434

طبعا انا بكريه ،،، جيتها كانت تعطيني ف التاسع موعد كل 10 ايام ،، قبل ولادتي باسبوعين قالت خلاص كل شي طبيعي والبيبي راسه تحت ونازل ف الحوض ،، اعطتني موعد بعدها بعشره ايام ،، ونفس الشي تكشف الرحم مقفل والطفل نازل راسه ف الحوض وكل ماله ينزل اكثر ،، حتى قالت لي لو ولدتي اليوم مافيه مشكله طبعا انا كنت امشي من بداية التاسع كل يوم ربع ساعه واحيانا نص ساعه وف اخر الايام احيانا اشد حيلي وامشي ساعه ،، كنت مررره اتعب لان البيبي مرررررره نااازل وفيني مغص يروح ويجي وثقل والم ظهر ،، وجربت الجماع ع انه كان متعب ومااااالي نففففففس بس كنت ابغى اولد بسرعه ،، طبعا كنت عند اهلي وكان زوجي يجيني اخر كل اسبوع ويتم الجماع وف الايام الاخيره كنت اخليه ف اليوم مرتين ،،كنت اتتتعععب بعده وبطني يتحجر وطلق كاذب يروح ويجي وغصب امشي ،، كنت اكل تمر بكثره وعسل وقشر مع الزنجبيل وكف مريم ،،، بس مااااافيه فايده كل مارحت الرحم مقفل ،، اخر شي قالت بعطيك موعد بعد 10. ايام اذا ماولدتي قبلها بنومك ونعطيك تحاميل تفتح الرحم ،،  مررررت العشره ايام وجيتهم كشفت باااقي الرحم مقفففففل !!! 

تحطمت مرررره لاني ماخليت شي الا وسويته ،، المهم نوموني يوم الاثنين الظهر الساعه 2 ،، جلست ريحت حتى الساعه 4 العصر وجت الدكتوره كشفت مقفل الرحم وحطت التحميله الساعه 4 العصر وقالت لي الممرضه لاتتحركين لمدة ساعتين وطفت اللمبات وقالت نامي،، كاني غفيت شوي ،، جت الممرضه ع 6 المغرب قالت تحسين بشي قلت لها ولاشي ،، جتني بعد نص ساعه وبدا عندي طلق خفيف ،، حطت جهاز التخطيط حق قلب البيبي ،، وكل شوي يزيد الطلق شوي شوي وانا كنت اعبس بوجهي اذا جا قالت فيه طلق خفيف ، جلست الى 12 ف الليل وكشفت قالت انفتح 2 سانتي ،، شافتني تعبانه قالت خلاص ماراح نزيدك تحاميل يمكن يزيد الطلق اكثر وينفتح الرحم بدون تحاميل ،، المهم جلست امشي شوي وشوي اصلي الى الفجر ،،يوم جا الفجر اختفى الطلللق !!!! مع انها بدات تنزل افرازات كثيييره وبعضها فيها خيوط دم ،، جت الدكتوره كشفت والصدمه باااااقي 2 سانتي والجهاز يبين انو مافيه طلق ،،قالت وقف الالم قلت ايه من ساعه كذا ،،

جاتني الساعه 6 وحطت التحميله الثانيه وجلست ساعتين ممنوعه من الحركه ،طبعا من الليل حطوا لي الحقنه الشرجيه عشان ينظف بطني ، المهم جت الساعه 8 وجتني الممرضه وانا العب ع الجوال << حليلي ابغا انسى التوتر 

قالت فيه الم ،،قلت ولاشي ! 
احسها تحطمت،، قالت فيه استشاري بيمر تغطي ،،مر الاستشاري وحالتي النفسيه ززفت قلت ابغى عمليه خلاااص ،، قال لا لازم نحاول معاك طبيعي بالتحاميل اذا وصلت 6 تحاميل ولا ولدتي وقتها نسوي قيصري ... 

المهم اكتئبت ،،ووكلت امري لله ،، يوم جت الساعه 9 بدا طلق ويللا يزيد ببطئ ويزيد ويزيد بس اتحمل ،، بس تعبت من السهر والتوتر ،،يوم جت الساعه 12 فيني نووم وجيت انسدح ع طرف السرير ابغى اغفي وتعبانه مره ،،المهم غفيت شوي وتذكرت صلاة الظهر قلت خليني اصلي قبل يزيد الطلق او الكشفيه،،اول ماقمت من السرير انفكت المويه حقت البيبي ،،فكرتها اول افرازات لانها كانت كثييييره ،، بس يوم نزلت ع رجولي وتصب مرره عرفتها وناديت الممرضه خلتني انسدح وحطت جهاز التخطيط وجت تكشف باااااااقي 2 سانتي ،، انننققهرت 
قالت لاتخافين انفكت المويه من الالام اللي حسيتها ،، 

جت الدكتوره الساعه 2 وحطت التحميله الثالثه ،، 

ومررررره كانت نفسيتي ززززززففففففت مررررره ،، يوم جت تكشف عورتني وكنت ابكي وتحاول تهديني تقووللي عيييب تبكين ،، قلت تعبت تعبت ابغى عمليه مانمت من امس والطلق والافرازات ماخلتني ،، رحمتني واعطتني ابره مهديه ،، نمت يمكن ساعتين ،، يوم صحيت مرره خفت اللمرضه والدكتوره جالسين عندي يكملون اوراقهم عندي ،،اثاري الطلق قوي بس مو حاسه فيه ،،، المهم بدا يروح مفعول الابره وجت كشفت فتح 3 سانتي ،، المهم جلس الطلق رايح جاي وكل ماله يزيد ،، الى قبل المغرب بشوي كشفت لقيته فتح 5 سانتي ونص ،، المهم طول ع هذا الوضع معد فتح اكثر ،، واسمعهم يقولون يمكن نسوي لها عمليه لانه فيه طلق ماتحتاج طلق صناعي بس الرحم عيا يفتح ،،، بغيييت انجن بعد هذا التعب كله ،، 

وجلست امشي شوي واجلس شوي ،، والمويات والافرازات ودم كان ينزل ،،كل مسالت قالوا عادي طبيعي ،،، فتح 6 سانتي ونص ،، وقامت الممرضه الفلبينيه الله يوووووووفقها دنيا واخره عسسسسسسل مررررره هي كبيره شوي ف العمر ،، تهديني واخذتني امشي وتسولف معاي تقوللي هي باول مولود لا تنومت 3 ايام ف المستشفى ،، خلتني امشي وتصبرني ومسكني عشان لا اهرب من المشي ،، الحمد لله فتح 7 ونص ،، وبعدها جلست شوي كنت بمووت تعب ونوم وجلست اترجاها ابغى ابره مهديه قالت لازم تمر 8 ساعات بين كل ابره مهديه والثانيه ،،المهم جلست يمكن ساعه وااعطتني ابره مهديه بس معد نفعت كثير وماقدرت انام الطلق حمي مررره،، يوم كشفت ع لقيته فتح 8 ونص ،، وتجي الدكتوره تسوي تحريض وتجي بعد نص ساعه وانا كنت امشي واجلس واذا جتني الطلقه اجلس زي جلسة الصلاه يقولون تساعد سبحان الله ،، واقرى الزلزله سبحااااااااان الله لها تاثييير كانت تخلي الطلقه سريييعه ماتتعبك ،، جت كشفت لقيته فتح 9 ساااانتي ،، قالت يللا ع غرفة الولاده ،،واااااااااو يااازينها هذي الكلمه والله بغيت ابوووسها يوم قالت كذا احس عيوني صارت قلوب ،،

قالت تركبين عربيه قلت لااا بروح امشي ،،،من كثر الفرح ههههههههههه

رحت غرفة الولاده وجلست امشي فيها شوي وبعدين جلست ع السرير كشفت لقته فتح 9 ونص طبعا دخلت غرفة الولاده الساعه 11 ف الليل يوم الثلاثاء تاريخ 10/3/1434 

المهم جلست تسوي تحريض بيدها مرتين يمكن ،، وبعدها خلتني شوي والطططللللق ذبحني واحس بزززحر ،، تقوللي ييللا دفي عشان ينزل البيبي اكثر راسه كان بعيد شوي عن فتحة الرحم وازززحر مع الطلقه وتخرج افرازات احسها حتى كشف فتح 10 واخيييرا الحمد لله ،، خدرت المنطقه تحت ،، وقالت يللا مع الطلقه امسكي افخاذك من تحت واسحبيها وارفعي راسك طبعا كانوا مسدحيني نص سدحه ،، وكنت ازحر وكانوا يساعدوني الله يجزاااهم خير كانت ثنتين يضغطون رجولي علي والدكتوره تضغط بطني من فوق تدف البيبي عشان ينزل ،، وتقوولي وقت الزحر خذي نفس عمييق قبل الزحر وقفلي فمك واكتميه وقت الزحر ،، المهم شفتها يوم طلع راس البيبي شوي جابت المقص ووسعت شوي ويوم زحرت الاخيره طللللللع ولددي الحمد لله ،، 

يابنات وقتها والله حسيييييييت بفرح والله ماحسيته في حياتي ،،حسيت كانه احساس نازل من الجنه ،، صرت ابغا ابكي مو قادره ،، بعد مابعدوا الولد ويشفطون اللي بفمه وانفه ضغطت الدكتوره بطني وجتني زحره صغييره وطلعت المشيمه الحمد لله سهله ماتعبتني ،، وبدت تخيط الدكتوره ووحده نصحتني قالت اذا بدات تخيط خلي عينك ع ولدك عشان ماتتوترين وتنسين ،، والحمد لله خلصت مع انها جلست يمكن ربع ساعه تخيط ،، نظفتني الممرضه ولبستني حفاظه كبيره زي حقت كبار السن عشان لو جا نزيف ،، المهم قلت للمرضه تجيب جوالي ابغا اكلم عشان الشبكه زززفت ف الملاحظه كنت ابغا ابشر امي وزوجي،، واصور ولدي ،،جابته وصورت ولدي وكلمت امي مسكينه نششفت من الخوف علي والله كانت تبكي وتضحك مو عارفه وش تقول ،، وكلمت زوجي مررررره بغا يموت فرح قال بكره ان شاء الله اخذ رخصه واجيك ،، خذتني غرفة الملاحظه قالت ريحي ساعتين عشان ممكن يجيني تطريش او دوخه ،، وجابت لي حليب دافي دخلتني الحمام وروشتني قالت الحمد لله مافيه نزيف ،، ريحت حتى كملوا اوراقي وطلعوني لقسم التنويم فوق ،، كنت قبل اطلع اكلم امي بالثابت واعلمها وش صار لي لاني معد كلمت احد من العشا حت ولدت لانهم وتروني من كثر الاسئله ،، 

الحمد لله تنومت 24 ساعه وبعدها خرجت انا وحبيبي الصغير علول ،ياقلبي كان مرره جلده مقشر عشان طول بعد ما انفكت عنه المويه ،، 


الحمد لله ربي اجاب دعائي وسخر لي دكتوره وومرضه زي العسل ،،
كنت ادعي قبل اول ( اللهم سخر لي من احوجتني اليه وقت ولادتي) 



والحمد لله مررررررت اصعب ايام حياتي وربي رزقني اكبر نعمه منه الطفل السليم المعافى ،، 
اااااسفه ع الاطاله