قصـة ولادتي في بروكيرر..بكريه+نصائحي

السلام عليكم
كيفكم حوائيااااات
وكيف الكرروووشه
الله يهووون على الكل يارب
ترى سالفتي طوويله خخخ
واللي تبغى تقرى قصه الولاده على طول تقراهااا في الجزء الثاني


اكيييد في بكريات يحبون يقرون القصص لاني كنت ادخل واقرى عشان استفيد
اللي صار اني ببدايه حملي بدت معاناة البحث عن افضل مستشفى لحد ما وصلت الشهر الرابع وطفشت وصرت ما اراجع :44:
وحطيت ثقتي بالله ان يحفظ لي جنيني ولما وصلت التاسع رجعت ادور على مستشفى اولد فيه والمهم ان زوجي يكون معي فترة المخاض والولاده
لحد ما وصلت نتائج البحث لبروكيرر والحمد لله عند دكتوره سهير مشااء الله قمه في الاخلاق
وحبوبه وجهها بشووش ارتحت لها

مع نهايه الثامن بديتها مشي وصارت الام تجيني وتروح قلت بس شكلي مو مطوله فرحانه انا ووجههي واقول لزوجي الاسبوع الجاي عندك مهمه وبعدها بعطيك اجازه 40يوووم :35:
اول اسبوع قلت للدكتوره ان تجيني الام قالت بكشفت قالت مفتوح واحد سانتي
بعدين قالت سوي تخطيط و بنشوف واسوي التخطيط وفيه طلق بس مو منتظم جاتني الدكتوره تقولي بصرف لك مسكنات وروحي امشي احين لو زاد تعالي المستشفى ولو ما زاد خذي المسكنات بس انا رفضت اخذها لان التقلصات هذي هي اللي تفتح الرحم
رجعت البيت وتبخرت بميراميه

قلت بس الاسبوع الجاي بشم حلتيت وبحطها بالفوطه وبولد ما عندي وقت خخخخ
وفعلا قبل موعدي الجاي شميت حلتيت ونقعتها وصبيتهاع الفوطه وانا انتظر الفرج وما صار شي
قلت بس ما يبي لهااا اكيد خروع بيولدني واكرع علبه خروع طعمه شيييييين وما صار شي
رحت موعدي وقالت ماراح اقيس لك هالاسبوع بس ابي اطمن على البيبي
كل شي كان اوكي
قلت خلاص بغامر وبشرب كف مريم مع اني كنت خايفه من اي حاجه تنشرب اخاف اضر البيبي وشربت كف مريم وما صار شي :44:
قلت بس خروع مره ثانيه وبولد

واكرع علبه ثانيه هههههههههههههه وماااااااااااا صااااااااااار شي
قلت بس قرررفه هالله هالله بالقرفه واشرب لين ما طلعت من خشمي ولالالالالالالا حياى لمن تنادي ولدي مبسوط جوه :04:
شربت يانسون وشربت زنجبيل ولسه البيبي جوة :mad:

قلت بس هيييييييييييييل ولسسسسسه النونو جوووة
طبعا هذا غير التمررر اللي جاتني حووومه من كثر مااكله

وصلت للاسبوع الثالث من التاسع بعدها قلت خلاص ماراح اغامر بنفسي وصلت للنهايه اللي ماريحني هالولد وخلاني اولد في بدايه التاسع
رحت موعدي قاست قالت لي من 2 الى 3 سانتي استانست وحرضت لي تبغى تفتك مني خخخ قالت روحي سوي تخطيط يااذا التخطيط اللي حامت كبدي منه الا زوجي مو راضي اسوي يبي يروح يلعب كوره مروق الاخ بدال ما يتطمن علي وعلى النونو قلت للدكتوره بجي بكره اسويه
وجى بكره وسويته ودخلت عليها قالت التخطيط كويس بس تعالي اكشف انا ما رضيت قالت انتي امس مفتوح 3 قلت ويعني قالت لو انفتح 4 بنومك وخلاص ولاده
دخلت وقالت لي لسه 3 وعنق الرحم مره نازل وطري انتي ليه لسه ما ولدتي هههههههههه ضحكت
تقولي عن جد امورك كلها كويسه من ناحيه الرحم :mad:

جى الاسبوع الرابع اللي هو 39 وهذا اخر موعد لي لانها حددت لي موعد الولاده بعد الاسبوع 39 بيومين
الليله اللي قبل ما اروح موعدي تذكرت كلام وحده من العضوات اللي يجزاها خيررر ويوفقهااا يارب

اخذت حبه البركه مع عسل طبيعي وعجنتهم ونمت وصحيت واكلت ملعقه على االريق والظهر كان موعدي طلعنا نتمشي الا احس شي سوى بق خخخ وادخل التواليت وانتو بكرامه الا سداده عنق الرحم بدت تطيح قلبي قام يسوي درقن درقن قلت بس استوت واروح موعدي اول ما دخلت الا الدكتوره تقولي انتي لسه ما ولدتي تقولي انا كنت حاسه انك راح تولدي الاسبوع اللي طاف وقلت لها عن الافرازات قالت حلوو هذي بدايه ولاده واطلع تكشف وتحرض لي واللي تقول الكشف مؤلم والا التحريض بصراحه لا هووو مؤلم ولا هم يحزنون الم بسيط
قلت للدكتوره انا ما ابغى اي احد يولدني انا ابغاك انتي قالت على حسب المناوبه قلت خلاص بطلت ما ابغى اولد الا بوقت مناوبتك صارت تضحك
قالت لي انتي اوضاعك مره كويسه اش رايك اكتب لك بكره الصباح الساعه 6 تنويم وتجي بس يفتحو لك ماي الراس و اذا جى وقت الولاده راح اكون في العياده اجي واولدك قلت اوووكي
واطلع وانا متشققه اقولها ترى اليوم عندنا جمعه اهل وودي استانس قبل اولد قالت لي ما راح تلحقي قلت لا يمديني اصبر لين الصبح
رجعت البيت العصر وقدامي صحنين فتوش وشاورما هههههههههه واكلهم


الجزء الثاني

على المغربيه بدت فيني شوية الام قلت كالعاده زي كل مره لانها كانت مومنتظمه
صار الساعه 9 بدى يزيد شووي الالم واحس انه مو منتظم لاني اوهم نفسي انه مو منتظم لاني مابي اولد الا عند سهير ههههههههههه
وقتها كنت قاعده اسولف مع زوجي واذا جات الطلقه اسكت وافتح عيوني وهو يضحك واذا راحت اقوم انا اضحك ما صارت طلق خخخخ

على الساعه 10 انتظم وصار بالضبط كل خمس دقايق قال زوجي اقول قومي نروح المستشفى لا تسوين لي سالفه في البيت لان مرت اخوي طلع راس بنتها وهي في البيت لانها مو راضيه تقتنع ان اللي فيها طلق من كثر ما الناس تهول بالولاده لان ما كان يوجعها كثيرر زي ما قالو لها:mad:
ركبت السياره وانا وياه لسه نضحك كل ما جات طلقه مستانسين بنشوف هالولد اللي عذبني ترفس وتكوع وتسدح

بس جد يوم ركبت السياره زياد الالم واتذكر ان كاميرتي عند خالتي وتمسك معي غلط الا اروح احين اجيب الكااميرا و المشكله ان الجمعه الاهل صايره في بيت خالتي وامي هناك وانا مابي اقولها عشان ما تحاتيني امي مرره حنونه شكلها بدل ما تهديني وقت الطلق هي اللي بتبكي وانا اللي بهديها
وادق على خالتي وانا صوتي مبين ان فيني شي لاني اسكت اذا جات الطلقه قالت لي خالتي فيك شي على طوول انفجرت قلت لها اااااااااااااايييييييييه
قالت بتولدين قلت اااااااااااااااااايه
تقولي سكري بقول لامك وانط لالالالالالالالالالالا لا تقولي لامي بس بجي باخذ الكاميرا
اخذت الكاميرا ورحت المستشفى على طول ركبت التخطيط وقالو لي انتظري تجي الدكتوره المناوبه جات وحده مصريه اظن اسمها شيماء قلبها قاااااااااااااااسي
تقول بنتظر التخطيط يبين اذا في طلق والا لا وانا انهرت حزتها جلست ابكي قلت يالله انتظر وتروح لها يمكن ساعه وتجي قالت خلاص بقيس اول مره قاست عادي ما المني لان الطلق مو حامي قالت 3 انا عيوني طلعت من العشاء الين الساعه 12 تقريبا ةلا فتح سانتي

ويروحون عني ويخلوني طبعا زوجي كان معي الله يخليه لي يارب يمسح على بطني ويقرى علي ويهديني وجايب لي سبحتي يبغاني اسبح استغفر الله حتى مالي نفس امسكهاا

وانا موت من التخطيط مزززعج وكل شوي اقولهم فكوه بروح الحمام ويفكونه وادخل الحمام وارتاح منه

الين الفجر محد معي نخيلو بس النيرسات وبرى بعد اذا ابغاهم ادق عليهم بعدها وصلت حدي من الالم وتمسك معي الا يجيبون الدكتوره المصريه وهم مو راضيين الين جات الاخت عيونها مفقعه من النوم وناسيه ان في وحده تولد قلت لها انا ابي اعرف ايش تنتظرين لك حلين يا تعطيني مسكن وارتاح من الالم او صناعي

تقولي الدكتوره سهير قالت الصباح نفتح الماي قلت طيب وانا بنتظر لين الصباح بدون مهدى ولا مسكن عطيني اي شي ابي ارتاح مع ان الالم لسه محتمل بس الساعات الطويله تتعب حتى لو ما يالم مره

يوم قلت لها كذا حست على دمها وتوها تشوف التخطيط تخيلوووووووووو :mad: الا تقول اه فعلا دنتي معاكي طلق يعني انا جايه اسلق بيض قهرتني وتقيس لي حسيت انها دخلت يدها في جمجمتي لانها كانت توسع بيدها وكملتها وقت الطلقه قالت 4
بعدين تقول خلاص بعطيك الاكسجين كل ما حسيتي بالم اشفطي منه وبعدها ارتحت صرت بس احس انها بتجي اشفط الين صارت الساعه 5 قلت لهم فكو التخطيط يبست وانا منسدحه ابقوم امشي قمت امشي الا راح الطلق يااااااااااااااهوووو وووين توو بدري والله واقوم العب مع زوجي ونصور ونستهبل واتفرفر بلبس المستشفى اللي مفتوح من ورى وماسكته واقول والله ما تشوفونها ههههههههههههه

جات الساعه 7 الا ربع الصباح فتحت لي ماي الراس وانا مبسوطه ما ادري للحين وش اللي جايني وراحت جات نيرس قالت بعطيك ابره مسكن وانا لسه مبسووطه اقولها ايوها عطيني اي شي عادي

ما جات خمس دقايق الا انا نمت وقمت اهلوس ورب البيت صرت اتمتم مادري وش اقول واطالع في الغرفه كاني توني ادخلها
وبعدها قلبتها قيس وليلى واتفت على زوجي اقولها تدري اني انا احبك طبعا هذا الشي اللي اتذكره غير اللي ما اتذكره بلالاووووي طلعت مو هينه مع ان الكلام لاارااادي يطلع شويات جات وحده وحطت ابره في المغذي اااه طلع صناعي تقلبت عيوني من الوجع وكنت اقول اصلا وقت الولاده ما راح اصرخ ووووووووووين يمكن اللي في الظهران مول سمعو صراخي تجي الطلقه اقوم اكفخ زوجي والنيرسات وارجع انام والله اني احين اضحك لا ذكرت زوجي وهو يقولي اذا الطق يريحك طقيني انا راضي الوقت مر ما حسيت فيه من المسكن كل الللي صار احسه حلم صرت اقعد وقت الطلقه واقول يا مخلص النفس من النفس خلصني مادري كيف نطقتها وكيف جات ببالي

مشاء الله النيرسات كانو صبورين علي على اني طقيتهم يمسحون على راسي ووحده ماسكه يدي وتهديني وانا اطلق اقووول بموت هي تحي تهاوشني لا تقولي ما في كلام موت واعصب والفت لزوجي اقوله له طلعها مابيها كفخها
الين ما قاسو لقوها 8 واشوف الدنيا بدت تغبر اثاريهم يركضون يجهزون الاغراض وانا مستانسه اطالع فيهم وانا اقول خلاص قربت اخلص

وجات سهيررر اخيرا هي مره فرفووشه وجايه تسولف وتضحك مادري وش تقول التفت عليها قلت لها دكتوره سكتي خخخخخخخخ

قاست لقته 9 ونص ابي اعرف ليش النص يعني راحت تلبس وانا احسبها بتروح العياده واتشعمط فيها لا تروحين يا دكتوره خلصيني ابي اولد ههههههه يحليلي

وهي تبي تروح تلبس مسكينه اقولها طيب روحي بس تعالي بسرعه لا تتاخرين هههههههه

وجات وعلى طول السرير انقلب نص وعلقو رجولي وادفع مرتين والمره الثالثه صار الراس قريب وما اسمع الا شك :icon33: اثاريها قصت طبعا مخدر ما احس و
ادفع يوم يطلع نص الراس الا اصك عليه وصارو يهاوشوني طيب وش اسوي مافي طلق راح ما اقدر ادفع

وبعدها طلع حبيبي على الدنيا الساعه 9 و 50 دقيقه وتوته توته خلصت الحتوته



نصيحتي
لا تعجلي على الولاده
لا خروع ولا كف مريم ولا حلتيت وفي اشياااء كثيره سويتها ما ذكرتها اليوم اللي رايده لك ربي تولدي فيه بتوولدي بسهوله باذن الله
ولا تقولي بروح اولد وما بقول لاحد بالعكس امك وخواتك والناس اللي تحب لك الخير قولي لهم عشان يدعون لك لانك بحاجه للدعاء بذيك اللحظه
لا تسمعي كلام البنات اللي تقولك شافت الموت واللي ما قدرت تتحمل واللي تهول السالفه كانهاا الطامه مرت اخوي بغت تولد بالبيت والسبب كلام الحريم ترى محد قال الولاده ما تالم وهذا شي عارفينه اجل ليش نحمل وان عسرت عليك ما عسرت الا بتكفير ذنوووب ولك فيها اجر باذن الله

وفي شي مهم صحيح اني كنت ادعي الله يهون علي بس ما كنت عارفه حجم الالم والا كان دعيت من الشهر الاوا لان فعلا وقتها ما راح يخلصك الا دعائك حاولي قد ما تقدري تدعي بين الاذان والاقامه ادعي واذا خلصتي صلاتك ادعي الله يهووون عليك

والكل يقول ان الوولاده تخوف وتالم ومادري ايش وانااقول

ان

الولالالالالالالالالالالالالاده حلووووووووووه بالمها وبكل شي :39:


واي استفسار عن المستشفى انا حاااضره