موضوع جميل اعرف واحده ماشاء الله عليها سنعه وجميله وكان زوجها يموت فيها الا وتصاب الزوجه بالسرطان والزوج يبيع كل شيء عشان يعالج مرته وكان ينظف البيت ويطبخ ويخدمها ويذاكر للبنات وزادت حالتهاللاسوء وماتت الله يرحمها انهار زوجها وللان لها عشر سنوات منذ توفت وهو مو راضي يتزوج

موضوع جميل من عضوه راقيه
أمي الله يرحمها ويغفر لها كانت تقول لنا
قصص وايد من هالنوع بس اتذكرها ارجع لموضوعج
🌹

سبحان الله نفس القصة لوحدة اعرفها بعد
لدرجه ان صار في عزاها يصيح مثل الياهل
من فتره بسيطه تزوجت اكبر بناته ماشاء الله
ولاتزوج بعد زوجته لها من توفت 15 سنه
الله يرحمها ويغفر لها ويرحم أمي ويغفر لها
ويرحم موتى المسلمين أجمعين

والله ماتذكر من القصص غير قصص جداتي ام ابوي وخالته زوجة ابوه الثانيه وام امي كلهن ماتن حسره وقهر رجالهم تزوجوا وهجروهم وخالة ابوي طلقها وهي كبيره بالعمر بعد ماهجرها سنين وسنين وعاش عند حرمته الثالثه وكان قبل يموت يتعذر منها لكن وش ينفع بعد مانعمت حتى عيونها من كثر الهم والبكى الله يرحمها ويسكنها الجنه
ووحده من زوجات ابو امي مازالت عايشه لكن صابها شي مثل الجنون بعد ماكان مافيها الا العافيه ناس تقول سحر وناس تقول من الظلم والقهر لان جدي الله يرحمه طلقها وهي بال70 وبعد هجر سنوات الله يعوضها بالجنه

موضوعك يجنن من امس وانا اشوفه واطنشه والليله دشيت ..ياليتني من امس داشه هههههه...انا عندي قصه لجدتي الله يطول في عمرها ....تزوجت واحد بعد زوجها الي مات .وكان هذا الزوج ماينجب وجدتي الزوجه الثانيه .المهم كانت تعامله احسن معامله لدرجة هي وجارتها كنهم اخوات ..جدتي كبرت وتبغى تنفصل عنه لانها ساكنه في بيت بنتها .وكانت تخدددمه بعيونها ويوم كبرت وكانت تقوم به بعد وفاة زوجته الاولى .وكبرت جدتي تقول انا احتاج من يداريني ..وأخاف من الذنب في تقصيري معه المهم كانت تبغى تطلق وهو يضحك يقول مستحيييييل ..وفي يوم من الايام دخل عليها وطلقها كذا ...وندم اشد الندم وجدتي فرحت ودعت له المهم هو اتوقع جته نفسيه وراح عن البيت وكان يجي وجدتي ترفض تطلع له .المهم من سالفة الطلاق لهم 20 سنه وهو باقي يرسل لها السلامم ويسأل عنها ....الزبده كيف ماقدر ينساها لانها من قلب تخدمه ...وترو القصه حقيقيه وعاصرتها .وهي تبتسم اذا وصلو السلام لها تحبه ويحبها بس هي رافضه ترجع واذا رجعت له تقول مافيها حيل للشغل عجزت هههههه يعني لازم تخدمه .وهي الان عايشه معزززه مع زوج بنتها وبنتها