قصــــة حياتــــي

nonoo28 :

بعد اسبوع وشوي الحين الأحد ولا انا ولا اختي نروح المدرسه طلع ابوي من المجلس وامي على طول قالت له يالله رح تروش ريحتك معفنه ابوي مو مثل كل مره مو مثل هيبته ولا حتى هذا وجهه ..وجهه صاير مثل العجينه من جد شكل ابوي يخررررررع... اكيد ان ابوي الرجل الحديدي ...خخخخخخخخخ قلت له ابوي بتسكر المدرسه وانت ماسجلتني قال خلاص بكرا اوديك انت واختك تجهز... الكلام هذا الظهر انا على طول تروشت ومشطت شعري وانسدحت بفراشي استعد لبكرا الصبح...امي قالت اذا نمت بدري نوديك المدرسه ...يارب يارب ابوي مايرجع المجلس>>هذا اللي شاغل بالي ..ظليت ابحلق بالسقف شوي الا الحمدلله خمدت احلى نومه حلمت اني مو بس رحت المدرسه الا تخرجت وصرت طيااااار بعد ههههههه>>لاتصدقون عاد اول اسبوع بالمدرسه تعلقت فيها كثير وحبيتها مع اني ما اذاكر ولا ادري وش يقول اللي واقف يسمونه استاااذ بس لاحضت شي حزني ماعندي ثوب جديد مثل كل الطلاب...!! ولا شنطه مثلهم اللي تفحط....؟؟عطوني شنطة مها الخايسه المنتفه بس والله مبسوط على الأقل انسى طقاق امي وابوي اللي كل يوم انتهى الفصل الأول وانا ما اذكر امي فتحت لي كتاب اذا قلت لها ذاكري لي تقول رح بيت جيرانكم انا مو فاضيه مره الأستاذ حط لي نجمه استكر على خشتي المزيونه وودي كل العالم يشوفها وطيران رحت لأمي واتذكر انها كانت تغسل مواعينها قلت شوفي مااااااااااااامي عطاني الأستاذ قال اذا حفظت كل شي اعبي وجهك نجووووم قالت طيب رح العب>>>ما اهتمت :( ابوي زاد طقاق مع امي وصرت اكره بيتنا بالعكس الحين حتى اني ماعادت تقفل علينا الباب وصرنا نشوف الضرب بعيونا انا ومها ياهو ضررررررب وكنت احاول ادافع عنها لكن يجيني ضرب قوي واتحمل وابكي مع امي اذكر مره من المرات زعل عليها وراح رمى اغرضنا بالشارع حتى ملابس امي كنت اروح اجمعها من الشارع.. انا ادري ان ابوي قوي بس مو مجنون مثل ماقال سعد صديقي اللي لو اموت ما اكلمه بس ليش ابوي كذا وش فيه وليش مايصلي المدرسه يقولون اللي يصلي بيروح الجنه اللي فيها الملاهي ابوي اكيد عشانه رجال مايبي الجنه وش يبي بالملاهي حتى انا اذا كبرت بصير مثله بس مابي اضرب احد جاء رجال ضرب الباب وانا رحت فتحت له ركض ابوي بالمجلس وامي حامل الحين ومها نافشه كشتها من يومين حالفه ماتمشط شعرها بس ليتني مافتحت الباب,,,, وش تتوقعون اللي جاي منو؟؟؟:44:

بعد اسبوع وشوي الحين الأحد ولا انا ولا اختي نروح المدرسه طلع ابوي من المجلس وامي على طول قالت له...