قصص لفضل الصلاة ع النبي لقضاء الحوائج

السلام عليكم
اليوم حبيت اجمعلكم قصص قرأتها عن مسألة تهمني وانوي ان ابدا بها وهي الصلاه ع النبي (الصلاه الابراهيمية)
وانقل القصص تماما كما نشرها اصحابها لتعم الفائدة
_-----
# . . 🌺معنى الصلاة على النبي محمد صلى الله عليه وسلم .. ما معنى قول القائل : اللهم صلِّ على محمد ؟ أكثر الناس يقرأ هذا أو يدعو بهذا الدعاء وهو لا يدري معناه ، وهذا خطأ .. فيجب عليك أن تعرف معنى كل شيء تقوله أو تدعو به حتى لا تدعو بإثم .. فقولك ؛ اللهم صلِّ على محمد يعني : اللهم أثنِ عليه في الملأ الأعلى ، ومعنى أثنِ عليه : أي اذكرهُ بالصفات الحميدة .. والملأ الأعلى هم الملائكة ، فكأنك إذا قلت : اللهم صلِّ على محمد ؛ كأنك تقول : يارب صفهُ بالصفات الحميده واذكره عند الملائكة حتى تزداد محبتهم له ، ويزيد ثوابهُ بذلك .. هذا معنى اللهم صلِّ على محمد والله أجل وأعلم. فاللهم صل وسلم على محمد ماذكره الذاكرون وصل وسلم عليه ما غفل عن ذكره الغافلون.

1-
# . . السلام عليكم بقولكم اللي صار لي بعد مالزمت الصلاة على النبي اللهم صل وسلم عليه انا مصروفي 500وبرمضان كنت ابي اكثر وبعد مااكثرت من الصلاة ع النبي بدون عدد معين احيانا الف او اكثر او اقل جاء اخوي واعطاني 500ثانيه وصار معي الف وشريت كل اللي ابي مع اني ماكنت انوي هالشيء وموفف ثاني اهلي بيسافرون الا انا وكنت اصلي ع النبي بنية اني اروح معهم وجاء الصباح وهم بيمشون العصر وتجي اختي تقنع اهلي اني بروح من غير مااقول ولاحرف والعصر صحوني قالوا امشي معنا وان شاءالله قريب ابشركم بتحقيق امنيتي اللي اتمناها من سنين ونصيحه لاتتروكون الصلاة ع النبي والاستغفار/بدون اسمي لوسمحتي



2-
.
بقولكم عن قصتي مع الصلاة الابراهيمية اليوم ان شاء الله تستفيدون منها :
كان عندي مراعيد بالمستشفى في اوب رمضان هل السنه و سبحان الله رحت للمستشفى قبل الافطار و ماحصلت عندهم صورة أشعة و قالوا تعالي بعد الفطور الساعة 8 , قام ابوي قال خلنا نروح المستشفى هذي القريب و انا ما ابي اروح
و صوت اردد الصلاة الابراهيمية كثير و من قبل لانطلع من البيت صرت اقولها بنية ان الله يسهلي اموري .. و سبحان تسهلت و مالقينا المستشفى هذيك شغالة و يقولون بعد ساعتين بيشتغلون ابوي قام سالني نروح هذي و لا هذيك بعد الفطور قلت له اكيد المستشفى الثاني طبعا .. و بس هذي قصتي مع الصلاة الابراهيمية .



3-
# . . قصتي مع الصلاة على الرسول باختصار شديد .
حجزت عند عيادة بكج ليزر والمبلغ الكلي 4,700 ريال . ونحن بطريقنا للعيادة كنت اصلي على الرسول - عليه الصلاة والسلام -
؛ فجأة جاء ببالي شي وقلت صلي عليه من هنا لحد ما اوصل العيادة و واثقه ان ربي راح يكرمني من فضله بشي جمييل بهذا اليوم او اول ما اوصل . نط لي ابليس وقال: كيف ربي بيرزقك بشي حلو و دعواتك للان ما تحققت ، و تقولين شي حلو ! الاولى تصلين على الرسول وتتحقق امنياتك مو تقولون شي اضافي و حلوو .
تعوذت من ابليس وقعدت اصلي . المفاجأة ... وصلنا العيادة و جيت بدفع الرسوم و حصل نقاش بيني وبين السكرتيره ،
فجأة قالت لي البكج اللي تبينه حنعطيك هو ب 4,000 ريال . انا انصدمت و تفاجأت ،
لان اساسا هذا السعر مو من ضمن اسعار البكجات ابداااااا . دفعت الفلوس وكل شي تمام . فجأة طلعت لي وحدة الله يصلحها و قعدت تنبش وراي وكيف انا اخذت بكج ب 4 الاف حاف ؟؟ و كلمت المركز و استقعدت لي ، ثم طلع قرار ان خلوها تزيد 500 ريال فوق البكج . تكدر خاطري شوي بس ماعلينا . المهم بالموضوع ان ربي اكرمني وسعر البكج نزل من 4,700 الى 4,500 عشاني انا بسسسسس . ممكن تنزلينها بحسابك مع عمل تاق لحسابي .



4-
# . . السلام عليكم ..الله يوفقك ويجزاك خير عننا...
كان عندي مشكله كبيره مخوفتني جدا جدا وكنت حاسه انها مش لصالحي النهايه ولازمت الصلاه على النبي اسبوعين وانا على يقين وواثقه
انها تغفر الذنب وتفرج الهم كما قال نبي الرحمه والله والله والله لجتني البشرى من ساعه بس منصدمه مذهووله اكتب لك وانا مش مصدقه حالي ...
ربي رحمني ورحم حالي ياربي لك الحمد ولك الشكر يابنات ياناس الصلاه على النبي سحر سحر سحر لازموه بقين انه وربنا رحيم كريم عظيم ..والله اني اكتب الحين ويدي ترجف من فرحتي برحمة الله فيني ياربي يسعدكم



5-
# . . السلام عليكم ورحمة الله وبركاته شكرا من القلب على حسابك الجميل وتشجيع الناس وانا اولهممم يعطينا امل تفائل انا قبل يومين كنت ادور مفسر احلام ف الانستقرام وقتها كنت اصلي على النبي مو بنيه اني افسر احلامي بنية غفران الذنوب وفجأة الا وحده مفسرة احلام ضافتنيي وفسرت احلامييي وحكيتها عن هم فيي وريحتني الله يريحها وفسرت احلامي قبل مااحول لها المبلغ فسبحان الله الي سخرهااا لي هذا من بركت الصلاه على النبي فالحمدالله الذي بنعمتة تتم الصالحات والله يجزاكم عنا خير الجزاء ويجعلة ف موازين حسناتكم اختي لايظهر حسابي



6-
# . . والله انا صايره لي مشكله من شهور واليوم انحلت الحمدلله من الزامي بالصلاة الابراهيميه والله شي عجيب اقل من اسبوع والله عبالي بتكبر ويسوون لي مشكله وتحقيق بس الحمدلله اليوم رحت وتسهلت الامور بشي ماتوقعته انشري قصتي بدون اسمي والله يجزاج خير ع هالحساب المفيد

7-
# . . السلام عليكم ورحمة الله ويركاته والصلاة والسلام على اشرف الخلق سيدنا محمد قصتي مع فضل الصلاة على الرسول اني كنت مضايقة في عملي لانه كنت في مكان احبه وفيه مجال ابدع فيه بس سبحان الله كانت العيون عليه ف اغلق هذا المجال لعدم الضرورة ف تضاايقت لاني احب عملي فيه ومرت سنه وجتني حاله اكتئاب من العمل ف وجدت هذا الحساب فصرت اصلي على الرسول الكريم ف سخر الله من سعي ورجع وفتح المجال مره اخري وانتظرت اني انا من اتولي مهامي فاعطوه للموظفه اخري وانغبنت لاني انا اللي سعيت فيها وبالصلاة على الرسول والتوكل على الله رجعت له والله يوفقنا وويوفق الجميع يارب وعندي امنية ثانية ومتفائله انها بتحقق والصلاة على الرسول والله انها سعادة الدنيا والصلاة على الرسول سعادة في الدنيا والاخرة

8-
المهم بنات كثرو صلاه على النبي مره كثير تذكرو قصة الرجل اللي يقول اصلي على النبي يوم الجمعه الف مره
وتنقضي حاجتي وابن تيميه يقول استغفرالله الف مره وتنفتح لي المسأله المهم بقولكم قصتي اليوم الفجر كان معي حاجه حطيتها
بطرف اللبس اللي علي المهم دورتها قلبت البيت قلت شكلها طاحت وخلاص راحت بالحمام 😢 ماخليت مكان انقهرت صليت قبل سنة الفجر ركعتين ودعيت بالسجود وسنة الفجر والفجر وادور واكرر
الصلاه على النبي لأن يستجاب لك مافي قلبك ويكفى همك دورت ونفضت الفرش وادور وحالتي حاله والحمدلله ب الأخير حصلتها 😍😍
لا اوصيكم اليوم يوم الجمعه ولليلة سبع وعشرين كثفي صلاه على النبي واذا جات قبل المغرب توضي وادعي لحي لو انك مشغوله بالمطبخ كرري الصلاه على النبي
ولحي بالدعاء كثير ماتدرين في ساعه يوم الجمعه الله مايرد عباده ماتدرين هالدعوه تستجاب وتغير حالك من حال واذكروني معاكم بالدعاء ...
اللهم صل على محمد وعلى آل محمد كما صليت على ابراهيم وعلى آل ابراهيم انك حميد مجيد ،
وبارك على محمد وعلى آل محمد كما باركت على ابراهيم وعلى آل ابراهيم انك حميد مجيد ...♥ وحده قالت لي انها كررت الصلاه الأبراهميه مرتين وربي يسرلها ...كرروها يوم الجمعه لو مائة مره ...



9-
وحده تقول داومت ع الصلاه ع النبي من يوم اتفقوا البنات يسوون فريقين استغفار وصلاه ع الرسول داومت بس ثلاث ايام تقول مشئ موضوع كان متوقف ست اشهرررر تقول ولقيت تيسير عجيب عجيب ف حياتي معجزات الصلاه ع النبي تفوق الوصف ووواصلوا يابنات ع الذكرررر

10-
# . . 🌺 السلام عليكم .. بقولكم قصة صارت مع خالتي زوجها كان بالعنايه المركزه تخيلوا جلطة والكلية مادري شنو فيها بس كليته وايد تعبانه ومكسور حوضه وغيبوبه الكل متوقع انه بيموت .. طبعا حاطين له اجهزه تخيلوا يعالجون الجلطه تتعب الكلية .. يعالجون الكلية يأثر على التنفس وايد اشياء .. المهم كانت خالتي قاعدة وتسمع محاضرة عن الصلاة على النبي قالت خل اصلي على النبي قامت تصلي على النبي للصبح ويوم راحت الصبح سالت الدكتور ومتوقعه يرد عليها ان على حاله جان يقولها الحمدلله شلنا عنه الاجهزه وتحسنت حالته وبعدها بجم يوم طلعوه من المستشفى والحمدلله عايش وحالته قاعده تتحسن اللهم لك الحمد 💜 ما كنا نعرف فضل الصلاة على النبي صل الله عليه وسلم وماتوقعنا جذي الصراحة والحين انا مداومه على الصلاة على النبي وادعولي الله يفرج همي ويسخرلي الارض ومن عليها 💜

11-
# . . صباح الخير بنسبه لي التزمت الصلاه ع النبي بنهاية رمضان وبعدين لزمت الصلاه الابراهيميه سبحان الله شعور غريب تفائل حسن ظن بالله ويقين ورايت رؤى مبشره ولله الحمد لااخفي عليكم كنت اصلي على النبي بهذه الصيغه اللهم صل وسلم على محمد بالاف ولكن عندما التزمت بالصلاه الابراهيمه اختلف التاثير اقوى سبحان الله وسئل الله ان يحقق امنيتي





وبعد هالقصص وبرغم وجود اكثر منها انصحكم تبدؤوا معي صلاة ابراهيمية واستغفار وماادراك ماالاستغفار
وان شاء الله منكون مكانهم وبننشر قصصنا :)