قصصكم في الزواج بعد سن الثلاثييين ✨✨✨

تعديتوا سن الثلاثييين وربي فرجها عليكم ورزقكم بالزوج الصالح؟
ثنتين من خواتي قربوا الاربعين بعد ولحد الحين ما جاهم نصيبهم
للعلم محد تقدم الا مرتين
مره بالتليفون وخذوا موعد وتجهزنا ننتظرهم ولا جو
والمره ثانيه تقدم لاختي شخص واهله جونا وضيفناهم وحبونا واعجبتهم اختي مره هذا الكلام من 8 شهور ولا ردو راحوا ولا اعتذروا على الاقل !
والحمدلله احنا سمعتنا طيبه ودايم يمدحون في اخلاقنا
للعلم اختي بكت وتضايقت كثير واحنا بعد حزنا عليها لحد يقولي الزواج مو مهم اهم شي وظيفتك ! ندري انه الوظيفه شي مهم بس الزواج نتمناه نتمنى نصير امهات بيتنا غاب عنه الفرح يعني روتينا واحد مهما نغير ونتمشى بس بعد احس كبرنا وما صرنا نفس قبل لانه كل اللي حولنا تزوجوا والله رزقهم بعيال ماشاءالله
مدري وش السبب اللي للحين انا وخواتي ما تزوجنا اكيد انجرحنا من كلام الناس بس خلاص ما صارو يفرقون معنا ولا يهمونا بس احنا نفسنا نتزوج صرنا نفكر في نفسنا وفي المستقبل واكثر وحده خايفه علينا واشوفها اخر الليل تبكي وتحاول ما تبين لنا امي تتمنى نتزوج وشايله همنا كثيررر ودايما تنعزم من الاهل والصديقات على افراح بناتهم وتقولي متى بيجي دوركم ابي افرح 💔
اجبروا بخاطري
واللي تعدت الثلاثين وتزوجت بفضل ربي انصحيني او على الاقل دعوه
اجبروا خاطري اذا عندكم قصص على الاقل ترجع الامـل فينـي😭