السنه الي فاتت كانت اول مره اتغرب عن اهلي وجلست 7 شهور
ويوم جينا نروح زياره طبعا ماعلمتهم بالضبط متى ابجي قلتلهم ابجيكم بعد اسبوعين وحنا رحلتنا بعد اسبوع حبيت اسويلهم مفاجأه
وطبعا كل ما ادخل المسن اشوف خواتي يعدن العد التنازلي باقي على جيتك كذا وكذا وانا اضحك عليهم
المهم انا كنت مقرره لما اكون بمطار هيثرو ادق عليهم واعلمهم
ولما وصلنا المطار دقيت على امي وقلتله اليوم ابجي وهذا بالمطار واسمع الصراخ والوناسه انبسطو وقلتلهم يالله استقبلوني
بعد ما قصينا البوردنق وجلسنا ننتظر قالو انه فيه تاخير ساعه وادق على اهلي واقولهم تراهم اخروها ساعه ..
بعدها بشوي قالو تأخير ساعتين ...وادق على اهلي وو..
بعدها قالو تأهير 3 ساعات:06:

بعدها قالو ماهنا طياره الليله روحو نامو بس وبكرى نجيبلكم غيره انا:ohmy:

وش لوووون يعني انا انواع الحماس ابي اروح لهلي تهئ تهو وادق على اهلي واقول مهنا جيه الا بكرى وتوبه اسوى مفاجأه
كنا على خطوط ال bmiوصراحه انهم كفو طبعا وقت التاخير الي دام اكثر من 4 ساعات صرفولنا كوبونات نشري بهن وجبات <<مادري وشي بالضبط لاننا ما اخذنا منهن
وبعد تاجيل الرحله اخذونا بباصات لفندق وحجزولنا وكلن عطوه غرفه على حسب عائلته وعشونا وبكرى الصبح فطرونا وعلى المطار ورحنا لهالنا الحمد الله

طولت عليكم اسفه :35:

هلا بروزانه وهلا بالمواضيع الشربااات

انا صارت لي هالسالفه بس من نوع اخر
يوم كنت بالسعوديه وزوجي يقول باقي على رحلتنا 3 ايام واجي اوصطراليا
وماتتخيلين وشلون دموع وحوسه واعد الساعات ماابي يجي اليوم اللي بروح فيه لهديره
مب كرها فيها لالا بس مااحب لحظات الوداع ولا الطياره وخصوصا المسافه ولا الشعور انك كنتي بين ازعاج ووناسه وطلبيات بقاله >> مدري وش دخلها
الموهم
ونودع الاهل والدموع اربع اربع
يوم رحنا المطار خخخخخخخخخخخخخخخخخخخ صارت الرحله بكره
طبعا انا مرره استانست وزوجي مايدري وين يودي وجهه
ورجعت لاهلي
وسافرت من بكره وعاادي لادموع ولا شي
طبعا قلت لاهلي الرحله اتكنسلت خوفا على شكل زوجي قدامهم