رفع

بقولكم يا طويلات العمر .. مرة كنت بالجامعة ابي اسجل صيفي .. ومسموح لنا بس بمساقين .. اول مساق سجلته ولله الحمد .. ثاني مادة قال لي الدكتور خلاص الشعبة اكتملت تسكر التسجيل .. انا تحطمت وقلت كيف بدرس صيفي كامل علي مساق ما يسوي .. والله يا بنات قعدت اقول بخاطري ياحي ياقيوم برحمتك استغيث اصلح لي شأني كله ولا تكلني الي نفسي طرفة عين .. بعد ربع ساعة من محاولات صديقتي انه الدكتور يسمح لي انا بس .. جان اتي بنت وقالت دكتور خلاص ابي اسحب هالمادة لان جدولي استوي فيه تضارب بالأوقات .. والله يا بنات انا وصديقتي والدكتور تحت تأثير الصدمه ههههه .. بعدها قال لي الدكتور هذي المادة من نصيبك خلاص وسجلني

استغفر الله

انا نفسي والله العظيم ان جربت الاستغفار ولا تقولون سمعت كلام واقوله لا والله اني كنت بحاله مرتاحه وماكو ضيقه وحياتي احسن منها مافي وكنت اصلي بس عاادي مااستغفر ولاشي لأني كنت مرتاحة البال وفجأه كل اشوي بمصيبه يعني مو مشكله لا مصيبه تخب=يلوا كل فتره يصير فيني حادث وآنه الوحيده اللي اتأذى يعني اللي معاي عاادي بس آنه ويهي رضوض وكدمات وبعد فتره حادث ثاني يعني كنه شكلي مقصوده وكله تصير معاي سوالف مااحبها وتعور قلبي يعني اخلصكم كنت اطلع من بيتنا ولازم تصير لي مشكله ومره طلعت واووووف سويت حادث قوي وعلى الخليج وقعدت بالمستشفى شهرين ودخلت غيبوبه وطلعتى ببكسر الحوض ورضوض
وقلت اكيد اكو شي غلط حتى ارفيجاتي مااحس انهم يحبوني
وبعدين سبحان الله فجأه وآمنه بقمة يأسي من الدنيا استغفر واستغفر الليل مع النهار واصلي بضمير وطاعه وحبا لله والله ثم والله ثم والله ان حالتي تغيرت من الى بفضل الله والاستغفار يا بنات واالله عظيم الاستغفار
واتمنى انكم تستغفرون دااايما ولازم نخاف ربنا ونتوب ونستغفر دااااااااايما

بالنسبه لي في السنه الأولى والثانية من الجامعة حملت مواد وبعدها صرت استغفر من أول ما أركب الباص حتى نوصل الجامعة ونفس الشي في الرجعة بس ماكانت بنيت أنه انجح في كل المواد يعني بس أملىء وقت الفراغ والحمدلله بعدها ماحملت ولا ماده وفيه مواد صعبه بفضل الله نجحت فيها
نصيحة مني اسغفري وانتي جالسة او تشتغلي أو بتكوني في الطريق ربي راح يفرجها عليك في مواقف صعبة والحمدلله هذا حاصلي