قصص أم آدم

السلام عليكم و رحمه الله و بركاته كيفكم يا أجمل الجميلات و ألطف بنات حواء

عندي قصص حقيقة بقولكم قصتين منها طبعا للعظة و عشان ما ننسى أنفسنا و نتبع هواها و ترى مو معناته اني انصح يعني انا اللي ما أغلط بالعكس لكن الله يعيننا على طاعته

السالفة الاولى
حرمة ربي رزقها ربي بالبنات ما شاء الله و ولد و هذا الولد تتمنى تزوجه طبعا جنب بيتها جارة طيبة شرواكم و بينها و بين الحرمة هذي قرابة
بنسمي الحرمة أم فلان عشان ما نلخبط هههههه


يعني جيران و قرايب
و بينهم عشرة طيبة ما شاء الله و جمايل بصراحه


مرت السنين و ولد جارتها خطب و بيتزوج و عزموههم على العرس
و بحكم ان بيتهم قريب من بعض شاف المعرس أبو فلان
و راح لزوجته أم فلانه و يسولف عن المعرس بأستهزاء و يضحك و يشبهه بشخصيات معروفة


و ام فلان راحت تسولف لنا ان زوجها قال كذا و يضحكون الحريم


طبعا خطبت ام فلان لولدها الوحيد و سوت ملكة و تفركشت
و خطبت مرة ثانية و سوت ملكة و تفركشت
قلت لأمي ترا هذي شماته لما كان يضحكون بولد جارهم المعرس
تخيلوا كلمة ممكن تسوي كل هالامور


العبرة اننا ما نستهزئ بأشكال الناس هذي خلقة ربي لكن جل من لا يخطأ




السالفة الثانية
وحدة متزوجة تغار على زوجها
المهم راحت لعمها تسلم عليه و زوجها اللي وصلها بالسيارة
طبعا هم في قرية يعني ما يجيهم أغراب
زوجة عمها تحسب انه اخوها لانها نفس سيارته و طلعة من البيت و تبي تسلم عليه تخيلوا هههههه الله يسعدها بس


بعدين لما شافت الرجال و الحرمه عرفت منهم و تغطت و رحبت بهم في بيتها و دخلوا كلهم


طبعا الحرمة المسيرة على عمها ما قالت شئ و خلصت سهرتهم


لما اجتمعت بأهلها و تعرفون سوالف الحريم و تذكرت السالفة
الاغلب قال لها معذورة زوجة عمك تشابهت معها السيارة بس الحرمة ذي قالت كلمة صعبة تنقال بحق امراة حتى لو فيها
قالت لا أنها تحب الرجال
كلمة صعبة و هذيك على نيتها و اعتذرت
العبرة لا تخلون المشاعر تتسبب في قذف مسلمة محصنة
مهما حصل




اذا تبونها سلسلة اسويها بين فترة و اخرى ؟
صدقت نفسها الرواية😂😂😂😂


و اتمنى تشرفوني بتعليقاتكم