#
.
.

ذي قصة قريبة صديقتي كانت تتمنى تتزوج ولد جيرانهم المهم الولد خطب وحده ثانيه وهيا مره تعبت لانها تتمناه من ايام ماكانو صغار المهم البنت طلعت مكه اخذت عمره وجلست اسبوع كامل ف مكه تدعي ربي لليل نهار انو يكون من نصيبها وطول وقتها دعاء واستغفار سبحان الله لمن رجعت بعدها بشهر تقريبا صارت مشاكل بين الولد وأهل البنت الي خاطبها وفسخ الخطوبه وبعدها خطبها سبحان الله والحين هم متزوجين صارلهم ثلاثه سنين تقريبا ومبسوطة ف حياتها والحمدلله

#
.
.

هالقصه قبل شهر تحديدا اقسم بالله العلي ان صديقتي اتصلت علي تشكي من تصرفات زوجها وسوء اخلاقه وتأخر الحمل ان زوجها يقول العيب مو مني اكيد منك لانه عنده ولد قبلها وهي نفسيتها تعبانه لانها بعيده عن اهلها قلت لها عليكي بالاستغفار وقالت ان شاءلله وبعد 3اسابيع تقريبا اتصلت علي تبشرني ب3 اخبار ساره الاول ماشاءلله نقلت عند اهلها الثاني زوجها صار خاتم باصبعها وبس يدور رضاها ومدلعها دلع الله لايغير عليهم الثالث حامل والله يقر عينها بسلامتها وسلامة جنينها..ولاتستغربون اي شيء على الله سبحانه وتعالى..

مساء الورد..
بقولكم قصتي مع الدعاء والاستغفار..
في البداية أنا مريضة سكر ، بعد زواجي بسنة حملت وبما اني مريضة سكر فلابد اني أحرص على تنظيم السكر لأنه ارتفاع وانخفاض السكر قد يؤدي لتشوهات الجنين ...طبعا الشهور الأولى كان عندي انخفاض شديد في السكر يصل لحالات إغماء تستمر من ساعتين إلى ثلاث ساعات أو أكثر وتصرفات غريبة أثناء الإغماء طبعا لمدة شهرين على نفس الوضع هنا ماكنا نعرف انه بسبب السكر رجعت عند أهلي لأن زوجي عنده دوام مايقدر يجلس عندي على طول مرة من المرات في رمضان كنت نايمة فلما أنام يغمى علي صحتني بنت أختي ماصحيت فعرفوا انه مغمى علي فأخذوا جهاز التحليل وكان السكر في العشرين من يومها عرفت انه بسبب السكر رحت المستشفيات بس مافادوني بشي لأن وضع المستشفيات في هذيك المنطقة تعبان شوي رجعت للمنطقة اللي ساكنة فيها مع زوجي ورحت المستشفى تنومت 10 أيام وغيروا علاجي والحمدلله بدأ وضعي يتحسن من هنا بدأت بعد كل صلاة أدعي ان ربي يرزقني طفل سليم معافى وولادتي تكون طبيعية واستغفر في اليوم مالا يقل عن 1000 لين جا موعد ولادتي كنت عند أهلي رحت المستشفى كنت استغفر وأدعي قالوا لازم عملية لأن الجنين كبير لأن عندي سكر والعملية أفضل لي اضطريت أوقع على العملية ومازلت مواصله الاستغفار والدعاء وجهزوني للعملية بعدها سووا لي تحليل سكر طلع مرتفع وعندي أحماض مرتفعه رفضت الدكتورة انها تسوي العملية قالت ماتبغى تتحمل مسؤلية وحولوني على مستشفى ثاني وصلت هناك قالوا مابيسوون عملية لأني ما أحتاج العملية وولادتي ان شاء الله تكون طبيعية كنت مبسوطة وأشكر ربي وأدعي انها تتيسر ولادتي والحمدلله اليوم الثاني رزقني بالولد المعافى والحين عمره 3 شهور ربي يحفظه وأشكر ربي اللي عطاني ما أتمنى والحين ملازمة الاستغفار ولله الحمد وأبواب الخير تتفتح في وجهي لله الحمد والمنه...

استغفرالله

#
.

الاستغفااااااار معجزه واليقين بالله بعد مهم يعني لما تستغفرين تيقنين انه ربي بيجيبلك الخييير بإذن الله
انا قعدت بس شهر استغفر باليوم 100 مره بنية الحمل وبنفس الشهر حللت الا انا حامل اللهم لك الحمد