قصص من منطقة القصيم قديمة وحديثة في نفس الوقت طريفة وفيها مواعض وعبر ادخلي وغيري جو

السلام عليكم ورحمة الله وبركاته







************************************************** ************

نبدا حفلتنا ..







بذكر لكم عدة مواقف وقصص قديمه و حديثه

وكلن يعلق على اللي يعجبه من هالمواقف



وياهـــلآ و ملــــيار غـــلآ بالجميييييييييييع

*********************


هذي قصة قديمه لوحده راحت تسكن عند بنتها ..

هذي وحده من اهل الشحيه مغنيها الله وبنتها متزوجه واحد من الرس
وعلى قد حاله.. الموووهيم ..
راحت الام مسيره على بنتها ولزمت البنت على أمها تسكن معهم ووافقت الام
لما شافت زوج بنتها يهلي ويرحب فيها ومحترمها ..
مرت الايام أنصاب الزوج بالحمى وصارت حرارته قووويه ههههههههههه
المهم زوجته ماكانت موجوده .. وقام يون وتعبان ويكحكح .. جت الام
وسندته على كتفها وتسمي عليه .. هو من الحراره يحسب انها زوجته ..
قال لها .. وين أمك ؟ سكتت همن قالت الام .. هااه أمي طلعت مشوار
قال .. تكفين قولي لامك ترجع لديرته .. ترى أندبلت تسبدي
قالت الام .. وشلون أقوله وهي تساعدنا بدراهمه
قالت .. يابغضي لامك ودريهماته .. هههههههههههههههههه
سكتت الام .. وغطته ويوم نام شالت عفشها وراحت بأسكات لديرتها
لما رجعت البنت سالت زوجها عن أمها .. سكت .. همن قال
منتب الصبح عندي يوم أتشكى لك .. قالت لا أنا طالعة من الفجر
عرف الزوج أنها أمها وراح لام زوجته يتعذر لها ويطلبها ترجع لهم
بس الام رفضت .. كاكاكاكا وين ترجع عقب > يابغضي لامك ودريهماته


************************


كان زمان واحد مشهور بكرمه بديرته
وناس كثيره تلفي عليه عشان يساعدهم
وكانت زوجة هالرجل تعبانه وهاادها المرض
المهم مره واحد جاء من ديرتن ثانيه وصاير يسأل عليه
وين مكان فلان .. قالو له هذاك هو محله ..
راح ولقى واحد كانه عامل يسني بالـزرع ..
وطلب منه يقابل فلان .. قاله الرجل فلان مهب موجود
مير ابشر بسعدك وش طلبك ؟؟
قال .. ابيه يساعدني أنا وضعي كيت كيت ..
اخذ الرجل بعير الفقير وحمله بالخيرات وقال توكل على الله
ولا تنسى زوجة فلان من دعائك

راح وسال بطريقه من هالعامل اللي هناك ويمون على ارزاق فلان
قالو له .. هذا هو نفسه فلان وهذي مزرعته ..
فرفع يديه يدعي للرجل و زوجته ..
وسبحان الله يقولون أيااام وشفيت زوجة الرجل

( داووا مرضاكم بالصدقه )

*****************************

هذي قصه قديمه لوحده جت لواحد من معارفها وكان مشلول
جته وحده كبيرة سن قبل وقت الفجر وسألته تبي مساعده ..
قالها من أنتي ؟؟ قالت لو أبيك تعرف من أنا ما جيتك هالوقت !
قال لها .. خير أن شاء الله تعالي بكرى بنفس هالوقت ..
وجته وعطاها حمار أكرمكم الله ومحمل بالخيرااات
اخذته وبكت من الفرحه ورفعت يديها تدعي لهالرجل
ان الله يفك عنه قيده ويرجع يمشي من جديد ..
وسبحان العلي العظيم .. ما طلعت من مزرعته الا والله فك قيده ومشى
سبحان من بأمره .. كن فيكون .. ( عظم أجر الصدقه ... )

**********************

هذا واحد قاعد يسولف مع عقاري ومن ضمن السواليف
قال العقاري للتاجر وراك ماتعرس
قال التاجر يمازحه : على يدك
قال العقاري : بنتي مطلقه وصغيره و عندها ولد صغير
قال التاجر : خير ان شاء الله
يقول التاجر ضاق صدري وشلون تورطت هالورطه
وعدت الرجل واياااام وهو محتار وضااايق
إلا أن أهتدى لحل أنه ياخذها
أن توفق زين على زين
وان ماتوفقو طلقها وعطاها دبلكس
الموووهيم ..
تزوج الرجل البنت وبعد الزواج بفتره
يسالونه المقربين منه
قال : قسم أني أدعي دوم لابوها بسجودي
لانها رجعتني عشرين سنه

*************************

يقولون رجل طلب الزواج من بنت من أهل الشحيه > ( مدينه بالقصيم )
ويوم جت ليلة الزواج وشآف البنيه ولاهآ شينه وضآق صدره وأنغبن
وزودن على الغبن تآخرو ماجابوله العشاء
ههههههههههههههه

ويوم جابو له العشاء ولاوه شوي

الموووهيم .. قآم يون ويقول ...

يآشين ليلكم يآهل الشيحه ~ عشى(ن) شوي وبنت (ن) شينه

*************************

سنتن من السنين الماضيه

تهاوش رجل مع زوجته وزعلت وراحت لاهلها
وعاند هو وماجاء يصالحها ولا هي رضخت ورجعت لبيتها

راحت تشتكيه للقاضي وتطلب الطلاق
وقعد القاضي يحاول يقنع فيها عشان ماتخرب بيتها
وبعد عدة محاولات وافقت بشرط !

الشرط :
يكتب البقره بأسمها >> لا تحقرون البقره ترى بوقتهم لها شأن كبير

الموهيم .. قال الشيخ للرجل أنت موافق على شرطها

قال ..
موافق
الامر سهل نكتب البقره بأسمها
وهي والبقره لي


*****************************

وحده تزوج عليها زوجها وسكن العروسه بالدور الاول والزوجه الاولى بالدور الثاني
وجت صديقة الزوجه الاولى عنده تتقهوى معه وتطيب خاطره وتوسع صدره
عاد الزوجه الاولى جابت القهوه ومير تبدأ تصب لنفسه وتتقهوى ونست خويتها ماقهوتها
وفنجان قهوه واحد وراء الثاني لين سربت الدله ههههههههههههههههههههههه
وخويتها تبي تنبهها أنها ماصبت لها قهوه .. و قالت له وراك ماتتقهوين يافلانه ؟
قالت الزوجه الاولى والله إن القهوه عيت تدرج بحلقي


***************************

سنتن من السنين يقاله سنة الهدام
هالسنه ظلت الامطار ولا طلعت شمس مدة أربعين يوم
على عدة مدن بالسعوديه ومن ضمنها القصيم
عاد يسولف شايب يقول أن واحد مشلول ببريده
ساكنن ببيت طين مع زوجته وولده الصغير بذاك الوقت
وكانت البيوت تتهدم بسبب الامطار
المهم ..
جو جماعه لهالمشلول وواحد منهم لفز لهالمشلول فلوس
ودعسهن بوسادته واللي كان معهم شاف مكان الفلوس
ويوم جاء الليل وعينو من الله خير راح المشلول وزوجته ينامون
وصحت زوجته على صياح ولدها ( الرضيع ) بالحوش
وقومت زوجها تقول له ولدنا بالحوش والامطار تنزل وانا خايفه
قم معي نشوف ولدنا
وسبحان الله لما طلعوا واخذو ولدهم أنهدم بيتهم !
وجو الجيران الفجر يسالون ان كان بوه احد بالبيت
قال ... لا مافيه احد
ولما شالو الطين ودورو بالانقاض بيطلعون اغراض المشلول
لقو رجل منهدم عليه البيت وبيده فلوس

اثاريه هالحقير طلع البزر تحت المطر
عشان يفزون من نومهم ويطلعون ويسرق فلوسهم ويهج
لكن ربك بالمرصاد
لما طلعو هالضعوف ودخل هالحقير انهدم عليه البيت


*****************************


وحده ماتحط روج ولا تتزين الا لما تبي تطلع
كانت قاعده عند التسريحه و زوجها كان يقرأ جريده ع السرير
وولدهم قاعد مع أبوه طالعت بالمرايه وهي تهوجس ومير تحط روج بشفايفها
ومير يبدى ينط ولدها فوق السرير
يقول هييه هيييه نبي نطلع هههههههههههههههههه

***************************


يقولون قبل سنواااات كان إمام مسجد بالقصيم

يتكلم عن الجنه و حور العين والنعيم اللي بيلاقيه المؤمن بالجنه ...

لين قال والله أن اللي يحسن بدنياه ويتقي الله أن يرزقه الله مثل بنات المشيقح

ههههههههههههههههههههههههه

جايزااتن له بنات المشيقح خخخخخـ

****************************


وحده تقول لزميله لها ان وحده تتصل بزوجها تعرض نفسها عليه
تبي تتزوجه وشاريته وهي بنت عمرها عشرين سنه
وكل شوي رسايل غزل وحب ووله
الزوج قال لزوجته الاولى يبي رايها لانه يقدرها ويغليها
تقول سكت من الصدمه ومت من القهر والرعب
قلت لها زميلتها قولي له ..
شف يابو فلان الدين محلل لك الزواج وانا مقدر اعترض ع زواجك
والرجل لاتزوج يبي يرتاح ويبي لاطلع من بيته
يكون مأمن بيته ان فيه بنت تصونه بغيابه وحضوره
واللي تكلمك وتراسلك اليوم ما تأمنها بكرى لاتزوجتها ممكن تراسل غيرك
خصوصا ان لك بيت ثاني وراح تغيب عنها نص الاسبوع
تقول قلت له
وقال صدقتي
وتقول عقبها ماعاد شفنا رسايلها ولا مكالمات على جواله


******************************

يقولون خمسه مسافرين على بعارينهم
وكان واحد معه صح شوي >> يعني عقله على قده خخخخـ
الموووهيم ووقفو يريحون
وقامو يسوون عشاءهم ولاهم جوعانين وعشاءهم شوي
أتفقو الاربعه يلهون هـ الصح عشان ماياكل معهم
قالو ..
كل واحد يسولف لنا عن موت ابوه و ألا عمه
وأبتدو هم يسولفووووون لين جاء وقت وضع العشاء
قالو هاااه يافلان
سولف لنا كيف توفى أبوك >> يلهونه عشان ماياكل
قال :
أبد أبوي طاح من البعير ومات
يالله بسم الله نتعشى


**************************

واحد طالع مع زوجته للسوق
يقول وقفت برى مع ولدي الصغير وزوجتي دخلت المحل تشتري
يقول جتني بنت عشرينيه متلثمه و راسمتن عيونها وعطرها حرك كل سواكني
يقول قامت تلاعب ولدي وتسالني بـ غنج وش أسمه
يقول قلت فلان .. قالت و أبوه .. قلت أبو فلان ههههههههههههههههه
يقول وألمح أم فلان طالعه من المحل وعيونها تتطاير شرر
يقول قلت للبنت بصوت خشن .. عيب هالحركات الله يهديك


***************************

وحده طلعت مع زوجها للبر وقلت بأخذ السياره بدور فيها شوي
عطاها المفتاح وقال لا تبعدين .. قلت طيب خخخخخـ

ورحت ولا اخذت شنطتها وطقة اللثمه
ومدابتس بهالسياره ولاشافت البنات والبزارين تقعد تميلح عندهم
لين شافت ثلاث بنات وقفت عندهن وسولفت معهن
وعطتهن دوره بالسياره
وما انتبهت الا راح وقت طوووويل و هي مارجعت لزوجها

ورجعت له ولقته معصب حييييييييييييييل >> وينك ؟؟

ليه ما اخذتي جوالك وووووووووو ....
قالت لقيت ثلاث بنات حلوات وصغار .. وسولفت معهن ونسيت الوقت
وقمت اسولف لهن عنك وقالن لي تكفين زوجينا زوجك

قال .. هههههههههههههههه
هاه وشو بنات .. وش تقولين هههههههههههههههههههههههه >> ضاعت علومه
أخ من هالرجال يضيعون عند سيرة البنات
وماصدقت انه هدى .. قالت تعال نتقهوى واقولك سالفتهن


*****************************
هذي وحده اسمها منيره وجاها خاطب ومعه مره وعيال
والابو جايزله الرجل وموافق والبنت طايشه ووافقت

والام حاولت تثني بنته عن هالزواج عارفتن الغثا اللي بيجي بنته

لكن البنت اصرت وتم الزواج


وقالت الام :

والله مــــا ودي تهضم منيره
لوكان قلبي من سواياه مجروح

عيت تطيع من الصديق النصيحه
تتبع هوا نفسه على غير مصلوح



وبالفعل بعد كم شهر جت منيره تشكي لامه
انشغال زوجه عنها مع زوجته وعياله و اعماله

********************