مما يحضرني من تجربة الاستغفار هو هذا الموقف:
كنت مرة مع أخي نصلح بعض الأوراق الرسمية لي وكنا في سفر، وتعرفون طبعا عند الحدود يحتاجون أن يروا الصورة والشخص للتأكد، وفي ذلك البلد ممكن ما يكون احترام للمراة المنقبة، فلما كنت أنتظر دوري جلست ولزمت أستغفر طوال الوقت ثم جاء دوري ومر بيسر وسرعة بدووون أي مشكلة ولا كشفت النقاب الحمد لله...أمر الاستغفار أمر عجيب سبحان الله ما أكرمه وما أرحمه

.
.

.

سالت وحده من الطباخات عن طلبيه ولمن خلصت شكرتها ف قلت لها عن الاستغفار ولازميه تراه رزق وانا بس هدفي انها تستثمر بتجارتها وربي يبارك لها بكثرة الزباين قالت لي والله ان تحت مخدتي سبحة 500 حبه ما انام لين اخلصهم مرا او مرتين ماشاء الله سالتها عن ثمرات الاستغفار هل وجدتيها قالت والله العظيم انه خير وبركة ورزق كنت احتاج وسبحان الله مع الاستغفار يأتيني الرزق والبركة .

الحمدالله والشكر وايد أشياء تحققت لي بالأستغفار ،وربي شاهد علي كل شيء أتمناه ربي سبحانه يحققلي أياه،تمنيت أشتري سيارة لو قددديمة راضيه وكان مستحيل وبفضل الله والأستغفار،صار عند زوجي مبلغ وخذالي من الوكاله،اذا كنت محتاجة فلوس بس أستغفر وربي يرزقني أكثر من اللي أحتاجه،أي شيء فبالي لو بسيط بس أستغفر يتيسرلي،ومن زمان كنت أتمنى أغير حاجه قديمه عندي ويبيلها مبلغ مش بسيط ووالله العظيم،عطاني أخوي لأنني مسلفتنه من سنه وغيرت الغرض اللي فبالي ،وكله بالأستغفار،حياتي مع زوجي أحسن وأهدي ،عصبيتي خفت،إيماني وعلاقتي بربي سبحانه صارت أكبر وأعمق،والله الأستغفار سحر ،يفوق الخيال،أي شيء أي شيء تتمنوه بس كثروا أستغفار وصلاة على النبي،وربي يتحقق..

انا بقولك قصتي بجد يابنات اذا ربي مااستجاب دعائك اليوم والله يجي يوم ويستجاب
المهم انا قبل كنت متزوجه واحد غصب عني الظروف اجبرتني وقتها كنت صغيره
وكان متزوجني على حريم
وعشت معاه تقريباً اربع سنوات وجبت ولد الحمدلله هو كل دنيتي
بس كنت في نفسي مو مرتاحه نفسياً بحكم فارق السن والتفكير
لدرجه اني مااصرت اتحمل العيشه معاه والله يبنات سبت بيتي ورحت عند
اهلي وكنت ادعي في سجودي ان ربي يفكني منه كنت كل يوم كذ وكل وقت
وجلست عند اهلي سته اشهر والله اراد ارجع مره ثانيه لزوجي
وكنت مااقدر اعاشره واستمريت بالدعاء الين مااقتنع وطلقني
بدون اي مشاكل مع انه اول كان يبي ياخذ ولدي
بس الحمد لله مااخذه
وقتها عرفت انه اذا ماستجابتك دعوتك اليوم راح تستجيب يوم من الايام
دعواتكم الله يثبتني على الاستغفااااااااار

والله حياتي قبل مع زوجي سعيده وشاكلنا تافهه وتنحل بيوم وعايشه احلى عيشه مع زوجي لانه الاستغفار على طول على لساني ولما هديت الاستغفار ( من غير عمد ) صارت حياتي تعيسه ومشاكل بيني وبين زوجي لدرجة انه اسبوعين ولا ثلاث اسابيع مايكلمني من غير سبب
وبعدين حسيت اني ابتعد عن الاستغفار والقران والحين الحمدالله رجعت استغفر وحياتي مع زوجي بدت شوي شوي تتحسن ولله الحمد
وان شاء الله اني ماراح اهد الاستغفار لانه صار شي اساسي بحياتي