السلام عليكم حبيباتي ..
آسفه عالتأخير .. بس كنت مره تعبانه و:( اليوم 5 يوم لي ..
انا طبعاً كنت فاتحه موضوع احاول فيه اني اولد بسرعه والبنات ماقصرو معي من الدعوات والنصايح عسى ربي يسعدهم ويسهل ولادتهم كلهم ..
انا بعد اخر مشاركه كتبتها ... رحت شربت من الملين 60 مل على الريق ورحت مع ولدي الروضه وبعد الاسهال بدأ معي الام تروح وتجي كنها غازات ..
تحملت لحد مارجعت البيت وتغديت قلت يمكن اني جوعاانه ..
ثم نمت وقمت العصر .. والطلق بدأ يشتد وينتظم كل 6 دقايق او 7 ,, والدم من 6 ايام يينزل علي ..
المهم خليت اخوي يوديني المستوصف وحطت علي تخطيط وطلق معي طلق منتظم ... وقالو لي لازم تروحين هالمره تاخذين طلق صناعي مو زين وانتي كل يوم ينزل دم ..:angry2: قلت انا اوكي ..
وكشفت علي لقته مفتوح 2 ونص سم ..
رحت بيتنا وحطيت تحميلة حلتيت تعشيت والالم محتمل وغسلت محل الحلتيت ورميتها يعني بس خليتها فيني ساعه .. وصبرت لما جات الساعه 10 اشتد علي .. وامي سوت لي بيض وبصل مشوي بصراحه البيضه كلتها والبصل بس قشره وحده .. ماعجبني الطعم .. ثم مشيت الدمام الساعه 11 الليل .. ووصلت 12
كشفو علي ولقو الرحم 3 سم ولقت معي دم .. وقالت يالله دخول روحي كملي اجراءات الدخول وانا مرررررره فرحاااااانه :42:...
كملت الاجراءات .. طبعاً بمستشفى الولادة والاطفال بالدمام الجديد ..
وودوني غرفة ولادة لحالي وفيها اجهزه وحمام خاص فيني ومغسلتين .. وسريرين للبيبي واحد فيه اجهزه وشيشه والثاني فيه حق المبزان ووو الخ ..
المهم جلست اتمشى والالم يروح ويجي .. والدكتوره تقول لاتعطونها صناعي خلونا نصبر عليها .. توها ماخلصت التاسع ..
المهم لما جات الساعه 2 ونص اشتد الالم وصرت كل ما احس بالم اجلس وادفع كني بولد .. يخفف الالم علي .. وسمعت انه يوسع الرحم اسرع ..
وكل ماشافوني كذا .. قالو وش فيك ؟ يخافووون .. قلت لا مافي شي بس الم طلق ..خايفه يحبسوني بالتخطيط .. لوووول
بعدها جاو وحطو لي مغذي وتخطيط وخلوه ساعه يمكن وحطت لي حقنه شرجيه وفكت المغذي والتخطيط وصرت افرغ بالحمام ... كشفو علي بعدين وحطو التخطيط ولقوه 4 سم رحت الحمام وحطيت كسره حلتيت .. مع ان اللي عندي مو حلتيته رطبه ..لان الرطبه هي اللي تنفع واليابسه خربطه بس قلت اجرب حظي .. وخليتها فيني لحد ماجاو يكشفون علي .. قلت بغسل اول .. ورحت ابغسل الحلتيت واطلعها لقيتها ذابت .. المهم شطفت نفسي من داخل ورجعت للدكتوره ... وشيكو لقوه 5 سم ..وانا ميته من الالم يذبح ... راحو ركبو لي كمام مخدر .. وكل شوي يشيكون علي ويسألوني عن الالم .. وحطو مسكن الم بالمغذي .. والكمام خدر لساني وخلاني كني حلمانه روووووعه .. بس كان الالم حااااااااااامي اول مره يصير كذا ..
بعدين شغلت لي دلاكه ظهر من السرير .. اول مره ادري ان فيه سرير مثل كذا ..
تقول ان شاء الله يخفف عنك .. ومكسور خاطرهم علي .. والله اول مره احس نفسي ببكي ماسكه الصيحه ورايحه فيها من قوة الالم .. ابي اشفط من الكمام وابي ادفع عشان يخف الالم ..
بس بصراحه السرير يدلكني من قلب وحسيت براحه .. كن انسان يدلك فيني ..
بعدين جلست اتلوى واتقلب من الالم وادعي ربي لكل البنات هنا ولاهلي .. وادعي ربي يعجل طلقي ويفتح الرحم بسرعه لاني قلت خلاص بموووووووت ..
جلست ادفع وادفع وشافتني الممرضه وشيكت لقته 7 سم .. ودخلت يدها وانا بمووووووت تحاول توسع لي .. وانا ابيها توسع بس ماني قادره امسك الصيحه .. خلته 8 سم .. وقالت خلاص قريب ولاده .. وجهزت العده ..
وانا كل ماجاء الم ادفع وادفع .. وشيكت علي علطول لقته 9 سم ..
بصراحه من صار 7 سم وهو يفتح ورى بعض .. انا قلت يمكن من الحلتيت بس من استخدمته حمى طلقي وطلع رووحي ..
المهم بالاخير صار 10 سم وكلن حولي .. يقولون لي ادفع وانا ماني قادره مرات ادفع صح ومرات لا..
يقولون يالله راس البيبي طلع وانا كل شوي اشرب في هالمويه .. مخليتها جنبي احتياط خخخخخخخخ احسن مافيهم ماسحبو مني المويه .... لاني لو حلقي ناشف ماقدر اتنفس ..
المهم وقفو حولي 4 ..2 دكتورات و2 ممرضات .. وكلن يساعدني .. ووسعو لي من تحت ... المهم بعد طلعة الروووووووووح طلعت بنوتتي وحطوها بحضني وراحو ينظفونها وجات وحده طلعت مشيمتي شوي شوي..
بصراحه عنااااااااااايه ... انا كنت ارجف من الطلق وكانو علطول يدفوني .. حتى بعد ولادتي حطو علي بطانيه ويغطوني زيين..
البيبي ودوها سريها يسحبون الماي من فمها وخشمها وينظفونها ويقيسون كل شي فيها ماشاء الله عناااااااايه
بعدين جات الدكتوره تخيطني وطولت بصراحه اول مره يطولون فيني ..
بعدها جابو فطور كلت وعطوني مسكن الم .. والممرضه توقف معي تقول لاتسكرين الباب .. وعطتني غيار وفوطه...
وتمنعني اوقف كثير ...
حطوني بسرير مع البنوته واغراضي .. وودوني غرفتي .. وكل شوي يتطمنون علي وعلى البيبي ..
الغرفه فيها حق شخصين وحلووووه ومرتبه وكل شي عندهم رووووعه
والاكل عندهم حلووووو .. وبصراحه يهتمون كثير باكل النفاس مو اكل خرابيط ...
ووقت الزياره ياخذون النونو ..
البنوته يقولون قمررررر موووت وتشبهني كثير ... عاد انا استانست :42: ههههههه
ودي اصورها واحطها هنا بس كل من شافها قال حصنيها ولاتورينها احد حتى لو اهلك ..
صح اني تعذبت بس والله من شفتها راحت العذااااااااااااااب ...
وطلقي اول مره يكون سريع لاني بالبكر جلست يوم كامل اطلق ..
بس هالمره حمى 3 الفجر وولدت 6 ونص الصبح ... بس نقدر نحسب الالم من 12 .. يعني بالكثير طلقت 6 ساعات او اقل ... مدري هو من الحلتيت ولا كذا ...
وبالنهايه اشكر كل من اهتمت لي وسألت عني وتابعت معي موضوعي ..
ويااارب يسهل ولادتكم كلكم ويخلي لكم اطفالكم واحبابكم ويخلي لي البنووووته حقتي ... ياااارب يحفظها ..
يازين البنوتات ياناااااااس .. ^_^
حـلا @hla_30
كبيرة محررات
يلزم عليك تسجيل الدخول أولًا لكتابة تعليق.
هدوء..~
•
اااالللللف مليووووون مبروووووك كنت انتظر الموضوع والله ..
الحمدلله على سلامتك وسلامة البنوتة .. والله فرحتلك مررره عقبااالي يااارب يااارب اولد خلاص تعبت استغفرالله ..
الحمدلله على سلامتك وسلامة البنوتة .. والله فرحتلك مررره عقبااالي يااارب يااارب اولد خلاص تعبت استغفرالله ..
الصفحة الأخيرة
الحمد لله على السلامه