من حبي للتوأم سويت بحث بقوقل ودخلت مواقع لقصص ولادات تواءم وطبعا محطوط صورهم حبيت انقلكم القصص من ترجمتي الخاصه لانها مواقع اجنبيه فأرجو الي يعجبها موضوعي ترفعه لاني تعبت وهذه اول مره انزل صور وارجو يعجبكم موضوعي
للأمــانه المـوضوع منقــووووول
نجي للقصه الأولى
وحده حرمه امها بيضه وابوها اسمر تزوجت واحد اسمر مكسيكي شنو جابو؟
جابو توأم بنتين وحده بيضه على جدتها ام امها والثانيه نسخه شبه ابوها المكسيكي سبحان الله
الام باينه ايدها سمرة عكس البنت
اتمنى الصور تطلع ولاتردون الا لما اكمل تحملوني اول مره
بليز لاتـــردون ليــن احط الصور كلها واقولكم هذي اخر قصة وشكرا
القصه الثانية
واحد شايب باخر الستينات عنده 3 اولاد اعمارهم 43 و 39 و 23 ولما ماتت زوجته تزوج وحده عمرها باخر الاربعين ماعندها عيال والمفاجأه حملت وجابت توأم بنت وولد يهبلون سبحان الله الله يرزق كل متأخره بعيال يارب وهذه صورتهم
والقصه الثالثه شبيهه بالاولىوحده بيضه وزوجها اسمر من الهنود الحمر وهي اظن استراليه المهم احملت بتوأم بنتين وحده طلعت بيضه نسختها والثانيه سمره نسخة ابوها سبحان الله المهم بعد 8 سنين حملت مره ثانيه وقالولها حامل بتوأم بنتين لكن المفاجأه لما ولدتهم طلعو مثل خواتهم وحده سمره والثانيه بيضه سبحان الله ولله في خلقه شئون وهذه صورتهم
القصه الرابعه والي تبين قدرة الله سبحانه بانه هو الي يهب الروح وهو الي ياخذها مهما فعل الانسان
وحده تقول انها حامل بتوأم ولدين وبالشهر الخامس قالولها ان واحد حياته خطره ونموه اقل من اخوه ولازم ينزلونه الام بالاول رفضت بس لما قالولها ان حياتها بخطر وافقت على العمليه تقول قبل العمليه كان يرفس فبطني طبعا اكيد ام التوأم تحس برفس غير عن الي حامل بواحد( الله يعينهم ههههههه ) فاتقول كان يرافس ويتحرك وكنت احط ايدي على بطني واودعه واقوله اشوفك بالجنه ( معصي هههههههه استغفر الله ) ونامت وبنجوها واثناء العمليه الدكتور يقول ماقدر يقص الحبل السري او شغله استصعبت يعني قص جزء بسيط منه وقال اكيد راح يتأثر ويموت ( بصراحه هذا الي عرفت اترجمه ) تقول الام انها بعد العمليه ثاني يوم تفاجأت بانه يرافس وحي فبطنها هو واخوه واستانست وقالت مدام متثبت بالحياة ماراح احرمه منها وفعلا ولدت بالسلامه وجابت احلى توأم صحيح اصغر من اخوه بالحجم بس يهبل شوفوه هو الي على يمين
القصة الخامسة
وحدة عندها ولد ومن جابته وهي تفكر تحمل لانها تبي بنت وتموت بالبنات
وكان عمرها 31 وقعدت تحاول 9 سنين بعدين حملت تقول كانت تتفاءل بزهرتين قدام شباك غرفة الجلوس وشمعدانين عليهم تمثالين حاطتهم بطاولة جنب الشباك وطبعا هذا كله خرفات تقول كل يوم تطالعهم وبعد سنه من هالشي حملت بتوأم بس تقول كان مهدد حملها بانها تطيحه لان المشيمه نازله وكان على طول عندها ضغط مرتفع والتهابات وحراره هذا غير عمرها الكبير كان 39 واحتمال كبير تجيب متلازمة الداون الي كان يطلق عليهم المغوليين وتقول كان يرتفع الضغط باستمرار واتنوم بالمستشفى نفسيه تعبانه جدا لانها تخاف على الي فبطنها خصوصا بعد ماقالولها بنتين بس تقول من كثر ماكانت عصبيه ومتنرفزه على طول قلت بناتي ماراح يكونون طبيعيين وراح يكونون عصبيين المهم ولدت بالسلامه ولاده طبيعيه وجابت بنتين تقول من كثر ماهم هادين مرات اشك اقول اكيد بكم يعني مايتكلمون بس الدكاتره فحصوهم وقالو طبيعيين ميه بالميه وتقول اي مكان اروح معاهم مايزعجون حتى السينمات تقول هاديين بالمره وحبوبين والكل يسألني عن السر وماكانو يدرون عن حملي الصعب ادري هالقصه شكلها تافهه ومالها معنى بس بغيتكم تشوفون صورتهم والي تحاتي حمالها ان تتطمن مو كل شي يقولونه الدكاتره صحيح الله يرزق ويفعل مايشاء سبحانه
هذه صورتهم واخوهم يهبلون
القصة السابعة
هذي وحده مسكينه ماتحمل سوت المستحيل عشان تحمل ولما دشت الاربعين كانت شبه يائسه وكانت تتعالج بالكلوميد وتأخرت عليها الدورة وفرحت وحللت طلعت حامل وهي باول الاربعين المهم باول مراجعه قالولها واحد وبعدها بشهرين لما سوت سونار قالو توأم استغربت وقالت السونار الاول مابان انهم توأم قالو عادي تصييييييييير باحسن العوايل ههههه المهم
بالسونار الثالث كل شي انكشف وبان بأن الام احملت بواحد وبعدها بشهرين احملت بالثاني لاتسألوني شلون انا انقلكم القصه الغريبه وياليت الي عندها خبر او سمعت بقصص تأيد مواضيعي تشارك فيها لان فعلا غريبه المهم ولدت الاول عادي جابت ولد وقالولها تقدرين تحتفضين بالثاني بعد شهرين تولدينه او اذا تبين يولد الحين ويكون بالسابع ( استغرب شلون مو الرحم واحد شلون مايصيبه الطلق؟ ) المهم الاخت قالت بتحتفظ فيه برحمها وبعد شهرين تولده ماشاء الله هذه الام مو حنا الملاقيف المهم وبعد شهرين ولدت الثاني وقامت بالسلامه وتوأم الفرق بينهم شهرين شي غريب لكن نرجع ونقول ماعلى الله شي صعب وهذه صورتهم وارجو ترفعون الموضوع ترى والله تعبت وادعولي بالحمال للأسف محد دعالي وانا ذاكره هالشي باول قصه
القصة الثامنة
بنات ثنتين توأمتين تزوجو بنفس اليوم وحملو بنفس الشهر وبعد 9 شهور ولدو بنفس اليوم بنفس المستشفى غرفتين يم بعض ( وناسة ) وكل وحده فيهم جابت توأم ولدين يعني اربع اولاد كل وحده ولدين وبنفس الوقت والساعه بس طبعا هالشي مو غريب لان يقدرون يختارون الوقت واليوم لان الولاده قيصريه وبمستشفى خاص واختارو الغرف يم بعض اكيد موصدفه بس العجيب ان كل وحده جابت توأم اولاد ( الظاهر من هم صغار يغيرون من بعض ويقلدون بعض بكل شي يعني الزواج بنفس اليوم والحمال بنفس الشهر والولاده وكل وحده توأم اولاد هههههههه )
وهذه صورة توأم وحده منهم الظاهر الثانيه تخاف من العين
وهذه اخر قصه الليله وان شاءالله يعجبونكم وهالله هالله بالردود الي تبرد القلب
الله يرزقنا بالتوأم السليم يارب