للرفع

عندي بنوتة وحدة بس وعمرها سنة ونص
يا الله احس حملها و ولادتها يمر قدامي مثل شريط فلم بذاكرتي
مانسيت التفاصيل ولا التواريخ اللي حملت و ولدت فيها
مستحيل انساها محفورة بذاكرتي وقلبي و روحي للأبد
آخر دورة جتني في ١٩ مايو ٢٠١٥
و حللت بعدها بشهر وعرفت اني حامل
حملي كان صعب وغثيث و كله صياح 😭😭😭😭 لدرجة كنت اقول لزوجي هذا اول وآخر حمل مابي مابي
و في الشهر الخامس عرفت انها بنوتة لكن اجلت تجهيزاتها لين اتأكد انها بنت بالتصوير الرباعي
وشفتها بالسونار مثل فلقة القمر و تولعت فيها وتعلقت بها وحسيت اني احضنها بقلبي مو بطني بس
وقعدت ارسم لها في بالي ملامح واخترنا اسمها انا وابوها واتفقنا عليه
و مرت الايام والاسابيع والشهور وحان يوم الولادة
كنت طلبت قبل الولادة بشهر اني اخذ ابرة ظهر وسووا لي تحاليل قبل عشان يتأكدون اني سليمة واقدر آخذها وكان سعرها الف ريال
المهم في هذاك اليوم جتني اول طلقة انتفضت منها وكنت شاكة هذا الطلق اللي يقولوا عنه او شي ثاني وبدا يزيد و رحت للمستشفى و دخلوني غرفة الولادة و ركبوا علي طلق صناعي وفي الساعة ٧:١٤ المساء ابصرت بنوتتي النور ونورت دنياي
ولدتها في يوم الاحد
بتاريخ
٢١ فبراير ٢٠١٦
وعمرها الحين سنة و ٦ شهور
ربي يرزقني برها وصلاحها واشوفها في اعلى المناصب
وسلامتكم

ماشاء الله الله يخليها لك ويرزق اخو او اخت لها

بقولكم ع ولاتي الرابعه الحين ابني عمره سنه وعشر شهورالمهم خلصت التاسع ورحت المستشفي اسوي تخطيط عادي بعدها بيومين كان اول ايام عيد الاضحي جاني الم خفيف لمده ثلاث ايام متواصله بس خفيف جدا رابع يوم اشتد شوي ورحت مشيت وبعدها ع المستشفي وكشفت قالت لسه مقفل وارجع البيت بدا يشتد الالم ماقدرت انام وواصلت لليوم الثاني صرنا المغرب واحس اشتد زياده واروح اكشف تقول يمك ن في الليل تولدي وقولي اشربي شي دافي واطلع ارجع البيت الا خوات زوجي جم واستقبلهم وشافوني اتالم ويدعولي ويروحوا واطلع انا وزوجي واروح امشي واحس بطلقه تيجي واوقف مشي يمكن نص ساعه وماقدرت ورحت لاهلي جلست عندهم ويحاولوا اني اكل بس مابغي اقولهم خلوني خفيفه احسن ع س 2 والم يضرب باخر ظهري الم فظيع يشتد ويهدا وصلت س3 قمت صليت ودعيت شوي وسلمت ويشتد اكثر الم كله بظهري والبس واروح المستشفي وتقيس تقولي 8ونص وتحطلي تخطيط وياذن الفجر وانادي الممرضه سعوديه عشان تشيل التخطيط وتسال ليش قلت بروح الحمام واروح بسرعه اتوضا واجلس ع كرسي ف الغرفه وابغي اصلي وتيجي الممرضه ايش تسوي ابغي اصلي انتي عندك ولاده وتبغي تصلي جلطتني طنشتها وصليت وانا اح بنفجر من الالم وخلصت تقولي يلا ع غرفه الولاده وانام ع السرير وجات الدكتوره وفكت المويه والم قوي وتقول دفي واحاول ماني قادره واحس الغرفه بارده واقلهم طفوا المكيف تقول مو شغال وتهاوشني الدكتوره ساعدينا المشكله ماحسيت بدف ببطني فكل ولاداتي السابقه احس بدف وادف ويطلع الا الولاده هذي واحاااول كثير وتعبت مره اخر شي طنشت وتجمعوا حولي دكتوتين وممرضات ويحاولوا فيني وانا خلاص تعبت وانهكت وبطلت ادف حتي اني قلت ف نفسي شكلي ب دخل عمليه ولابموت و الدكتوره تقول ف الم ادفي وممرضه تقول نبض البيبي ضعف وتقولي دكتوره السودانيه حاولي اخر مره وادف مرتين ويطلع بعدها وممرضات يصرخوا وانا خلاص بيغمي علي مدري وش صار وينضفوا وغفيت ساعتين ع سرير الولاده وكل شوي يطمنوا علي س 8 ودوني غرفتي ونمت الين الليل ماحسيت بنفسي اول مره يصرلي كذه ولما صحيت اسال الممرضه عن النونو تقول ف الحضانه والصبح جاني الدكتور اطفال يطمن ع النونو ويقول انه لما ولدته كان الحبل السري ملفوف حول رقبته وشرب شويه مويه حسبي الله عليهم المفرو قبل الولاده كان يسوا اشعه ويطمنوا ان كل شي تمام