قصص بعض الأمهات. تعالو شوفو. اي واحد منهم انتووو

قصص بعض الامهات :


تقول أم سالم
عيالي ولا واحد فيهم قدم لي شي الا ماندر
تقول والله اني احتاج احياناً بس استحي اطلب منهم .

اما ام صالح
تقول ماشاء الله ولدي مايستلم الا 1500 بالشهر
والله انه يعطيني 500 كل شهر وهو متزوج مع اني ارفض اخذ منه لقلة راتبه ويعطيني بالغصب والله ان ربي فاتحها عليه.

وتذكر ام سعد
تقول ولدي مايقصر اذا جاء يطلع يقول تبون شي تحتاجون شي واذا طلبت منه شي للبيت يابه لكن ماعمره عطاني فلوس
تقول يسألني أحياناً تبين شي قدام أخوانه استحي اقول ايوا احتاج فلوس.

وام عامر لها قصه تدمع العين
تقول مره رحت مع ولدي وزوجته للسوق
تقول والله يسألها يأم فلان كم تبين ويعطيها وانا امه قدامه مامدلي ريال ولا حتى سأل تحتاجين شي.

وام راشد قصتها حزنتني
تقول والله قاعده بروحي في البيت بناتي واولادي متزوجين وكلهم موظفين
وحده من البنات بس اللي تعطيني مع انها اقلهم راتب
تقول والله اني اذا احتجت ابيع ذهبي !

ماشاء الله ماابهرني واسأل الله ان يوفقهم ويرضى عنهم ابناء ام عبدالله
تقول كلهم مخصصين لي مبلغ اللي 1000 واللي 1500 وربي مبارك لهم في مالهم وعيالهم تبارك الله .

* قصص كثيره اختصرتها لكم لذلك يااخوان الله يجزاكم خير أمهاتكم أمهاتكم
والله بعض الرجال يكون مخصص مبلغ لزوجته وامه ولاشي عنده
مهما كان امك تحتاج فلوس لاتقول ماتحتاج لوكان راتبك قليل صدقني ربي بيبارك لك فيه اعتبرها صدقه !
وانتي ايتها الزوجه اهمسي في اذن زوجك وذكريه بامه ليعطيها كل شهر لأنك ستجدين هذا العمل باذن الله من زوجات اولادك
حتى لوكانت الأم عندها اولاد غير زوجك كل واحد من عيالها له حق إعطائها قال تعالى { يَسْأَلُونَكَ مَاذَا يُنفِقُونَ قُلْ مَا أَنفَقْتُم مِّنْ خَيْرٍ فَلِلْوَالِدَيْنِ وَالأَقْرَبِينَ وَالْيَتَامَى وَالْمَسَاكِينِ وَابْنِ السَّبِيلِ وَمَا تَفْعَلُواْ مِنْ خَيْرٍ فَإِنَّ اللّهَ بِهِ عَلِيمٌ }البقرة215

الوالدين أولى بالانفاق عليهم سواء الأم او الأب
لكن أنا شددت على الأمهات لكونهم ربات بيوت ولايستلمون رواتب فالله الله بأمهاتكم
من هذه اللحظه جربوا لذتها كل شهر
ناد امك على جنب وعطها اللي ربي كاتبه ولاتسألها تحتاجين ؟

ربي يخلي لكم أمهاتكم

ويرزقكم برهم


ويرحم الله امـــــــــــي


ويجعلها
سيدة من سيدات الجنه

آمــــِـــــــــــــين