كان ياماكان في قديم الزمان كان فيه زوج وزوجته كانا سعيدين لكن سعادتهما لم تكتمل لان لم يرزقا بطفل
في يوم من الايام دق الباب فتحت الزوجه الباب كانت عجوز قالت لها الزوجه من انتي قالت انا مسكينه اعطتها الزوجه الي قدرها الله عليه ثم قالت لها ما عندك اولاد قالت ماقدرالله قالت لها ابغا اعطيك ثلاث تمرات كل يوم تاكلين حبه ان شا الله في وحده العلاج
دخلت الزوجه البيت :رجع الزوج من المزرعه لقا زوجته كانت تحضر في الغداء ولقي الزوج التمرات واكلها جاته الزوجه قال لها لقيت تمره واكلتها
قالت هذه من عند عجوز مسكينه جاتني واعطتنياها تقول هذي ان شاء الله فيها العلاج ؛ خلاص بعد اكلتها بالعافيه لكن بس لاتقول لا احد.؟
مرت اليام وانتفخت رجل الزوج وقال .مدري رجلي وش.فيها قالت لازم نفرضها يعني نشقها :شقتها الزوجه واخرجت منها طفله ذهلو من الشافوه
قال الزوج يا فشيلتي انا حامل حوف التمره وراح الزوج بالطفله قال الزوج لازم اخفي هذه الطفله وين اوديها قالت الزوجه انا اربيها هذه رزق من الله قال الزوج وش؟ تقولين لها من امها ومن ابوها
اخذها معه للمزرعه كان يبغا يرميها في البير لكن حزن عليها وحطها تحت نخله بجانب غدير ( ماء جارى )
ورجع للبيت كان حزين وزوجته برضه :جاء ذاك الصقر يشرب من الغدير "شاف الطفله وقرب منها ودار عليها" وشالها بمنقاره وحطها في النخله
وصار يطعمها ويسقيها ورباها حتى كبرت وصار (شعرها الى ركبتها) وبعد كبرت صارت تنزل وتشرب وتتروش في الغدير وتطلع للنخله
وفي يوم من الايام جاء فارس على حصانه ونزل يسقى حصانه من الغدير وهو يشرب لكن الحصان مارضى يشرب :قام يجفل يعنى (يصدر صوت ومايشرب)
قال الفارس اكيد فيه شى غريب فى الماء اخذ عصاته وقام يخوض في الماء الا طالعله من الماءشعر طويل"جلس يطالع ويفكر منين هذا الشعر الغريب:الا يشوف صورت البنت في الماء وطالع فوق "وقال من انتي
قال الفارس انزلى واعاهدك اني اتزوجك واخذها وراح ابها الى قصره ودخلها على امه :وحكالها قصتها وقا ابغا اتزوجها .. كنها مهي :عاجبه الام
بس الفارس تزوجها/وكان يحبها حبا جما؛ في يوم من الايام جاء الفارس وقال لموزه انا ابغا اسافر في غزوه: ووصا امه والخدم على موزه .
لان موزه اذاخرجة ماتعرف ترجع قالت الام لازم اتخلص من موزه قالت ياموزه هيا نروح نتمشا خارج القريه قالت ما ابغا اروح وزوجي مايعرف
قالت :الام اهو مايبغاك تروحين حتى ماتعرفين شي.اخذتها وراحو بعيد بعيد:حتى ماءتعرف ترجع قالت الام نسيت الاكل ابغا ارجع اجيبه راحت الام وتركت موزه :في ذيك :الجبال لوحدها استنت موزه عودة الام ولم ترجع جلست تبكى حتى قرب :الليل:مادرت:الا وهاك الطير الى جايها (ولينه) الصقر الي رباها قال وش جابك؟ قالت ام زوجي اخذتني معها ! وقال وش تبغينى اسوى فيها ؟ قالت ولاشى بس ابغاك تبنيلى قصر احسن واكبر من قصر زوجي
وتحط فيه مزرعه مثل مزرعت الترنجيه :بنا القصر في لحضه. وسكنها فيه جاء الزوج.ينادى ياموزه وين موزه جات الام تبكى تقول الله يصبرك ياوليدى موزه ماتت ماقدرت على فراقك وشوفنى من حبى لها دفنتها فى قصرنا . (صابه) الام مويه على الارض وحاطه طين وتقول هذا قبرها
صدق الفارس كلام اامه وقعد يبكي وحزين على موت موزه بعد مرور ايام او اشهر الله اعلم طلع برا قال لمن هذا القصر؟ اول مره اشوفه!
قال له الخادم يا عمى هذه ما له الا ااشهر مدرى متى بنوة قال ياخادم رح لراع (صاحب) القصر وقول عمى يقول عطنى عنب
راح الخادم نادا على راع القصر .قال عمى يبغا عنب. قالت. موزه: روح لعمك وقول راع القصر يقول
وقص المقصقص من طرف لسان الخادم .؛راح الخادم يقول يااثثثثثثاا؟قال وش فيك يوليد؟قالثثثثثث؟ارسل الخادم الثانى
ورجع مثل الاول:الى رابع واحد.قال الفارس انا ابا اروح هذى المره راح قال ياصاحب القصر ؟قالت موزه.نعم .؛قال هذه قصر من قالت
(يعنى بشته)
قال هذى موزه قالت نعم"قال وش الى جابك هنا انتى مامتى مثل ماقالت امي قالت مثل ماتشوف انا حيه بس امك الله يهديها مدرى وشبها عليه قال انا مثل ماتعرفين وحيد امى وخايفه تاخذينى منها تكفين تسامحينها ما اقدر اسوى بها شى اذا تعزينى وتحبنى تسامحينها قالت بس بشرط تقعد معى فى قصرى ووافق على شرطها وسووحفله ورزقهم الله ب ااولاد وبنات
(وحضرنا الاحتفال انا وجدتييييييييي العزيزه)
القصه الثانيه
كان ياما كان في قديم الزمان كان فيه ام وولدها كان هو ولدها الوحيد ووالده ميت المهم كبر الولد وقال لامه ابغا اتزوج بنت عمي
حسن<<اسم البنت (مع كسر الحاء) امه غيوره فما كانت تبغا حسن لولدها لانها شاعره وكان لها سمعه وصيت بين العربان
اقامو الافراح والليالى الملاح....
مرت السنوات زاد حب الزوج لحسن واثمر ذاك الحب بمولود لهم ....
..و بعد مرور اشهر على المولود قرر الزوج ان يذهب للحج
قال لوالدته: حسن امانه يا امى عندك...! هي والولد
((تعرفون كان الحج على البعارين يقعد اشهر))
بعد عودت الزوج..
كانت الام فرحاانه ان ولدها رجع بالسلامه
وزووجته طبعا..
رجع الرجال وجاب لهم معاه هدايا ((قفه حمبص_القفه هي الكيس المصنوع من سعف النخيل/ومسفع لامه_وهو الطرحه_/وروز لزوجته_مايسمى بالقميص_))
نادت الام ولدها بعد عودته
قالت له:اليوم ماابيك تبات عند حسن زوجتك
>>تعجب الرجال من كلام وامه <<
فسالها عن السبب..؟
ردت عليه وقالت:شفتها البارح ترقص لها في رجال..!
قصير القامه وطويل العمامه..!
ماصدق الرجال طبعا كلام امه وقال لها :ياامي ..حسن ماتفعل الشينه..!
قالت له:صدقني ياوليدي انا ماعمري كذبت علييك..!
قال لها ولدها::وش السواة ياامي..؟
قالت له:ابيك تاخذها في مكان(ن)..في البيد_الصحراء_
..
نادى الرجال حسن زوجته وطلب منها انها تخلي ولدها عند امه
وقال لها:نبي نروح نشتري بعارين _الجمال_
وسوت حسن اللي طلبه منها ..
وراحوا يمشوون(ارض تشيلهم وارض تحطهم<على قولة جدتي)<دلاله على طول المسافه..
اللي مشوها
...
لحد ماوصلوا تحت سدره_شجره النبق المعمره_
وجلسوا تحت السدره لين ماناموا
قامت حسن وربطت كم زوجها بيدها(ثيابهم كانت ااكمامها طوييله)
لانها حست ان زوجها وراه شيء..
قام الرجال شاف كمه مربوط بيدها
وقصه وخلااه في يدها ..
يوم قامت حسن في الصبح مالقت اللا كم زوجها
جلست حسن تبكي من اللي حصل لها من زوجها ومو من المكان الذي كانت فيه لانها كانت_امراءه شجاعه..
وقعدت حاضنه كم زوجها..
طالعت حسن في اللي حوليها _ماتشوف اللا صحرااء خاويه_
والسدره اللي جنبها.. تسلقت حسن السدره
وقعدت عليها تناظر..ولا شافت ..جمَأأله..<_هم مجموعه من الرجال يمتطون الجمال_
مشوا لين ماوصلوا تحت السدره..
نزلو يتضللون تحت السدره ويبركوون جمالهم _يقعدونها_
قام الشيخ حقهم وجلس تحت جذع الشجره..وسند ظهره عليها
وحط عصاته جنبه..
نادى على الحاشيه حقته..وقال لهم :واحد يجيب الحطب ويشب النار
والثاني يسوي الغداء
وكل واحد ويعرف شغله
..
وانا بناام شوي ..
يوم حط راسه تحت السدره
على الشداد_الشي اللي يوضع على الجمل مثل المركى_
الا يشووف حسن عليها ...!
فز من مكانه..وقال للحاشيه حقته :القووووم جونا..!
اجمعوا رحالكم ومشينا ...
وقام وخلا عصاته تحت السدره_متقصد_
وبعد مامشوا بمسافه طوييله..
قال لهم:انا برجع نسيت عصاتي..؟!
كل واحد من الرجال قاله:انا اللي اجيبها ..
قالهم:لا انا اللي بجيبها انتم سللفوا <اي روحوا_..
وانا بلحقكم..
رجع الشيخ لحد السدره
ونادى حسن..وقال لها: ..
من انتي يابنت الحلال..؟
وانتي..انسيه ولا جنييه..؟ وان كنتي انسيه انزلي..
ردت حسن علييه..
وقالت:قالت والله اني انسيه
بس ماني نازله ..اليين ماتعاهدني عهد الله انك ماتاخذني
اللا على ثمين وطرقه مسلميين(يعني بالمهر وعلى سنة الرسول عليه الصلاه والسلام)..
قال لها :الك مني عهد الله..
اخذها وراحوا لحد ماوصلوا بيته..
وعارضووه العبيداللي هم الخدم حقينه..اخذوا ناقته ومشلحه وعصاته
وقالوا له :من هذي اللي معك
رد عليهم انها عمتهم الجديده..قعدت حسن عندهم ..مدده طويله وبعد مافقدت الامل في ولد عمها تزوجت الشيخ..
وتغيرت احولهم الى الحسن يوم انها جات .._لانها كانت كريمه وتحب الضعفاء_
..
بعد مرور سنوات..مرضت ام زوجها الاول..ونادت ولدها وقالت له
:تكفى ياوليدي تدور حسن..وتجيبها لي..
رد عليها ولدها:ليش ياامي
قالت:انا ظلمت حسن وابي اتسامح منها
والرجال اللي كانت ترقصه _ولدها ..صغير جسمه وعمامته اطول منه..
قال ولدها :لييه يامي احرمتيني منها واحرمتي ولدها بعد منها..؟!
قالت له:هذي ياوليدي من غيرتي عليك ومن ابليس
قال لها ولدها:وين ادورها ذحين ياامي
قالت له:لاتخلي لا شعب ولا وادي اللا تدور ها فيه
وان كان مالقيتها انشد عنها الرعيان والعبيد لانهم يحبوونها..!
راح زوجها يدوور عليها في كل مكاان
ووفي يوم ...يوم اننه تعب جلس يشرب من الغدير اللا يسمع عبيد يرتتوون من الغدير ويتكلمون
قال واحد منهم وش تعشيت يا فلان
قال الثاني :والله من يوم جات عمتي حسن مانتعشا اللا عصيد وسمن
سمع الرجال كلامهم وراح وراهم لين شاف الخدر_بيت الشعر_حقهم..وقعد ينادي راعي البيت
رد عليه الشيخ::ياضيييف تفضل..!
دخل معاه ..وصبووله القهوه وعيا يتقهوى..؟
قام الشيخ وانادى العبد عشان العشاء
عيا الرجال يتعشى ولا يتقهوى وقعد يبكي
راح العبد للشيخ وقال ضيفنا عيا يتقهوى ولا يتعشى مغار يبكي
طلب الشيخ من العبد يسويله ذبيحه عشا يتعشى لكنه عيا
راح العبد وعلم الشيخ
قال الشيخ:ياااحسن ودي العشى لضيفنا كود ياكل
وارسل العبد وراها وقال شوفهم ويش يسوون
رجع العبد لعمه وقال يتعشون ويبكون
رجعت حسن للشيخ
قال لها:
ياحسن وشـــــب ضيفنا اللي من عصر يبكي
هـــيا نبا نــبــكي سويـــت بكآآه
ردت حسن:
ابه هيقعن بيَن وابه هيقعن خفا
وابه هيقعن راس حــســن دواه
رد عليها:
عساك طالق(ن) ثـــم طــــآلق
تحلـيين للضيف الغريب عشآآه
قال العبد:
اخطيت ياعمي من هرجت(ن) قلتها من لسانك
في حصننا اللي مانطيق بناه
ماحقها اللا ضربت(ن) من يميني
تطير من ورا الضلوع ورآآآه
قالت حسن:
تعقب وتخسى هذاك ابن عمي فارس الفرسآن
عسى الخلاآآيق كل ابووهم فدآآآه
رد الشيخ:
الله لي من عليت(ن) وفرشها
ومالن يبد السارحين رعآآه
(كان الشيخ يضن ان الرجال عشيقها وليس زوجها وندم انه طلقها_رجعت حسن مع ابن عمها_لولدها_انشلت ام زوجها وبقيت كما هي ليين ماماتت)
_عآآآآشوا حياه سعيده _
واللي عندها قصص من جدتها تكتبها ونحكيها لاطفالنا
OM DORAR @om_dorar_1
محررة ماسية
يلزم عليك تسجيل الدخول أولًا لكتابة تعليق.
(نوووشه)
•
يالبيــــــــه ياجدتك قسم بالله
وربي اني حبيتها من قلبي
هي وحكاويها الله يخليها لكم
قصصها رائعه ومسليه خاطري تجيني تسولف علي قبل النوم ياحبيلها وربي
وربي اني حبيتها من قلبي
هي وحكاويها الله يخليها لكم
قصصها رائعه ومسليه خاطري تجيني تسولف علي قبل النوم ياحبيلها وربي
(نوووشه) :
يالبيــــــــه ياجدتك قسم بالله وربي اني حبيتها من قلبي هي وحكاويها الله يخليها لكم قصصها رائعه ومسليه خاطري تجيني تسولف علي قبل النوم ياحبيلها وربييالبيــــــــه ياجدتك قسم بالله وربي اني حبيتها من قلبي هي وحكاويها الله يخليها لكم قصصها رائعه...
يا عمري يا الجدات الله يرحم جداتي:44:
وحشتني حكاويهم
وحشتني حكاويهم
OM DORAR
•
انا جدتي ماتت بس جايبه هالقصص من جدات عضوات بمنتديات اخرى وابغى تكتبون قصص من عند جداتكم ونتبادل القصص ونقصها على اطفالنا
خسسسسسسسسسسساره كثبير كانت امي تقولنا روايه عن جده بس كلها نسيتهه عن الحيه والكلب واخخ بس مره مافي شي حفظته
الصفحة الأخيرة
بس كانت جلستها تونس ومرحة للحين الله يحسن لها الخاتمة