الله يحمينا واياكم من العين يارب

انا مره صديقتي جالسه تناظر بايديني وتقول مافيه ولا مخش ولا جرح ولا حتى اصابات من الطبخ

ومن عقبه ايدي كل يوم بمصيبه مره احرقته الدفايه واحيانا اشوف فيها جروح مادري منين ماكتشفهن الا لصار علامات واذا طبخت لازم انسوي من الطبخ يعني حالتي حاله

وحده من خواتي حملت من الفرحه دقت على اختي من امي تبشره قالتله امداك تتركين الحبوب عشان تحميلن وسقطت اختي وجاه نزيف وحالته حاله وعقبه ماحملت وكل شي سوته علشان تحمل بس عينه شكله قويه دعواتكم له بالولد الصالح اللي يعوض حمله

وهذا موقف ثاني مرررررره كنت لابسة عدسسسات وطلعت تجنن علي وربي اول مره البس عدسات بحياتي

وكان بحفل تخرجي حتى ساعدتني على لبسها صديقتي ربي يسعدها وطلعت جنان ميك اب خفيف وشعر روعة

وكعب وحركات انا بعمري ماكشخت بالمدرسة مو زي البنات كنت حيييييل تظامية بس بيووم التخرج من الثنوي

فليت امها وسويت اللي بنفسي عاد انا سبحان الله زهيت بعيون الكل وكل من شافني قال انتي غييييييييييير وربي

طالعة شي مع الشعر والمكياج <<اخلصي علينا الزبدة

المهم جتني بنت الله يستر عليها وقالت لي عدسااتك حلووووووووه وربي حتى ماقالت ماشاء الله

بعد فترة راسي عورني وصدعت وجلست وكانت اختي معاي وكنت منزلة راسي قالت خير وش فيك قلت راسي شوي وينفجر

رفعت راسي الا ختي شهقت قالت العدسات انقسمت نصين<<شرايككم؟

انا اقول بقلبي الحمدلله زين ماانعميت

السلام عليكم ورحمة الله
انا يابنات سالفتي اني اخذت واحد ماعليه وكانت وحده من صديقاتي بس تمدح به صديق اخوه
وحده من بنات جماعتنا تغار مني بشكل فضيع وكان حلمه تكمل دراسه براء
انا تزوجت و على طولطلعت مع زوجي براء اللملكه لدراسه
فجاءة طلع بي مرض البهاق الحمدلله على كل حال
وهذا المرض ماهو في عروقنا
بس تذكرت ان صديقتي كانه منجنه على زوجي وبنت جماعتنا ميته ع الدراسه براء
الله يعين والحمدلله على قضاء ربي
تحصنو زين وادعولي انا والمسلمين بالشفاء

اختي الكل يمدح بطبخها ودايم يدينها ماتسلم اذا كان باب يتسكر على اصابعها ان كان سكين جرحت اصابعها ولا كاس ينكسر بيدها ويجرحها والله العين حق
ومره صديقتي تسولف على تقول ان ولد اختها بسم الله عليه شعره حلو وشافته وحده من جماعتهم وقالت لامه شعره كثير ولدك وناعم ماصار يومين الا الولد يلعب ويطيح على الة رياضه وعلى راسه المسكين والله انه امه تقول اغمى عليه وصارو يناظرونه ويبكون امه واخوانها على بالهم مات ضروري التحصين لنا ولعيالنا الله يكافينا الشر