السلام عليكم ورحمه الله
انا صارلي والده سبع شهوووور نقلت لبيت جديد ومكان فيه نت
كان موووعد ولادتي 3/15
وخلللصت التاسع وعطونيي موعد 3/25 عشان طلق الصناعي وانا مااحس بااعراض الولاده ابد ويمر اسبوووع كامل وانا امشي واتسبح بمويه ساخنه واشرب قرررفه واكل عسل بدووون فايده
قررت اشرب خروح وباقي يوم ع موعد التنويم جبت زيت خروح وحطيته مع عصير وشررربته:09::09:
ونمت وجلست ساعه الا مغصصصص الله لايوريكم واروح الحمام اسهال الله يكرمكم وجلست ساعه رايحه جايه ع الحمام واحس بمغص خفيف يروح ويجي زي مغص الدوره وقعدت يوممم كامل اتلوى بس موذاك المغص وجلست لين جاء موعدي ورحت يوم الثلاثاء تاريخ 3/25وسوتلي الدكتوره كشف قالت بسس واحد صانتي :06: وكانت يدها مررره خفيفه ماسيت بالم مره وتحطلي جهاز الطلق تقول مامعك طلق واقولها كيف مامعي وانا احس بالم وربي حالتي احزن ابكي من الالم ومن الصدمه اذا هاذا مو طلق اجل كيف الطلق خالتي ام زوجي الله يجزاها خيير جابتلي تمر ماقدرت اكل ولاحبه وجابت قرررفه وهاوشت الدكتوره قالت انتي شربتي قرفه قلت ايه قالت اجل هو سببب التقلصات مادرت انه من الخروع وحطولي تحميله س10 الصباح واجلس اتلوى واخليهم يفكون التخطيط واتمشى لين جت الساعه4 العصر جت دكتوره ثانيه سوتلي كشف ماخلتني استرخي مررره يدها ثقيله قعدت اصرخ وتهاوشتي كل الستات كذا لازم تصبرين كان ودي اكفخها قالت2 سانتي:( وربي بغيت البس عباتي واطلع قالتلي مافيه خروج لوصار شي ع الجنين ع مسوليتك وخفت وجلست وقتلها انا احس بالممم ابي ابره اوو كمام وقالت بدري لانه بي2 سانتي
وحطتلي تحميله ثانيه وجلست ساعه وفكولي الجهاز وقعدت امشي ويجيني الطلق الصدق واستغفر واقرا صوره الزلزله وامشي واحاول اشجع نفسي وعطوني ابررره تهدي شوي الالم ورحت الحمام وفكيت المويه ساااخنه وطحت تحته وجلست ساعه تقريبن كاني مغمى علي من الابره وبعدين طلعت وقعدت امشي تخيلو امشي والطلق مررره قوي احسبه في اقوى من كذا من كلام الناس وامشيييي لين حسيت شي قاعد يدفع واروح الحمام عبالي فيني شي وربي احزن يوم رحت الحمام جاني دممم كثير ورحت ناديت السستر ودنادت الدكتوره وقاستني طلعت 7 سانتي انا فرحانه وخايفه بنفس الوقت وع طووول ع غرفه الولاده وانا اصييييح ابي ابره ظهررر الدكتوره الي معي مررره طيوبه ودقت ع الدكتور حق التخدير قال انا عندي عمليات من حضي كان فيه اكثر من اربع عمليات وجاني الدفع قالت الدكتوره ادفعي واحاول ادفع ماني اعارفه قالتلي ابنادي الدكتور انا صغيره وانتي بكر اخاف يجيك مضاعفات وجاني الدكتور وعطوني ابره عشان لويسوون توسعه مااحس
وبديت ادفع مررره مرتين ثلاثه واحس ماعاد فيني حييل الدكتور قعد يصارخ يقول الجنين اختنق وربي جاتني قوه وادفع بقووووه وكلهم يشجعوني نشوف شعر البيبي الا الحمدالله طلعت بنوووتي دانه:icon28: كانت الساعه1 اليل وجاني دكتور ثاني قالولي معي نزيف وقاعد يعصر بطنييي بقوووه ويدخل شاش داخل وربي عندي الولاده اهون وبعدين سوولي الخياطه وحطلي بنج مافي الم بس نغزات بسيطه ووجلست بغررفه الاولاده لييين س10 الصباح عشان النزيف بعدين رحت الجناح
حاولت اختصر قصتي لاني مااحب الاطاله
المستشفى الحرس الي بجده صررراحه اهتمام ونظافه
ونصيييييحه لااحد يغامر ويشرب الخروع زيي سببلي الم بدون طلق
والجمدالله الولاده مو ذاك التوهيل الي سمعته من الناس الم تقدر الوحده تحمله
حلاوه الروح2 @hlaoh_alroh2
عضوة نشيطة
يلزم عليك تسجيل الدخول أولًا لكتابة تعليق.
غيمة ذهب
•
ألف مبروك المولودة ، انا خلصت شهري وعطوني موعد بعد أسبوع طلق صناعي ، خايفه مرررره الله يسهل
سلفريج
•
الف مبروك ماجبتي تتربى بعزكم
بس لي ملاحظه على اي اساس يعطونك ابره ظهر وانتي تدفعين خلاص منتهيه!!
إبرة الظهر من يكون اربعه سانتي تؤخذ بس الرحم فتح وتدفعين خلصنا وشوله ابره
لان حتى وقت الخياط يخدرون المنطقه ماراح تحسين كثير
بس لي ملاحظه على اي اساس يعطونك ابره ظهر وانتي تدفعين خلاص منتهيه!!
إبرة الظهر من يكون اربعه سانتي تؤخذ بس الرحم فتح وتدفعين خلصنا وشوله ابره
لان حتى وقت الخياط يخدرون المنطقه ماراح تحسين كثير
مسموحة
•
الحمد لله على السﻻمه وماشاء الله ﻻقوة اﻻ بالله جزاك الله خير على ذكر تجربتك
انا دكتورتي قالت لي بس انصحك بالرطب ﻻتخربطين
الله يسعدك ويبارك فيك ويقر عينك بصﻻح دانتك وبرها
ويرزقك الذريه الصالحه
ياحبيبتي خالتك ام زوجك منصحه وهاوشوها ياحبيلها
انا دكتورتي قالت لي بس انصحك بالرطب ﻻتخربطين
الله يسعدك ويبارك فيك ويقر عينك بصﻻح دانتك وبرها
ويرزقك الذريه الصالحه
ياحبيبتي خالتك ام زوجك منصحه وهاوشوها ياحبيلها
الصفحة الأخيرة