المتفائلة ^_^ :

قصتي اشبه بقصة خيالية ولكنها والله من الواقع المرير ضيعوا عمري الله يضيع اعمارهم تزوجت وسكنت مع اهله في نفس البيت بس كان لي غرفة وحمام فقط بس مستقلة عن بيت اهله وتحملت مرارة العيش في مكان ضيق لمدة 5 سنوات وبعدها اكتشفت انه بدأ يخونني وكلما كنت اروح بيت اهلي ارجع الاقي بيت متغير اماكن الاشياء متغيرة وجوال 24 ساعة يرن فهمكم كفاية بعدها كلمته اهله انكروا وقالوا انتي عندك مرض الشك الين ما صار مشاكل بينه وبين اهله انتقلنا لشقة مستقلة لكن مشاكل الخيانة ما خلصت بعدين عرفت سبب نقله للشقة مو عشان راحتي عشان يفضى له جو في الغرفة قديمة عشان مسخرة "فهمكم كفاية " ولمن بدا الناس يتكلموا على اهله ويشوفها داخل وطالع مع حريم من الغرفة اضاربوا معاه وقالوا رحوا اعمل مسخرة في بيتك وكلما اروح بيت اهلي ارجع الاقي بيت متغير زي ما كان يسوي اول وزادت المشاكل بسبب هذا الموضوع ولمن كلمته اهله كانوا يقولوا مايسمع كلامنا يعني نموته ولا ايه ودامت مشاكل 3 سنين اخر شيء قال ابغى اتزوجه واهله رافضين وكل يوم كان يضغظي على اني اروح بيت اهلي أو اهله وافضي له بيت عشان مسخرته ولمن كنت ارفض كان يطلع من البيت في صباح وما يرجع الا في الليل او انه يهددني اني ما طلعتي انت طالق وبما انه احنا من عايلة قبلية عندنا عيب كبير طلاق تكون معلقة وجالسة في بيت اهله ارحم وكان اهله دائما يحلفوا انه ما يزجوا ولدهم مرة تانية لكن خاسرة عرفت بعدين انه اصلا كانوا يعرفوا البنت ومتواصلين معاه من زيارات وهدايا بس حتى طلبوا من بنت انه يتقدموا لها بس اهلها رفضوا ووصل فيهم الجرأة انهم يتقابلوا في اماكن مقدسة من غير ما يعلموا حرمة لهذه الاماكن والمشكلة ما كان يسويها الا لمن يطلع مع اهله كان يسيبني عنده اهله وراح يقابلها في هذه الاماكن حسبي الله ونعم الوكيل عليهم اجمعين بعدها سبت البيت ورحت عند اهلي جلست سنة عندهم ولا احد استحى على وجه وكلم اهلي حتى لمن اهلي اتنازلوا وكلموهم عشان يشوفوا حل للموضوع كان يتهربوا ويطلعوا اعذار عشان ما يحلوا المشكلة بعدها بفترة سمعنا انوا خطب واتزوج وحدة تانية وهو على العلاقة مع حبيبته اولانية حتى ليلة زواج كان معاها وهذه ضحية جديدة من ضحايا الظلمة حسبي الله ونعم الوكيل عليهم يضيعوا حياة بنات الناس كل سنة زواج جديد كل هذا عشان كم ريال معاهم لانهم حديثي النعمة واللي قاهرني انهم جابوا عروسة جديدة في نفسي عفشي حتى الملابس والذهب اعطوها لها لاني لمن طلعت من البيت ما اخذت شيء معاي مع انه فرشت البيت وضبظه مع اخواني والمشكلة لمن راح يتزوج قال للناس انه ما عنده عيال وهوا اصلا ما في مستشفى روحنا له الا قالوا لازم يتعالج وهو رافض العلاج وانا الحمد لله مافي شيء لدرجة انه امه جاءت معي معايا المستشفى وقال الدكتور ولدك يبغاله علاج وانت ما فيك شيء بعد صبري عليه وتضحيتي بامومتي غدر بي وطعني بظهري وراح اتزوج وكان اخواته يقولوا في احد يسيب بيته عشان خيانة بنات يعني عندهم هذا شيء عاددددددددي مرررة لكن ظاهرهم ملتزمين والله ماني عارفة ايش اكتب ولا اقول قلبي مجروح وشبابي ضاع واللي حارق قلبي أمي وابوي مع كبر سنهم زادات مشاكل بدل ما نريحهم صرنا عبء عليهم يارب كما حرقوا قلبي امي وابوي تحرق قلوبهم ونهاية قصتي ضياع عمر فقط وهم من زواج لافراح وانا في هم وغم مايعلم فيه الا الله ابغى من كل اختى محبة وعزيزة انه تدعي لي في ظهر الغيب انه ربنا ينصرني وياخذ حقي منهم عما قريب لاتنسوني من دعائكم في السجود وفي الاسحار وفي اوقات الاجابة والى الان انتظر نصر من عند لله لانهم طعنوني في ظهري وانا كنت معهم زي بنتهم بس زمن صار فيه طيبه عيب

قصتي اشبه بقصة خيالية ولكنها والله من الواقع المرير ضيعوا عمري الله يضيع اعمارهم تزوجت وسكنت مع...