مرحبا حوائيات
اخباركم واخبار الجو معكم
الحمدلله بدا يدفى الجو بس بدا العجاج الله يعين
شفتوا انكسحوا حقين الثورة الله يقلعهم ...... سااااااااااااااااادة
المهم مو ذا موضوعنا
امس كنا مجتمعين انا وخواتي جايات من القصيم يشوفن اختي والدة :baby2:
ومعكم علم الحريم اذا تقابلن انواع السواليف والخرط وشاهي وكراث وش خلينا :f226:
ولا وراء رجالنا ولا يحزنون وانواع فلة الحجاج
المهم قعدنا نسولف عن ايام اول
وكانت اختي الكبيرة تدرس بدار تحفيظ وتقول معنا عجوز دايم تقصص علينا سواليف الاولين
وقصت علينا قصص توحش عن الاولين
وتوي ادري ان الاولين من شدة جوعهم وفقرهم ياكلون الاوادم
بسم الله الرحمن الرحيم انا صرت كذا :o
عاد المهم قالت لنا سالفتين عن اكل الاوادم
تقول فيه ناس نايمين في بيتهم قامت الحرمة نص الليل تسمع حس بالمطبخ
ويم دخلت وتلقى قدر يطبخ على النار ويوم فتحته لقيته بزر صغير ناوي ياكله رجلها من الجوع
تقول قعدت افكر ان اكله يبي ينسعر وييبدا ياكل من الاوادم ولازم اكره فيه
وتجيب صبر نوع من الاعشاب وهو مررررررررررة مرة وكثير وكبته بوسط القدر وهجت
يوم رجعت ولقيته مالمسه كره لحم الاوادم خير شر ....
زالسالفة الثانية بعد قدييييييييمة مرة
وكان وقت جوع وكان مجموعة رجال يبون يسافرون للحج
جاءت حرمة لهم ومعها ولد عمرها 15 سنة
قالت ابيكم تحججونه معكم وقالت لواحد من الرجال ابيك تنتبه له الله يعافيك تراه امانة عندك
المهم وهم وسط الطريق ماتوا من الجوع وبدوا بس يناظرون هالولد
قال الرجل اللي موصى عليه لا هذا امانة لاتجونه قالوا ماعلينا منك نبي نأكله
جوعانيين قال انا ودي اكله اكثر منك بس مااقدر هذا امانة عندي
وهم يتهاوشون سمعوا صوت كلبة هي وعيالها تحت الشجرة
قالوا خذ امناتك لك مانبيها نبي ناكل الكلبة هي وعيالها ...
عاد هاه وش رايك بهالقصص فعلا مرعبة وحقيقية لاتقعدون تقولون من وين جبيتها
وبامكانكم تسالون اي احد كبير وش كانوا يأكلون اول اذا حدهم الجوع مررررررة
واي وحدة عندها قصص زي النوعية هذا ياليت تسدحها هنا او تروح تسال احد
تخليه يقول لها قصص الاولين
زينة احمد @zyn_ahmd
محررة ماسية
يلزم عليك تسجيل الدخول أولًا لكتابة تعليق.
يالطيف الله لايبلانا ,,,,
كيف يآكلوون أوآآدم ,,,!!!!
بس ماينلاموون ذبحهم الجووع اللهم يااكافي ,,,×××
كيف يآكلوون أوآآدم ,,,!!!!
بس ماينلاموون ذبحهم الجووع اللهم يااكافي ,,,×××
يمه معقول اول مره اسمع شيء زي كذايمه معقول اول مره اسمع شيء زي كذا
انا مثلك اول مرة اسمعها
اايه يحول يرحمون
انا بعد نفس الشيء اول مرة اسمع هالكلام
اايه يحول يرحمون
انا بعد نفس الشيء اول مرة اسمع هالكلام
الصفحة الأخيرة
صراااحه على كثر سواليف الاولين ماسمعت انهم ياكلون البشر وععععععع