بنت نوووره :

موضوعك جميل يعطيك العافيه بذكر قصه قالها لنا ابوي يقول كان فيه رجال على قد حاله وكان فيه شباب كل ماقابلوه قالو له ليه ماتعزمنا انت بخيل ومن هالكلام الين ارفعو ضغطه قابلهم مره وقال لهم الله يحييكم الليله عشاكم عندي ماصدقو خبر وجلسو يعلقون عليه يقولون اخيرا مابغيت المهم يوم جو للعشا الا هو ذابح لهم ذبيحه وماهو عازم احد غيرهم وهم ثلاثه بس يوم تعشو وخلصو وقامو عن العشا الا هو واقف عند الباب ومعه عصا قال مايطلع منكم احد لين تخلصون الذبيحه كلها قالو يابن الحلال تكفى والله ماتوقعناها منك قال انتم بهذلتوني كل مامريت من عندكم قلتو يالبخيل الحين والله ماتطلعون وهو كان طويل وعريض وهم شباب نحاف واقصر منه مايقدرون عليه واجلسو ياكلون لين خلاص شافهم ماعاد لهم قدره على تكلمه الصحن وطلعهم وبعدها صارو اذا شافوه من شارع راحو من شارع ثاني

موضوعك جميل يعطيك العافيه بذكر قصه قالها لنا ابوي يقول كان فيه رجال على قد حاله وكان فيه شباب كل...