قصــــة ؤلادتـــي 8/23

السلام عليكم ورحمه الله وبركاته 
مسأء الخير حبايبي .. وكل عام وأنتم بخير مبارك عليكم الشهر آلفضيل .. 

حابه اكتب لكم قصه ولادتي واشكر كل من دعت لي وكل من جاوبت على اسالتي وترى مانسيت كل وحده قالت ادعي لي .. 

طببعا انا بكريه لي 19 يوم من ولدت واكتب لكم وؤليدي حبيبي نايم .. 
 
في يوم الاثنين 8/22 كان عندي موعد للطلق الصناعي طبعا انا مطوفه التاسع بحساب الدورة والسونار لما رحت قالت ماراح ننومك لنوه مافي اسره صراحه تضايقت لنوه كنت ابي ارتاح من الثقل والتعب اللي انا فيه .. 

طبعا قالت لازم نسوي لك تخطيط وسونار بالتخطيط طلع انوه نبض الجنين ضعيف على طول كتبوا لي تنويم المهم انا مامعي لا اهلي ولا احد اقسم بالله اني عشت يومين من اصعب ايام حياتي لني كنت محتاجه شخص معاي واهلي بديره ثانيه دخلت التنويم وبدوا يعطوني كورسات الطلق الصناعي وهي عباره عن تحاميل وبين كل وحده ووحده 6 ساعات المهم اول وحده ماجابت نتيجه ومافتح الرحم .. حطوا الثانيه بعد 6 ساعات وفتح الرحم معها 1 سانتي بس وانا بعد التحميله الثانيه اتالم وابكي .. وهم حاطين المغذي والتخطيط علي وكمان مافي اكل ولاشرب ممنوع .. وربي حاله صعيبه وانا كل مامسكني الالم اتمسكك بالسرير اللي كرهته بحياتي لنوه متعب صراحه .. 

المهم بعد 6 ساعات قاسوا الرحم طبعا 1 سانتي ولا فتح قالوا يالله التحميله الثالثه وكمان مافادت الله المستعان الم بس الرحم مافتح .. وعاد انا كنت حالفه انو التحميله الرابعه ماخذها اتالم ومافي فايده واترجاهم يسؤن لي عمليه ولارضوا تعبتت بجد نفسيا وجسديا لني كمان ماكلت شي .. 

وادق على زوجي كل شوي وابكي احس اني قطعت قلبه هههههههههه وقلت له التحميله الرابعه ماباخذها وطلعني من المستشفى الحكومي وودني خاص ابي اولد قيصري تعبت .. المهم زوجي يهدي فيني وقال بروح اجيب لك اختي توقف جنبك طبعا هالكلام يوم الثلاثاء العصر .. وجت الله يسعدها وجابت معها اكل واكلت وطلعوني من قسم الولاده وحطوني بقسم ثاني قالوا انتي ماعندكك ولاده هالحين بس بنحط التحميله الرابعه قبل لاننقلك للقسم الثاني .. طبعا وافقت وحطوها لي 

ونقلوني للقسم وطبعا من حطوها ويزيد الالم والاحظ افرازات خفيفه تنزل على قلت اكيد هاذي مويه الجنين .. طبعا وانا على السرير وتنفك المويه سبحان الله كانوه صنبور مويه وانفتح فرحت قلت شكلي خلاص ولاده ويافرحه ماتمت ههههههههه 

المهم جات النيرس وقاست الرحم لقته فاتح 3 ونص وقالت يالله ولاده ورجعوني لنفس القسم المهم لاحظوا انو نبض الجنين يضعف .. وانا كنت حاسه اني بولد قيصري سبحان الله بس هم تعبوني بعدها قالوا لازم ناخذ مدري ايش من راس الجنين عشان نشوف الاكسجين حوله .. وقسم بالله هنننا 
متتتت وحييت حسبي الله عليهم دكتورتين ومعهم دكتور كلهم يحاولون يوصولون لراسه ماقدوا وربي 3 مرات يدخلون اشياء اقسم بالله احسها توصل لقلبي ويحوسون ولايوصلون لنتيجه .. 

انا وقتها تعبت واصارخ عليهم تعبوني بججد .. وخلوني على التخطيط ربع ساعه وكمان لاحظوا انو النبض يضعف ويرجع عاد وقتها قال الدكتور لازم عمليه وقسم بالله بغيت اسبقه على قسم العمليات من التعب والالم اللي شفته هههههههه 

المهم دخلت العلميات على الساعه 6 ونص وجبت احلى عزومي على الساعه 7 طبعا صحيت من البنج الساعه 10 اول ماصحيت على طول سالت على ولدي قالوا بالحضانه قلت جيبوه بشوفه .. 

سبحان الله وربي ان شوفته نستني الالم والتعب اللي عشته وكمان نستني الم العمليه ’’

طبعا العمليه وماادراك مالعمليه طبعا مجتمعي اللي حؤلي يكره العمليه ومصورينها لي كانوه شبح مخيف ماراح تقومين منها بعافيه .. الحمد لله من قمت من البنج حسيت الم واني مقدر امشي بس حاولت ومشيت واعتمدت على نفسي .. صحيح العمليه اول اسبوع تعب بس بعدها خلاص اذا اهتميتي بجرحك ومشيتي كل شي اوكيه .. 

طبعا بقولكم انطباعي عن المستشفى وهو مستشفى العسكري بتبوكك .. صراحه انا ماكان حضي كويس بالدكتورات سعوديات والوحده تتكلم من طرف خشمها ولاترحمك ولاتحن عليك مايخافون الله جايه بها بقسم الولاده وشايفه حالك هذا القسم بالذات يحتاج لناس حنونه وتساعدكك مب العكس زي اللي صار معي لاكن جتني دكتورة هنديه وربي من حنانها ودي اخمها قبل لاطلع هههههه تسمي عليك وتهونها .. طبعا النيرسات بعضهم كويسات وبعضهم لا .. 

طبعا هاذي قصتي باختصار شديد .. 
طبعا طلعت من المستشفى بعد يومين على بيتي وعمتي ام زوجي نامت عندي اسبوع بعدين انا رحت عندها اسبوع ببيتها عشان طهاره ولدي والاهتمام فيه لنوه هالشي جديد علي .. 

طبعا كمان حابه اقول شي طفشني مره انو لما كانو يزوروني حمؤاتي كل وحده تقول ليه جبتي قيصري ومدري ايش وكمان تقول انا حلمت فيك ومدري ايش وهم لعبوا فيك المفروض طنشتيهم ماجلستي وكل وحده تقعد تستعرض مهاراتها وانها قدرت تجيب طبيعي .. 
وانا ماقدرت وانو انا خوافه ومدري ايش طبعا يقولون هالكلام قدام عمتي وعمتي كمان تلومني تقول انتي ماصبرتي .. 
صراحه كلامهم كان ياثر فيني اول بعدين صرت اخذ الموضوع بررحابه صدر واقولهم انو شوفه ولدي بخير تسوى الدنيا وكمان اقولهم هالحين القيصري صارت موضه ههههههه .. 


عاد ادري هذرتي واجده بس حبيت انو تشاركؤني فرحي وتعبي .. والله يفرح كل وحده حامل بشوفه ضناها سليم معافى يرزق كل محرؤمه عاجل غير اجل يارب ..