انا حصلي موقف خطير بس الحمدلله ربنا لطف كنت بطبخ وانا عند اهلي زمان وكان الفرن مليان طناجر ومقلايات وفجاءة وقع الفرن بكل الذي فيه علشان الفرن كان فيه مشكلة بقاعدته وربنا ستر وما صار شي

الحمدلله ان ربنا لطف والله يعوض على الأكل الي راح

موضوع رائع تشكرين عليه أختي الغاليه

هههههههههههههههههههههههههههه
مررره حلوه مواقفكم انا أغلب مواقفي يحترق الأكل معي وخااصه الغدا
ياااربيه واذا حطيت الغدا أجلس وانا على أعصابي أنتظر التعليقات :icon33:
والموقف اللي أتذكره أول مره صلحت رز قالت لي أمي حطي خمس حبات هيل شوفو الدقه بس هههه
المهم آخذ خمس ملاعق هيل مطحون واحطها عالغدا المشكله نسيت وش كان الطعم :09:

ههههههههههههههههههاهههههههه

اه يابطني بصراحه مت ضحك تدورن ليش >>>>>>>ذكرتوني بالذي مضى

انا افلام الله وكيل لكم تخرجت من الجامعه وانا والله الكبسه مدري شلون يسونها <<<كنت خامس وحده في اخواتي وماشاءالله كلهن طبخات

الا انا ناقزه عرض امي الله يسعدها دايما تقولي مدري شلون ماانتبهت لكي انك ماتدخلي المطبخ<<<<ماشاء الله اخواتي مايقصرن

امي انفجعت بهالبنت ولا بعد ملكت اول ماتخرجت وكنت صريحه قلت لااخواته ايام الخطبه يقولوا له اني مااعرف اطبخ<<<الله يسعده كان يقول اكيد لانها في بيت اهلها مجرد ماتتزوج تتعلم هو طبخ مودراسة طب

وتبدى المعاناه وامي الله يسعدها تبتدي معاي بالكبسه <<<ماعندها وقت

جننتها يابنات والله مااعرف شلون الكشنه الكلام هذا قبل العام يعني{1430 }ولاحتى ايش يحطون فيها

وبدت معاي تقولي كل شى وانا اروح المطبخ والخدامه تساعدني بالتقطيع بس لانها هي بعد امي ماعلمتها ولاتحبها تطبخ

واشكال الوان ظليت اسبوع الدجاج زابط لكن الرز اشكال الوان مره حب يابس ومره شوربه وذايب واذا فكني الله وزبط الرز الملح ينقز لي ..... كأن احد داعي علي


طبعا الميزة امي تتغدى ولاتقول شئ اما اختي واخوي <<<اصغر مني هم الضحايا اخواني واخواتي الباقين متزوجين

اسمعي التعليقات بالذات من اخوي يتصل على اخواتي ويقولهن وشوفي التريقه بس كنت اضحك معاهم ماتفشل لانهم اصغر مني

والله يابنات هذا انا هذا انا حتى مامر على تخرجي وملكتي بما انهن مع بعض ست شهور غير وانا متعلمه كل شئ حتى صواني الفرن والمحاشي والكبسات

والله يابنات كنت الكريم كرميل مدري شلون يسونه<<<<<والله اذكر اتصل على وحده من اخواتي وتقولي الطريقه بس طبعا يغمى عليها وبعدين ترد ههههههههه

والان انا اكتب لكم من بيت زوجي ولله الحمد كل شئ اعرفه واي شئ اقراه اعرف اسويه<<زوجي يقولي باول طبخه ماتوقعتك كذا لو ماكنت اعرف لااقول تطبخ من زمان

في شئ نسيته امي برمضان تخليني اسوي الكاسترد والله كل يوم اسأليها عن المقادير وهي بالمطبخ تجي تنجلط بس الله يسعدها ولايوم خاصمتني عشان الطبخ رغم اني كبيره

>>>طولت عليكم بس طفشانه وصاحيه بدري وتفلت ههههههههه