قصــــة ولادتــــي التي لن انســـاهـــــا !!!

صبحكم الله بالخير جميعا
اولا .. يمكن بعضكم عارفني من كثر ما كتبت ومن كثر ماشكيت عليكم لاني دخلت الشهر العاشر بتسعة ايام وكانت
نفسيتي تعبانه جدا وكنت ادخل النت واكتب لكم معانتي اريد التخفيف مما انا فيه لكن الحمد لله واشكر على كل حال,,,,,
كنت في هذه الايام التسعه انتظر فرج ربي كل يوم يمر علي كأنه سنه اتمنى انه يجيني طلق حقيقي واولد وارتاح
بالرغم اني كنت اخاف من الولاده خوف غير طبيعي لكني ايقنت انه شي لا بد منه,,,,,,,,و
وفي يوم الاربعاء الموافق 9/2/1430 الساعه العاشره صباحا وانا نايمه صحاني من النوم الم في اسفل بطني واسفل ظهري قوي شويه لكنه ثواني معدوده وبعدين راح ,,,, اكتب لكم الان وانا خايفه لاني كل ما تذكرت اخاف ... وبعدها راح الالم فرحت لاني ادعو الله انه يجيني طلق واولد وارتاح ومن بعدها وانا انتظر الالم يشتد لكن لا حياة لمن تنادي
وعند الساعه الواحده حسيت بطلق يروح ويجي وكان كل ربع ساعه وجاء زوجي من المدرسه وقلت له ابشرك جاني طلوق وجاء فرج ربي قال الحمد لله يله اوديك المستشفى قلت بدري اخاف يبهذلوني بالكشف نام انت وإذا اشتد الالم بأصحيك راح ونام وانا مشيت بالبيت كله حتى الشغاله عرفت اني اطلق من كثر ما لفيت بالبيت واذن العصر وكان وقتها الالم كل خمس دقائق لكن تصدقون انو مو ذاك الالم الي اعرفه كان الم خفيف ومحتمل بس انه كل خمس دقائق بعدها صحي زوجي لصلاة العصر قال خلينا نروح قلت له روح صل العصر وإذا جيت بأروح قال لا تتأحرين على روحك قلت باقي بدري الالم ما اشتد راح وصلى العصر ورجع بسرعه ورحنا للمستشفى طبعا على الطواري لإن دوامهم الساعه خمسه واحنا الساعه اربعه ونص العصر على طلعوني على طول لقسم الولاده وحطتني الممرضه على السرير وحطت جهاز النبض على بطني وكانت مستغربه إني ما اتوجع وكانت تقولي انتي فيه الم قلت خفيف وبعدها اختفى الالم تماما,,, انا خفت كثير وجلست ربع ساعه وجات الدكتوره وكشفت علي من تحت وقالت للممرضه يلا شيلوها على سرير الولاده قلت لها وانا باموت من الفرحه ومن الخوف في نفس الوقت الرحم فاتح كم قالت 8سانتي خلاص نص ساعه وانتي والده إن شاء الله حطوني على سرير الولاده وحطو لي المغذيه وانا مندهشه كيف 8 سانتي ومو حاسه حتى الدكتوره تقولي انبسطي قربتي تولدي ومو حاسه وبعدها صبت عليه المويه وقلت للدكتوره قالت الحمد لله قربتي تولدي وبعدها اشتد عليه الالم وحسيت بالدفع وتقولي الممرضه ادفعي وانا ادفع بقوه وتكرر عليه الدفع كم مره والنونو مو راضي يطلع كشفت الدكتوره وبعدها تغيرت ملامح وجهها وقالت للممرضه نادي الدكتور الاستشاري
وعلى طول جاء الاستشاري وكشف عليه وتغير وجهه وقالي لازم عمليه الرحم مفتوح بس الراس مايل ومستحيل يطلع وانا في هذي اللحظه ومن شدة الالم قلت لهم اعملولي عمليه وريحوني وبعدها طلع الدكتور وقابل زوجي