قبل كم يوم كنت مع أمي و وحده من صاحباتها نتناقش عن موضوع ولادتي و مين بيدخل معي غرفة الولاده و هذي الأشياء يعني .. قامت أمي الله يحفظها قالت : انسسسسسسي اني أدخل معك أنا ما أتحمل و أخاف و مدري وشو خلي زوجك يدخل أحسن .. قامت قالت صاحبتها انو لا ما أنصحك لأن شكلك بيكون غلط و احتمال تصارخين و تسبين :icon36:
بعدين قلت لها إلا بالعكس أنا ودي يدخل عشان يحس كيف أنا أتعب و يصير يقدرني و يحترمني أكثر :dry:
قالت طيب و ان شاف ؟ قلت لا وش يشوف !! هو أصلا بيكون عند راسي و بيكونون مغطيني يعني ما بيشوف شي .. قالت طيب انتي وش دراك مو يمكن يتليقف و يطل أو يصير أي شي و غصب يشوف أو حتى يلمح !! قلت هااه :o مدري والله ..
قالت طيب بقول لك قصه قلتها لكل بناتي المتزوجات عشان يقولونها لأزواجهم و انتي قوليها لزوجك .. قلت طيب ..
قالت كان في وحده باليمن وتعرفون هناك يعني مو متطورين مثل عندنا و كثير يولدون ببيوتهم مو بمستشفيات .. المهم جتها الولاده و ما كان في أحد معها يولدها إلا زوجها .. قام الزوج و شمّر عن كميماته و سمى بسم الله و حاس لين طلع الولد .. و طبعا شاف الهواااايل بس ما فتح معها الموضوع أبد .. تقول و خلصت الحرمه الأربعين و مر شهرين .. ثلاثه .. أربعه .. ثمان شهور و الرجال ما يقرب منها .. و راحت عند أمها و شكت لها الوضع .. قامت أمها نادت زوج بنتها هذا و جابت قرص شمع عسل حضرمي و للي ماتعرف شكله هذا هو :
و جابت سكين و قالت له شف يا ولدي .. و قامت خذت السكين و تقص من فوق لتحت و ينقسم نصين و يرجع يلتئم و ترجع تقص و يلتئم و ترجع تقص و يلتئم .. قالت شفت كيف القرص كل ما قصيته رجع التئم و صار كني ما سويت فيه شي ؟ قال ايه .. قالت هذا بالضبط نفس اللي يصير مع الحرمه اذا ولدت .. تتوسع بعدين ترجع زي ما كانت قبل .. قام فهم الرجال قصدها و حب راسها و راح لزوجته و حب راسها و اعتذر منها و رجعت حياتهم لطبيعتها :27:
:
عجبتني القصه مره و استفدت منها عشان كثير أشوف متزوجات يتغيرون عليهم أزواجهم بعد ما يولدون .. و حبيت ان الفايده و الخير يعم عالجميع .. و ربي يسخر لي زوجي و يسخر لكم أزواجكم جميعا يارب العالمين :39:
يسلمو يالغلا