قصصي مع شغالاتي قصص غريبه أرجوا من الجميع الدخول والتعليق..

بنت القصيم3 :

بعد مرور الشهر دقوا المكتب يقولون جت البديله ... قلنا يالله الفرج من عندك... رحنا جبناه ..وأول ماركبت قريت أسمه من الجواز وناديته وصارت تعيد أسمه وراي وأنا أسأله وهي ساكته عرفت طبعا أنه جديده وأنا طالبه تكون مشتغله من سنتين وفوق ... والله بغيت أصيح من الموقف وجلست أدعي على المكتب .... جبت الأجار وقلت علميها كل الشغل وعطيها ورقه فيها أغلب كلامنا والمهم منه وخصوصا اللى ينفعها مع بنتي .. بنتي عمره سنتين ونص وولدي عمره 6 شهور.. وش لون أبي أخليهم عند وحده ماتعرف كوعه من كرسوعه؟؟ وصارت بنتي ماتطيقه بعيشة الله لأنه تكلمه وتبيها تلعب معه وهذي ماتفهم وساكته ... وبعد فتره طلعت علي من المطبخ وهي ترتجف بقوه قلت وش فيه بالأشاره طبعا؟؟ قالت برررد ... على طول أخذته وفتحت الدفايه وقلت أجلس هنا... وجبت مقياس الحراره وقست حرارته ولقيته زينه... وبدت تحاول تفهمني وش صار معه وبعد جهد فهمت أنه طاحت مع الدرج على راسه ودمت أذنه وتقول ماأشوف زين.. وديناه للمستشفى وفحصوا عليها قال الدكتور ماأشوف فيها شي وسوو لها أشاعات على راسه ورجله وأيده كل شي سليم... رجعنا للبيت ... وفي ذاك اليوم زوجي مستلم مداوم .. قلت كويتي ملابس قالت أيه قلت روحي جيبيهن ... راحت فوق وطولت ماجت ... دقيت عليها جرس كم مره ماردت ... فتحت باب شقتي أبي أناديها وألقاها بالدرج طايحه مغمي عليها... وتروعت مررره وماأدري وشلون أتصرف دقيت على زوجي مارد علي.. رحت لمه وناديته كم مره ومسكت أيده وتنبهت وقامت تصيح وتقول مدام أنا مافي يشوف... مسكته ونزلته وخليته تكلم الأجار اللي عندي قبل قلت له قوليله إذا تبي تسافر لأنه تعبانه وأخاف يجيها شي عندي.. رفضت قالت أنا أبغى شغل... قلت روحي فوق وريحي ... وجا زوجي من الدوام وأخذناه للمستشفى وتنومت 3 أيام ... وقال الدكتور مافيها شي... وطلعت وطاحت مره ثانيه عند أهلي وطاحت مره ثالثه عندي وكان زوجي موجود ... ودق على الأسعاف وجوأخذوها.. وتنومت يومين ... وبعدها وديناها لناس يبونها على أساس تجربه للتنازل... جلست عندهم أسبوع يمدحونها... بس هي رفضت العمل عندهم تقول أنا أبغى مدام... رجعوها عندنا.. وتأسفت مني .. قلت شكلها أن شاء الله خفت... طبعا أنا من هذي الظروف قدمت أجازه كل باقي السنه... وجلست فتره صراحه ممتازه من ناحية التنظيف ... وفجأه بدت تسوي نفسها تبي تستفرغ وأنا طنشت ورقت لغرفته وطولت مانزلت ودقيت جرس ماردت .. رقيت لمه أول مادخلت الغرفه صارت تتلوى وتتأوه بقوه مررره قلت وش فيك قلت هنا نار يامدام وتأشر عى صدره .. تركته ونزلت وعلمت زوجي قال والله ماأوديها للمستشفى والله المستشفى صرت مشهور عندهم من هالشغالات... وحاولت معه لين طاع ولما ناديناه علشان تنزل نزلت عادي ولا تتوجع ولا شي... وفي المستشفى أخذوا عليها أشاعه قالوا سليمه ... وقال الدكتور هذي تستهبل عليكم ... وجابه زوجي وعلى طول رقت ونامت... وأنا الله لايوريكم أعصابي تلفت ورقيت لمه وهزأته وقلت مافيك شي أنزلي أشتغلي .. ونزلت عادي ... ومن بكره قلت لزوجي خلاص ماتجلس عندي ولا يوم .. وجهزت أغراضي نبي نوديها للرياض للمكتب اللي بعنا الأوله عندهم .... ورحت لغرفته وقفلت عليها الشقه وفتشت أغراضها ... وأخذت لها لبسه ونزلت .. وقابلتني وقالت وش فيه مدام وشينت النفس وقلت مالك دخل وناديته ودخلته للحمام وخليته تشيل ملابسه كلهن وأنا برا طبعا وجلست تصيح ماتدري وش بنسوي به ... وأعطيته ملابسها وأنا عند الباب ولبست.. ومشينا حطيناه عند المكتب ورحنا .. صاحب المكتب دق علينا بعده وقال أنه رافضه العمل وتبي تسافر ... تحسبت عليها وأرسلنا للمكتب فلوس وتمت أجراءات السفر وراحت ... والله تعبت ... شوي وأكمل...

بعد مرور الشهر دقوا المكتب يقولون جت البديله ... قلنا يالله الفرج من عندك... رحنا جبناه ..وأول...