قصص عن وفاء الازواج لزوجاتهم

ماشاءالله تبارك الله
الله يخليهم لبعض ويبعد عنهم عيون الحساد

قريبه لي كانت سليطة لسان وكان زوجها ابن حلال هي موظفه كانت تعلي صوتها وماحد يسلم من لسانها
طلقها وكان معاها ولد وبنت
وتزوج
...
بعد سنتين صار لها حادث واحلوها تقاعد صار يجيها ربع الراتب وعلى كرسي متحرك واخوها ماينظر فيها حاجزها بغرفه هي وولدها وبنتها واخذ صرافتها
طليقها رجعها على ذمته وحط لها شقه هي وعيالها وهو الي يراجع فيها الان في المستشفيات

انا لوحدي قصه ومتحمل ميزاجيتي
ماقول الا الله يسعدك يازوجي وينور دربك

وحده من جماعتي تبرع لها زوجها بكليه

لو اقدر رسلت لك سناباته
اخو زوجي كان يحب وحدة حب شديد من قرابتهم
كان فيها مرض بالقولون ومشاكل بالقلب وقف معاها وتزوجها عاشت معاه اربع سنين وماتت وتركت له طفل
اسمع دائم من اخواته عن قصص حبه لها
قبل فترة كان يوم جمعة عالعصر فتحت السناب حقه لقيته مصور قبرها اكثر من سناب
اقسم بالله وانا اكتب لك دموعي تسبقني من كلامه
قاعد يخبرها بكل حاجة صارت بعد وفاتها
انه اسس بزنس وانه شرا سيارة حديثة وانه بنى بيت وكل مرة يختم الكلام ب مو ناقص هالفرحة الا انتي
وتكلم لها عن ولدهم وكيف دخله مدرسة عالمية وانه صار صف خامس وكبر وانه يشوفها فيه
وجع قلب والله نادر مثيله للان وفي لها رافض يتزوج بعدها رفض قطعي