بعد اذن صاحبه الموضوع با اكتب لكم قصه حقيقيه عن الجن حصلت لخال امي الله يغفر لهم جميعا كان عندهم مزرعه كبيره جدا وفيها بير وكان خال امي يفرش له فراش تحت التوته بينها وبين البير تقريبا 500 متر هذا الكلا م تقريبا من 70 سنه ولا يوجد كهرباء في قريتهم وكذا جميع قرى المملكه المهم كان يستعد للنوم بعد صلاه العشاء ولا ذيك الارنب عند البير ويقوم ويصوب عليها بندقيته ولكن ما اصابها وفجاءه الا ذيك الحرمه واقفه على راسه قالها من انت قالت انا الارنب ولوك ذبحتني كا ن قتلوك اهلي وجابت له معها عشاء لذيذ يقول ما عمري ذقت اطعم منه بس اشرطت عليه شرط انه ما يخبر احد عن سالفتها ولا عن العشاء راحت الايام والجنيه كل يوم تجيب لخالي العشاء ويتعشى لكن ما صبر خبر جدي الي هو زوج اخته وفي الليله التاليه جت الجنيه بس بدون عشى وقالت له اخلفت الوعد ما عا د اجي وعلى فكره خال امي خبى لقمه من الاكل الي تجيبه معها تحت الوساده علشان يشوفه جدي لكن الي حصل ان القمه صارت بقعه دم
ويقولون ان اكل الجن ما ينشاف الا بقعه دم






وقصه احصلت لولد عمي على طاري بقعه الدم ولد عمي هذا حاليا طبيب اطفال مشهور في الرياض وكان وهو صغير ساكنين في منطقه وسط الرياض وكانت الرياض اول كلها بيوت شعبيه وينامون في السطوح وقام من النوم وهوطفل صغير يطل من السطح على وسط البيت ولا يشوف امه الله يرحمها قاعه تقرص تالي الليل ولا بعد منطله اديودها جمع ديد خخخخخخخخخ على ظهرها وقام ونزل لامه وقالها اب قرصان وعطته القرص ورقى السطح وهو ياكل ثم حط القرص تحت الوساده حقته ونام وفي الصباح يظحك على امه ويقول ليه يمه منطله ديودك على ظهرك وقاعده تقرصين قامت امه تظحك وتقول له انت حالم وقام الطفل يحلف وقالها تعالي شوفي قرصانك تحت الوساده يوم قامت امه معه الا يلقون بقعه دم والله كل القصتين حقيقيه والله على ما اكتب شهيد

هذه قصة حدثت لخالي
وحكاها لنا وحنا صغار
يقول مره كان راجع بيته بالليل وهو داخل شاف واحده جنيه شعرها طويل مررررره لرجلينها وبدينها طفل بيرضع منها
الا وهي طالعت فيه بنظره يقول شعر جسمه كله وقف وقالت له المفروض تسمي الله اذ ا دخلت يقول قالها ابشري طال عمرك خخخخخخخخ
ويحلف يمين انه مشت قدام عينه ودخلت في مكان ظلام مافيه مخرج ولحق وراها مالقاها وبعدها ماعاد يدخل اي مكان الا وهو مسمي بالله

لي عوده

تسلموووووووووون يالغوالي على هالقصص المخيفه خخخ والله وطيرنا عقول البنات هع يالله اللي عندها شي تنزله لاتبخل وسموا بالله قبل لاتدخلون

بسم الله

بصراحه طيرتو الباقي من عقلي لان اليوم الجو عندنا يخوف هوا ومطر مرره قوي وانا لوحدي في البيت وصار يتخيل لي اني اشوفهم الله يستر علينا يارب