قصص توائم غريبه +صورهم ( يهبلون ) جزء3 والأخير

السلام عليكم ورحمة الله وبركاته
اسعدني نجاح الجزئين الأول والثاني وحبيت اقدم لكم الجزء الثالث مع اختلاف بسيط وزيادة شوية بهارات :)
أنا أشكر الأخوات الي دعولي وعندي يقين بالله بأنه يستجاب دعواتكم بحملي بتوأم لأني سبق نزلت موضوع بتأخر زواجي وقلت ادعولي ودعيتوا والله ان الخير هل علي الحمدلله ورزقني الله مثل ماكنت ابي بالضبط
ولاتنسون كل الي دعت لي بام الملائكة يقولون ولكي مثله (الي ماتبي توأم هم تدعيلي لأن الله اعلم بالنيات لاتخاف وتقول الملك يقول ولكي مثله ) ههههههه
هذا رابط الموضوع الجزء الثاني وفيه تلقون رابط الجزء الأول بأول صفحة http://forum.hawaaworld.com/showthread.php?t=2219267

فيه وحده اسمها رنا غير بموضوعي بالجزء الثاني قالت
بس انا سمعت معلومه ما ادري صح اوغلط وهي ان التوائم تكون وراثه من جهة الاب طبعا بدون استخدام منشطات يعني اذا كان الرجال في عايلته توائم احتمال كبير يجيه توائم وهذا لاحظته في اغلب اللي اعرفهم وجابوا توائم بدون وسائل مساعده والله اعلم

وأرد عليها وأقول شوفي هالكلام كان تعرفين انجليزي نقلته من موقع طبي واذا ماتعرفين ترجميه
The male partners family history has no bearing on this.( You will get asked this as well - " whose side of the family do twins run in ?") Only the mother's family history makes a difference here. It's your chance to explain and tell them about the types of twins too !
يقولون بأن الرجل مايأثر بحمل التوائم وان اهم شي تاريخ عائلة الأم يعني معلومتج خطأ للأسف لالالالا مو للأسف لمصلحتي هههههههه
شي ثاني ضيق خلقي وهو مذكور بنفس الموقع بأن احتمالات الحمل بالتوام تضعف كل ماكبرت الحرمه ( قصدي الحمل الطبيعي من غير منشطات ) ويقولون من تبتدي تدش ال35 :( تقل فرص حملها بتوأم لأن البويضات تقل ) اشوف دكتوري مره شاف بويضتين وقال حلووووووووو بالنسبة لعمرج شي طيب :( الله يرزقني
آسفه على الإطاله بس حبيت اوضح هالأمور
وأرجو لكم متابعه ممتعه ولاتردون لما اكمل الموضوع تكفون