السلام عليكم ورحمة الله وبركاته
صباح /مساء الخير ع الجميع:26:
اخباركم ان شاء الله بخير وكل اموركم زينه يارب الله يتمم على كل وحدها حملها وتشوفه بصحه وسلامه
والله يرزقكم الذريه الصالحه وجميع من تأخر حملها اللهم آمين
على فكره هذي اول مشاركه لي بهاالقسم
ودي اقولكم قصص عن فضل الدعاء وقت الولاده ولاتنسو انه مستجاب
وحده من قريباتي كانت تابع حملها عن الدكتوره وكان معها حريم قعدو يسولفون عن الولاده وعن تعبها
وعن فضل الدعاء فيها وانه مستجاب تقول قالت وحده ان بنت اختي قعدت اربع سنوات ماحملت وانا كنت
حامل وفي الشهر التاسع المهم جتني الولاده وكنت بالمستشفى بالتنويم وبروح لغرفة الولاده قالو ممنوع
الجوال وحطيته تحت المخده وعلى طول دق جوالي وكانت بنت اختي قالت خاله تعبانه صح قلت ايه قالت
بتولدين اللحين قلت بروح لغرفة الولاده قالت ادعيلي ربي يرزقني الذريه الصالحه وسكرت وانا كنت طول
الوقت ادعيلها لين ولدت وماجا آخر نفاسي الاهي تتوحم في الاكل وحملت الحمدلله
والقصه الثانيه مدرسه تأخر حملها وحملت ويوم جاء وقت ولادتها دعت لكل من تأخر حملها وتذكرت وحده من
المدرسات ماحملت ودعتلها ان ربي يرزقها الذريه الصالحه في القريب العاجل وفعلاً ماانتهت اجازتها وداومت
الا المدرسه الثانيه ماخذه اجازه لانها حامل وربي رزقها بولد واللحين حامل الله يتمم عليها يااارب
فحبيت اذكر هالقصص لعل تستجاب دعوة وحده منكم وتفرح غيرها لان الدعاء بظهر الغيب مستجاب
يارب تسهل ولادتكن وتجعل اولادكن بارين فيكم
ويارب ترزقني وترزق كل من تأخر حملها بالذريه الصالحه
ويارب ترزق جميع بنات المسلمين بالازواج الصالحين
اللـــهــــم آمــــيـــن
اللهم صلي وسلم على نبينا وحبيبنا محمد أفضل الصلوات والتسليم
افعلي الخيرات @afaaly_alkhyrat
عضوة فعالة
يلزم عليك تسجيل الدخول أولًا لكتابة تعليق.
الصفحة الأخيرة
الله يرزقك ويرزق الجميع الحمل الثابت ويفرح قلوبكن يارب