واااااااااو .......... الله يستر

الحمدلله على سلامة الكل .. و عقبال ما اكتب لكم قصتي ..

..

سلام ياحلوين ابقولكم قصه ولادتي الاولى من خمس سنوات طبعا كان كل شي طبيعي بس بطني صغير مره من قله الاكل وحام طول فتره الحمل
المهم الدكتوره عطتني موعد الولاده في 13\6 وكل شي اوكيه جا ذاك اليوم والا صديق زوجي بيتزوج ودقت على ام زوجي وقالت بنروح للزواج وش شرايك تروحين
رحت معهم وكان الزواج روعه الطقاقه خيال ودي ارقص وانا جالسه لانهم دواسر والطقاقه من قرايبهم فالزواج تحفه المهم كنت احس اني زي المفتوحه من تحت كن الهواء يدخل بس بدون الم
المهم بعد الزواج رحنا لبيت اهل زوجي نكمل السهره وضحك وسوالف الين الفجر بعدين رحت البيت ونمت
الساعه 7 الصباح جاني مغص ورايحه راده للحمام بعدين بدا الالم من البطن في السفل واصلح كمون واشرب واقرى الادعيه الالم كل ماله ويزيد قلت اكيد من الزواج وريحه البخور والعطورات ومستبعده الولاده مستحيل لان التاريخ 19\5 باقي 25 يوم على الولاده ولا حضرت شي كل غرض في درج وكل خلق في دولاب وكنت مواعده اختي اروح السوق معها اشتري المكياج لانها تجهز لزواجها
المهم زوجي نايم طبعا يوم خميس والالم يزيد واصيح وامسح الدموع وتنزل غصب يوم جت الساعه وحده ونص الظهر خلاص بموت قومت زوجي يصلي واقعد اصيح زياده وياخذني ويطير بي على المستوصف وناخذ الملف لاني بولد في دله وملفي عند المستوصف لازم اخذه المهم دخلت دله الساعه 3 العصر وطار الالم من الروعه وادق على اهلي ويرد اخوي الصغير قلت قل لايمان انا مشغوله مانيب رايحه السوق اليوم واسكر واقفل الجوال علشان امي تعبانه وماابيها تدري خصوصا اني اول بنت تولد لها
المهم كشفت الدكتوره وقالت 6 مفتوح ولاده وشقت الكيس وبدا الالم الفضيع خاصه في فخوذي متتتتتتتت موت وجبت ولد وزنه 2 كيلو صغير مره الساعه 5 ونص العصر والحمد لله
بس زوجي لما دق على امي وامه يبشرهم محد صدق صكو السماعه في وجهه ما صدقو الا لما جاو المستشفى وشافوني وانواع الصياح والتشره هئ هئ

obma يووووووووه 2 كيلو بصراحه شويه اكيد تعبتي في طلعته.

موضوع حلو ويحزن في نفس الوقت اقروا الولادة العجيبة بس لا احد يصيح ...

حسيت بالطلق الساعة 8 العشاء الأحد (ركزوا على الأوقات بتستغربون)!!

رحت قالوا مافيك أي شي (حكومي) جحدوا إحساسي بالألم تخيلوا ؟؟

رجعت البيت وإلى بكرة يروح ويجي ويزيد بس ما أتوقع ألم طبيعي هذاك شي ما أقدر أوصفه .

بكرة الصباح (الإثنين) رحت الطواريء قالوا توك أرجعي البيت وما أكتشفوا أن حالتي غريبة !!

وبدا ألم ألم مافيه فترة استراحة تخيلوا ؟؟ شي يحزن صراحة.

ظهر الإثنين رحت وشافتني الدكتورة وجلست تصارخ عليهم وتقول بالانجليزي يقطع بليسي ليه تعلمت

هاللغة الغبراء ندمت يومها إني عرفت أنجليزي

.( مسكينة حالتها خطيرة أنا غير مرتاحة أبداً لوضعها مين الي استقبلها الصباح ؟؟ وقالها روحي ؟)

يوم شافتني قربت هدت قالت بالعربي طبعاً وبحنان يكسر الخاطر أكثر ما يجبره : إجلسي اجلسي حبيبتي متى بدا الطلق انتي حتى مافيه فترات استراحة ؟؟؟

قلت مدري !! لأني ساعتها نسيت اسمي وبغيت اصيح ..

كلمت بسرعة ومرتبكة بسرعة بسرعة دبروا لنا سرير بأسرع ما يكون .

يعني ماهي خاص أقول تستغلني مافيه الا احتمال واحد أني فعلا حالة خطيرة نادر ما تشوفها !!

جابتلي الممرضة كرسي متحرك ودخلوني العناية المركزة !!

يابنات مو زيكم يروح ويجي الألم ورا بعض الله لا يحرمني الأجر

آه المهم دخلوني من الظهر ( الإثنين) وبالكمامة بس ما تسوي شي ألم ما أحد يتخيله

غير البنت في الأخير قامت تضرب براسها تحت بقوة

هذي الحركة ما شفتكم تكلمتوا عنها؟؟ ما أحد زيي حس فيها ؟؟

بنتي كانت تضرب أسفل بطني والله كأنها طلقة مدفع تبغى تطلع

بعدين ترجع بقوة و بألم وأسمع صراخ الحريم وحالة وكل شوي يدخلون يديهم ويعذبوني زيادة وفتحوا

الموية الله يكرمكم .

تخيلوا إلى العشاء كنت أقول اول ما أصحى بأزوج زوجي وحدة تولد له أنا خلاص ماعاد أبغااااااه .

تخيلوا طول هالمدة ما انفتح الرحم الا 2 سم


وكان فيه جرح عملية سابق تخيلوا وأحسه بغى ينفتق من راسها وضربها فيني

فجأة غيروا لبسي من وردي إلى أبيض

قلت بس كفنوني ...

والله يابنات لو أحد ساعتها يسألني شسمك ما أعرف وليه أنا في ذاك المكان والله مدري ...

بعد فترة طويلة جداً يجيكم العلم متى بالضبط

كلموا بالتيلفون دكتورة شكلهم جايبينها تقولي على شي خطير ما قدروا هم يقولونه .

تخيلوا تقولها دكتورة تعالي أنتي قوليلها بصوت واطي تعالي بسرعة مقدر تسمعني ولو تكلمت انجليزي أخاف تفهم الله يخرعكم حسبي الله على الأسلوب ..

جتني الدكتورة سعودية كبيرة في السن لابسة نظارة وحنونة قالت :


شوفي ياحبيبتي !!

قلت أكيد بتقول أنتي ميتة ميتة !!

وأردفت قائلة حلوة أردفت

( أحنا أنتظرنا عليك كثير والمفروض ما انتظرنا طول هالوقت لأنك عندك جرح من أول واحتمال ينفتح !!

ولازم عملية !! (وأنا) الي راح أعملك اياها !! وخير ياطير !! والله حنا الحريم محد مرتاح من السنتنا!!

والله يجزاها خير ترا أمزح والله كانت حنونة وطيبة وواثقة من نفسها عشان كذا قالت بتطمني وأنا بأسويلك اياها يعني لا تخافين لأنها خبرة شكلها ..


بس الله يروعهم أحسبهم بيقولون لازم المقبره عقب هالأبيض أتاريه لبس العملية وانا احسبه الكفن كخكخكخكخكخ



تتخيلون الساعة كم كانت العملية .؟؟؟؟

أقسم بالله الثلاثاء ( الساعة 11) الصباح سووا لي عملية قيصرية والحمدلله على كل حال .

عمليات ولا طلقات هالمدفع الغريبة كل ما شفت راس بنتي الحين من ورا أقول الله يصلح هالراس

والله ياشفت منه شي نساني نفسي..

بس الي عرفته بعدين أن القيصرية تكلف المستشفيات الحكومية كثير يمكن عشان كذا ما يحرصون عليها .

وخلوني في عذاب طول هالمدة اللهم لا اعتراض الحمدلله ..

والحمدلله وأدعوا لي المرة الجاية قيصرية آآآمنة يارب .

يااااااااااااااعمري فداء محمد والله حزنتيني بقصة ولادتك بصراحه عذاااااب وبقوووه بس المفروووض انك في وقت الطلق كنتي تدعين وتقرأين قرآن عشان ربي يهووون عليك وترى المستشفيات الحكوميه خرررررررررررطي انواااااااااااااع الاهمال فيها بس مااقول الا الحمدلله على سلامتك عقب هالتعب كللله يممممممممممممممممممممممممممه الله لايبلانا.