قصص هادفه تنبييه للامهات خسرانه اللي تفوتها

18 وحده دخلت .. اتمنى يكونون يدخلون ويحملون الماده

ويشاركونا بتعليقهم بعد ما يستمعون لها ..


لانها فعلا مــــؤثـــــرة


كما ارجو منكم يااخوات اذا تتذكرون قصه يكون فيها حادثه خطر

انسكاب شئ ساخن .غرق . لعب بالنار ,,, خاصة وايام العيد مع انها ايام فرحه

لكن الالعاب الناريه واخطارها تسببت في قتل بسمه كثير من الاسر

وماالى ذلك من هذه المواقف وكذلك اللي تعرضت لمثل تلك المواقف وسلمت

ان تذكروا تلك الحوادث والقصص على سبيل تنبيه للغافل

والله لاينكد علينا ولا عليكم بشر ولا مكروه ويعيذنا من الشر كله ونعوذ بالله من فجاءة النقم وتحول العافيه وكل شر


وازودكم بهذا الرابط الرائع للاخت قمة التواضع

يحكي عن نفس الموضوع

http://forum.hawaaworld.com/showthread.php?s=&threadid=210782&highlight=%E3%E6%DE%DD

والله انا بقول لج موقفين صاروا لناس نعرفهم شخصيا..اول وحدة ان كان ايام عيد وصديقتنا عندها بنتين توام صغار (3 سنوات) وحبت تجمع اليهال كلهم يعني عيال خواتها واخوانها وسوت لهم جمعه اطفال وجابت لهم التشراخي العادي وهم يلعبون فيه الا شراره طلعت من التشراخي وطاحت على تنورة بنتها الجينز وفي ثواني الا التنورة محترقة والبنت احترقت رجلها كلها وتنيمت في المستشفى شهر..البنت الحين بتكمل 4 سنوات ولحد الحين ريلها مشوهه جدا ولازم لها عمليه تجميل اكثر من مرة
وقصة ثانية حصلت لناس من اهلنا..كان عندهم حفله للاطفال وجابوا اكبر نطاطية اللي هي على شكل زحليقة وطبعا اعداد الاطفال كانت كثيرة وفجاءة انفجرت وصاروا الاطفال يتناطرون من مكانهم وبعضهم كان فوق بيتزحلق طبعا مابي اقول لج ان اثنين طاحوا على الكشافات واحترقوا..واطفال طاحوا على اطفال( فوق بعض) واللي صاده كسر يعني كلهم صار لهم مشاكل وجات 4 سيارات اسعاف تشيل الاطفال وانقلبت الفرحة الى حزن

لاحول ولاقوة الا بالله

مشكورة اختي ام ياسمينا

عارفه ان هالنوع من القصص ممكن يحزن

بس ماعليه هي الدنيا ماخلت من الكدر

والواحد اذا سمع تجارب غيره ممكن ينتبه ويتوعظ ويصحى قلبه

وكل شئ مكتوب عند الله لكن اعقلها وتوكل

ان شاء الله بذكر لكم كذا موقف حقيقي بس اتمنى من الجميع التفاعل

جاري التحميل ولك الشكر عزيزتي ,,,بـنـت نـجـد,,,

كما عودتينا مواضيع رائعه وهادفه

جزاك الله الف خير

ولي عوده بعد سماع الماده

الغاليه **رغوووووووووده** والله يجزاك كل خير على التشجيع

كنت باقولك عنه

وعن قصه معينه فيه تتكلم عن معاق اسمعيها يمكن تصلح لعملك

عطيني خبر اذا كانت تصلح

والله يوفقك