حياتي كذا :

بعض العلاقات بعض العلاقات ما منها ابد فكه يا شينها كان جبتها لك القدره لاجاك دمه ثقيل ومنطقه سكه يضيق صدرك وهو مستاسع صدره لاصرت ضيق الصدر بالي معك صكه لاتجامل الي غثيث وشفته ودره زك الخوي من قبل لا تعاشره زكه ترى خوي النشاما صابته ندره وقت الشدايد اذا بتجربه ضكه يمد شوفه وتلقى فزعته حدره الاجودي اجودي ما تلحقه شكه وفرخ النخل ما يجي في قاعدة سدره من رافق اجرب تبي تبدابه الحكه والطير سلم عليه ان صابته جدره باب يجيب الهواء ان طعتني صكه ارقى الرفاع وتجنب كل من حدره ما يبخص شعاب مكه الا اهل مكه الصاحب انشد وتلقى عندهم قدره كل القلوب بهل وقت مندكه سبت كدرهم خوي حاشهم غدره ـــــــــــــــــــــــــــــــــــــــــــــــــــــ الله على الي توها الله على الي توها عابره الروف...تخيل وضاح البروق وجذبها الليل كله والمطرلافها لوف...متبلل ريش الجناح وغلبها مذريه عقب المطر مابها خوف...ابو حصين بروضها ماشعبها هديتاً مامرها كل ملقوف...راعي تفق في بندقه ماغصبها خداً سهل ماعندك شطوف وجروف...اطير تقضب ساقته لي تلبها يازينها ياحمود لي شافها شوف... فرخاً عقب تعلوم كنه رغبها تل السبوق ودبرت تقل مشحوف...وقفت تعورف بل تفات وطلبها ماكنها يوم قفت هوا نوف...يوم الوداع وطولها ماصلبها جاها ظفر مابها خوف...من خيشة قدام وجهه ضربها في مخلباً له عادتن يدرع الجوف...ثم رتفع وهوا عليها وقبضها وبانت علينا فرحتاًمابها حوف ... ونار المضحى قمت اليم حطبها وزينت فنجان مع البن مردوف...في كف هيل وجبت صافي رطبها وخذت باكيتن على درج محذوف...وعمرتلي زقارتن مع طربها هذا ولع قلب به الهم مجتوف...وكم واحداً له حسبتن ماحسبها ـــــــــــــــــــــــــــــــــــــــــــــــــــــــــــ ســــــياحه ماني بضد السياحه يا اهـل ديرتنـا انا معكـم سياحـي واصلـن حـدي من سبت الحـر والروتيـن هجتنـا متوارثين السياحه من سنـة جـدي يعني نسافر ولـو كثـرت مصيبتنـا اقساط وقروض وحبة خشم ونعـدي مافي شعب يسافـر مثـل سفرتنـا لفت كل الـدول وانـا علـى قـدي تاجر وفقيـر متساويـن بسعادتنـا بخيـر والطائـرات تشيـل وتـودي الفضـل لله ومـن بعـده لحكومتنـا مهما اختلفنـا معاهـا دايـم تهـدي والله يطـول بعمـر طاقـم سفرتنـا اللـي دعونـي وانـا ودي ولا ودي خبري بلبنان كنـت صغيـر حارتنـا يعني على قولت اهلها كنت (هل ادي) يا كلامهم يا هـو يحـرك غريزتنـا شيصير فينا اذا قالت ( تعـا حـدي) جيت ابو حمدون والا اكثر جماعتنـا في كل ساعه يبـدل لبـس ويعـدي اكبر طموحه بارقـم بنـت جارتنـا بر البلـد يستقلـون الامـر جـدي وشعب على الطاولات شكثر هوشتنا من اللي حجزها والمشكلـه شـدي ماعندهم سوق شرق وفيـه لجتنـا بلاش غربه وليـش الكـل متحـدي يعنـي بمفهومكـم هـذي سياحتنـا ( لك دخيل الله سياحه هيك ما بـدي) لبنان طـول العمـر تبقـى حبيبتنـا يـا حبهـا ساكـن فينـا ومتعـدي لبنـان يـا قصـة تشبـه حكايتنـا نفس القضيه ولانـي مبيـح بسـدي شعبيـن نفـني ولا تقبـل اهانـتـا اصـغـر دول واكبـرهـا وذا ردي للـي يقـول ان امريكـا ولايتـنـا نعم معاها ولا للـي وقـف ضـدي مهما اكرهونا نبي نمـدح سياستنـا احرار للموت لا نرضـخ ولا نعـدي كل الدول عـودت تطلـب وساطتنـا دامك كويتي تنهض قول مـن قـدي الله يطـول بعمـر قايـد مسيرتنـا ابـو مبـارك بحبـه واصـل حـدي ـــــــــــــــــــــــــــــــــــــــــــــــــــــــ ثلاث الحمام ثلاث الحمام اللي تعدّن علّي عصير مصادير واليمّه علي حروة الجهرا عراض الثنادي كلهن والجناح قصير أنا أقول (زاجل) قول وأهل الحمام أدرى عليهن طيارٍ لو يشوفه زبون (الجير) قضب سبق طيره قولته عرضةٍ قشرى ثواني وقفّن تقل قرطاس في معصير وراهن جمعت الشوف بالعين لين أزرى تمنيت لو مرسل سلامٍ مع التقدير معاهن علي اللي وين مارحت له ذكرى أبي ياصلنّه قبل تدرج مساء الخير أنا خابره ذي حزّته لابغي يقرى معاهن ثلاثتهن أبا طرش التعبير أبي لانست وحده تصلّح لها الأخرى أبي قولة إن فلان لو صار وضعه غير بقت لك رسومٍ فيه من ليلة المسرى تحت عينه اليمني بدا للسهر تأثير وتمكن سواده من تحت عينه اليسري عسي لاوصله العلم ويستأنف التفكير أبي ينشغل فكره من الحين لي بكرى تمنيت وصله بالفكر ماطلبت كثير أبا اطري علي باله مثل ماعلّي يطرى ألا ياعيون اللي تنهض وتل السير لمحها بعينه يوم زالت مع المجرى عديمٍ اليا من حل طاريه قالوا طير تعلّم عليهن (فرخ) من يومها وأضرى عقب ماوصل طلعه تحدّر دلو في بير عليه الله أكبر لاضرب مخلبه يفرى ضربها وغرّت منه مابالسوالف خير وترقّا بأثرها مونسٍ ضيعته وأحرى غدا مثل ضيعة ذايع الصيت طير (سمير) سبب دعوةٍ لأمه ولا دونها مذرى وعقب ضيعته جاب العوض عنه فاعل خير عطيّة كريم أطباع مادوّر المشرى أثر لاغدا لك طير تلقي بداله طير فلا شك جرح مضيّع الولف مايبرى ــــــــــــــــــــــــــــــــــــــــــــــــــــــــــ المرسيدس راكبه الي طلعة عقب ما استوفا الرسوم مستغيظ من كراج البشر والكاظمي عقب دوج فزته كنها فزت رخوم لا نخاهم واحدن في ذراهم محتمي مرسيدس هو منوة الي يبي يقضي لزوم ما صنع في ديره تحت سلطه خاتمي ما فحص ضغط المكينه جواد ولاغلوم والله ان مصمم ما عرج فيه عجمي صانعه وانتو بكرامه زبون الباثروم من شراب اللي تحلي...... ذوذ بقمي كلمته بالليل قد نخت بالبنز مخدوم جرمني لاهو بزيدي ولا حضرمي موتر فيه المزايا كثر مالي خصوم صنعت اللي لا انتخى قال تكفى يا جمي لا سفط ثقله تقول هرش عيا لا يقوم عن ضيوفه قاضب مسنده ومعاظمي وان مشى ما كنه الي تقاطيع الغيوم لا تقفن الهبايب سحاب موسمي لا انغسل ما كنه الا عزيز ومحشوم لاركبته تشعر انك حقيقه ادمي لا زهمته موترن ما خذن طبع القروم فيه قومات السعودي وفزعة عازمي لا نطحته كنه مع الغبه يعوم ولا قفيته كنه قوله تنشق عادمي موتر لولا التواير وكيبات الكروم كان قلت من صواريخ يمكن ينتمي راكبه تكفى ولاني معرضه السلوم ابي اتجنبهم ولو كثروا تهايمي ابي اترك الشعار مابين مبلي ومهموم كد نخيت اللي عجز يقظي لازمي لا تقربهم وانا ابي اختصر لك بالعلوم رح عساها سفرتن مع طريق السالمي ولا تماكنت الجمارك وختمت الختوم لا توقف جعل يفداك فيصل قاسمي الين تاصل من بها القلب معطا ومحروم منحرم شوفه ومعطى غلاي ما ينجمي سم حالي جعل من لامني يعطي السموم وابتلاني جعل يبلى بمثله لايمي كن من دونه معادين وجيوش وقوم داخلي واصعب عليه من شعيب الغانمي مل قلب عنه عيا يسج ولا يلوم لا ذكرته من معي يفطن لجر انسمي واحدن بالوصف ما كنه الا بالنجوم دور اقواهم وحطه لمذهبني سمي بين رمشه ذا وهذا مشي ليله ويوم كحلته من وسع عينه اسبوع وترتمي كنه الي يعتق البيض الي جاه نوم وانصحا من مرقده شاخ فيهن ملهمي كنه زين البيض في كوم وزينه في كوم واحد من سبته يا كثر هزايمي في جفاه اجر حقت عبادي يا ظلوم وفي الوصل اجرها ميجنات ودارمي الزمن في مواصله تقل مشفوح ومعزوم والزمن من مفارقه تقول عود منعمي يا نديبي ما نخيتك وانا فيني عزوم شفني اشحذ من غيابه بعض عزايمي وصله علم من الراس للراس مختوم لاوسيط الا انت اخذ ما سمعته من فمي لا يخليني وانا بين نصح وبين لوم خايف لو طال البعد اصدق لايمي ـــــــــــــــــــــــــــــــــــــــــــــــــــــــــ ياسمي الظبي ياسمي اللي فلا عاد له بينه انقطع من هل بلد قبل لا اشوفه غير في شبك ويقولون شارينه وشوفته بالشبك ماهي بمالوفه ماحلاته ينسجن ذاك يا زينه في فياض مرها الوسم بصدونه مرتعه بين الورود ورياحينه لارفع راسه فلا ينكسر شوفه لاجفل كن الجمر تلمس ايدينه يا حلو زوله وهو ينهض تكفوفه مايمره عود يسحب وراعينه كل همه ضحك دانه ولطوفه لا نشدها يا يبه وش تسمينه قالت الابله تسميه خروفه الجماعه بالتصاوير مذينه قدم وجهه شبك والا التفت طوفه اطلقو سجن الظبي يا سجاجينه فرجوله واكسبو فيه معروفه حبي له حب من صادني بعينه في مكان جسرته خالطت خوفه البني الي على يسار ويمينه ضايعين لاحضر مالهم شوفه بيض الله وجه ناس مسمينه من سميه ماخذ جكلة وصوفه صاغي فيه الحلا باول سنينه لا بته يوم الملاقات معروفه هو ملاذ اللي شكي من معادينه زبنوه وعلمه يموت في جوفه عيبهم الزين ما هو معطينه قاظبين سلم الاجداد وظروفه واحد كن الغلا بيني وبينه مثل الي بين الشعر وحروفه من غلاي ان جيت رحبه يازينه حاتمي رحب بجيت اضيوفه ومن غلاه بجيته ماخذ دينه كن نفسي بالتراحيب مكلوفه لاجل اشوفه واكسر الوقت واهينه وهو لشوفي ما شكي كثرة وقوفه يا بعد من ثقل دمه غلب شينه ويا بعد من غيبته ماهي حسوفه عاشقه لو كان ما عاد له بينه عاذره والناس كلن وراء ظروفه ـــــــــــــــــــــــــــــــــــــــــــــــــــــــ يا العود يا العود ما للجمر في قصة احراقك هم البشر طبعهم قسوه وانانيه فنيت عمرك وفا لعيون عشاقك والناس في هالزمن محد ذكر حية وجه التشابه كبير الفرق بفراقك مره احتراقك وانا اللي احترق ميه هاذا الزمن وان تساوى الليل باشراقك بعيون من حاضره يشبه لماضيه ما عاد انا مخايل مزنك وبراقك وجعل الشقى ما يجي شغلة وراثيه ويا الحزن لولا الامل والصبر من طاقك مع البشر كن لك روح عدائيه والحلو في هالزمن المر من ذاقك باقول واحد لا بقول اثنين بالميه ان بعثرك هالزمن من يجمع اوراقك وان جمعك فاعرف ان الوقت له نيه يا ضحكة العمر ياني حيل مشتاقك لا شان وجه الزمن لا تقطع الجيه ما قلت ليش ها لجفا من بعثر اشواقك وتدري بليالي الجفا ماهي ب عاديه اذا طروك احترق واشتاق لعناقك واقول تكفون لا تجيبون طاريه يا ما تمنيت اشوفك والزمن عاقك اللي مثل حالتي يا صعب امانيه كد قالها شاعر عن قولهم باقك كن البلاوي تشابه مع بلاويه مدامها بالتمني باطلب فراقك لان الاماني مع شرواي عكسيه ـــــــــــــــــــــــــــــــــــــــــــــــــــــــ وبكـــذا نكوون خلصنــــا ...مـــن الشــــاعر ...حمـــد الســـعيد... بصراااحه في قصايد حلووه له ...بس لقيتها مكتوبه يعني مو صوتيـــه .. اتمنى انكم استمتعتو بقصائد ...حمد السعيــــد ... الشاعر الثاني...يبيله شوية تجهيزات ..ويكوون هنــا ... حتى ذلك الوقـــت ...تقبلو خالص ودي واحترامي .... حياتي كذا

بعض العلاقات بعض العلاقات ما منها ابد فكه يا شينها كان جبتها لك القدره لاجاك دمه ثقيل ومنطقه...

G9E100 :

أختي ... حياتي كذا عارفه إني تأخرت ولكن أستاهل مالقيت كرسي إلا بالصفوف الأخيرة وجالسة أتابع إبداعاتك تحياتي لروعتك :26: أختك قصيمية

أختي ... حياتي كذا عارفه إني تأخرت ولكن أستاهل مالقيت كرسي إلا بالصفوف...