كتبت ذا الموضوع لعل يجبر خاطر وحده فيكم ويرجع لها الأمل في لحظة فقدت فيها الأمل…
والله يرزق كل من تتمنى الحمل السليم التام المعافى يارب يارب يارب🤲

أبدأ انا أول وحده فيكم..
تزوجت ومااستخدمت أي موانع وجلست ٨ سنين من غير حمل🥹بعدها قررت ألتزم الأستغفار والتزمته بنية الحمل كنت مسافره برا وملتزمه الاستغفار طول ماانا في الطياره وفي وصولي للمنطقه اللي كنا مسافرين منها طول ماانا امشي واتفرج استغفر..تخيلو اني رجعت من السفر وانا حامل🥹🥹يارب لك الحمد والشكر نعمه من ربي وهديه اهداني اياها ف وقت ماكنت متوقعه فيه الحمل طبعا انا ماعرفت اني حامل الا بالشهر الرابع لاني زي كل وحده هنا كنت احلل كل شهر اذا ماجان الدوره ويطلع مافيه حمل وقررت اني مااححلل لما تأخرت الدوره وجلست ٣ شهور بدون دوره وحاسه بغثيان وحاسه بصداع بس ماحللت خوفاً من الصدمة طبعا طول ال ٣ شهور مااستخدمت فوليك ماكنت اعرف انه في حبوب تستخدم من الشهور الاولى..وبعد ٣ شهور رحت المستشفى حللولي حمل وسوت لي سونار وقالت لي انتي في ١٦ اسبوع😭😭💕💕💕💕وسوت لي التحاليل اللازمة وعلمتني من وقتها جنس الجنين😅عصفورين بحجر🤣
والحمدلله من كرمه وفضله علي تم حملي على خير وبعد هالحمل..راجعت بعد نفاسي ورفضو يصرفولي حبوب منع الحمل لأني متأخره ف الحمل وفعلاً مااستخدمت موانع وقعدت ٣ سنوات بدون حمل وزوجي كان رافض فكرة التنشيط والأبر والتدخلات الطبيه وقلت مالي الا ارجع للأستغفار🥹وفعلا التزمته يمكن شهر كامل الا زوجي يجي يفاتحني بالموضوع وقال شرايك انتي مقتنعه تستخدمين ابر قلت ايه ومستعده كمان وراجعت واستخدمت مكملات غذائيه وابر تفجيريه ويارب لك الحمد والشكر انعم علي بالحمل الثاني وتم الحمل ع خير يارب الحمدلله على نعمك وعطاياك،بعد ولادتي طبعاً مااستخدمت مانع ويارب لك الحمد والشكر حمداً كثيراً طيباً مباركاً فيه ملء السموات وملء الأرض وملء مابينهما حملت بحملي الثالث طبيعي وعمر مولودي الثاني ٤ شهور..
والحمدلله ربِ مايأخر شي إلا لحكمه ولايكن الشيئ الا بأمره ف لاتكرهون من أمر الله شي..يمكن هو مأخرني ف الحمل عشان ارجع له وادعيه واستغفره ف انتي لاتيأسين وتأكدي ان مابعد الصبر الا فرج ولا بعد العسر الا يسر لاتحسبين ربي مايحن عليك او انه يشوفك متضايقه ولايفرح قلبك ويجبر بخاطرك بس كل شي له وقت مكتوب..
ادعي واستغفري وصلِ الصلاة الابراهيميه..ووكلي أمرك له وبإذن الله ماراح يردك خايبه..رمضان مابقى عليه شي استعدي له وافرحي وادعي فيه من كل قلبك وعسى الله يبلغنا واياكم ومن تحبون واحنا بصحه وعافيه ياكريم ويستجيب كل دعواتنا..
وأخيراً أسأل الله في هذي الساعه ان يرزق كل من تتمنى بالحمل ومايجي رمضان الا وهي تبشرنا يارب يارب يارب🤲