... قصــــة ولادتــي ... ونــــداء لكروشات الريــاض وحشـــتوني :( ....

السلام عليكم ورحمه الله ..

اخبااااار اللي نوّروا الموضوع .. ان شاء الله بخير

قبل لا اقول حكاية الولاده .. أعلن عن نداااااااء وعاجل جداًاًاًاً لكل كروشات الرياض .. اللي قدّر ربي واراد ان الاداره تقفل ملفنا تقريبا نهائياً .. :( هئ هئ هئ

! دلــة قهوة ! ** بنت الأجاويد** @ يابعد حيي @ عجه الرياض عزيزة وغالية دفء الخريف

شرق الريـــاض # لمياء # يالله برحمتك ام فرج أمنية عمري خدود ورديه رزه نبولتي

غسن15 شيهانه روق صمت الوجود هتـــان إيــمــان ليلك شقاوه بنات زليخه المملوحه

شيخه القصمان ....... والقائمه تتطول ..

وبحكم ان صندوق الرسايل الخاصه ما يتحمل الا 100 ما امداني ارز خشتي وارسل لكل وحده << فسوويت نداء على العام احسن من البياجر ههههههههه


وطبعا ولله الحمد والمنه خلصت نفاسي اللي كان على قولة امي على الموضـــه << الظاهر بربري هههههههه

الموهم يا حلووات
عمري 22 سنه وعندي ولد عمره 3 سنوات وهذا ولدي الثاني ..

انا مقرر ولادتي في 24-5 << اول يوم في الامتحانات (( خلصت الصيفيه وانا تونى اكتب قصه ولادتي ههههه ))

وما ولدت الا 5-6 يعني تأخير اسبووعين ..

في نهايه اول اسبوع من الامتحانات .. رحت سويت لي موعد في مستشفى الحرس بجده << بحكم انى بولد عند امي حبيبتي
والا انا بالاساس اراجع بالرياض ..

الموهم مالكم بالطويله << وراها قرقره

سويت موعدي الاربعاء .. دخلت عن طريق الطوارئ يوم اخذوا المعلومات الاوليه قالوا نعاملك على اساس عندك ولاده ..
طبعا بققت عيووووني :blink: وقلت ليش .. قالوا مطوفه ويمكن يكون الرحم مفتوح بس مافي طلق .. قلت طيب
<< مطيعه..
والله وحطوا جهاز التخطيط .. وكشفت الدكتوره قالت الرحم مقفل ووضع البيبي مطمئن ونبضه اوكيه ..
بنكتب لك خروج على شرط ضروري جدن تدخلين على دكتوره يوم السبت (( نعيمه القاضي ))
قلت ان شاء الله .. سويت موعد عندها يوم السبت الساعه 10 الصبح ..

بعد تحليل البول .. قالوا لي اللين يجي موعد دخولك روحي سوي اشعه تلفزيونيه ..
والله ورحت ويـــــــــــــــــــــــــــاليتني مارحت بسببها نفسيتي تتدمرت .. :11retcher
المهم كشفت علي الدكتوره وسوت الاشعه وقالت يؤؤؤؤؤؤ حجم البيبي كبير تقريبا 4 كليو و700 غرام
على الارجح ولادتك قيصري<< هي قالتها والا ماقالتها ..... انا رحت فيها
ودخلت على الدكتوره ومعي نتيجه الاشعه ..
وقلت لها كلام دكتوره الاشعه ..
قالت لا ماعليك هو على شان انتي متأخره بالتاسع << او على الارجح دخلتي العاشر فشئ طبيعي تشوف البيبي كبير
المهم كثري مشي لان باقي راسه مرتفع ..
رجعت البيت ونفسيتي دمااااااااااااااااااااااار .. كل خوفي وهمي كيف بولد طبيعي بطفل حجمه كبير!!!!!

وما صرت امشي استغفر الله عناداً في نفسي << شوفوا الحاله المأساويه اللي وصلت لها ..
وكتبت لي موعد تنويم بطلق صناعي يوم الاربعاء (( يعنى بعد اربعه ايام ))
وقالت لي انا خليته الاربعاء عشان اعطيك فرصه تولدين قبله بطلق طبيعي ..<< من وين يجي وانا حاطه رجل على رجل ووقفت مشي ..

طبعا جاء يوم الثلاثاء .. قلت لزوجي ابي اطلع اللف جده حته حته .. خلاص بكره موعد ولادتي وبعده نفاس وضيوف .. وعلى طول برجع للرياض .. << ابي احلل يوم الثلاثاء

وطلعت سيتي بلازا .. واخذت مفرش وملابس لولدي الكبير
وطلعت على الصواري لاند مارك .. وهناك جاني الطلق من رب العالمين على 12 الليل ..
وما طولت .. على الساعه 2 كان الطلق خفيف ..
وكنت عند كورنيش الحمرا بالتحديد (( دومنيوز بيتزا )) :icon10:
ولانى حاسه انى بأولد فما اكلت :( :(
رجعت لبيت اهلي اخذت امي ورحنا للمستشفى على الساعه 3 ونصفجر الاربعاء اللي قرروا لي فيه طلق صناعي سبحان الله ..كان الطلق حاااااااااااااااااااااااامي ..
كشفت علي الدكتوره .. قالت 4 سم


قالت امي للدكتوره بنتي على الارجح ولادتها قيصري فلا تتعبونها بطلق طبيعي ثمن تحولون .. قالوا لا لازم تتطلق طبيعي يمكن ربي يسهل عليها وتولد ..

الين الساعه 6 الصباح كان الرحم مفتوح 7 سم ..
وبحكم ان البيبي وزنه كبير قالوا نبي 10 سم ..........
جت الاستشاريه وقرت التخطيط وكشفت علي .. قالت راسه فوق لازم وضروري ينزل .. !!!!
الموهم انا في الم ما يعلمه الا اللي خلقه ..
ولاول مره اعرف معنى جمله (( عظام الحوض تتكسر )) << اسمعها من اللي حولي
والحمدلله كان وجود امي جنبي مريحني على الكم الهائل من الالم ..
وكمان زوجي ما قصر كان يدخل ويخرج بس فعليأ ما كنت ادري وش يسوي عندي الا انه يمسح عرقي ويقرا علي وبعدهااااااا افقد الوعي بسبب حاجتين (( اما من شده الالم )) الله يكتب لنا ولكم الاجر
او (( بسبب الكمام)) << عشقي الابدي ..
وجت اللحظه الحاسمه ..

انفتح الرحم 10 سم في تمام الساعه 9 ..
وجهزوا السرير .. واشوف حوسه ممرضاااااااااااااااااااات عندي و4 دكتورات منهم وحده استشاريه
<< كان نفسي اعرف اسمائهم .. :(
كشفت علي الدكتوره اللي دخلت عليها يوم جيتهم عن طريق الطوارئ << بدايه القصه
وقالت لااااا ما ينفع راس الولد ما نزل ونبضه بدأ يقل (( هذا اذا انه ما توقف ))
وطالعت فيني وقالت تولدين قيصري
قلت ليش!!!!!!
قالت راسه مرتفع وعلى بال ما ينزل يبي له على الاقل دقيقه لدقيتين وفي ذي الحاله ممكن نخسره ..
انا على طول وبدون تردد قلت ايه ..
ماعاد فكرت في الساعات اللي قضيتها وانا طلق طبيعي .. وماعاد همي وش سلبيات القيصري ..
وخلال والله العظيم 5 ثوانى تحولت الغرفه من غرفه المخاض .. الى غرفه العمليات ..
واخر شئ اتذكره .. نطقي بالشهادتين .. والساعه كانت تشير على 9 و40 دقيقه
فقت من البنج على الساعه 10 ونص .. وحاااااااااالتي ما يعلم بها الا فاطر السموات والاارض
نايمه على جنبي اليمين .. انواع الرجفه سواء من البرد او من الم العمليه اللي مايطاااااااااق
وفمي مليااااان قطع اكل .. تحسستها منثره فيه !!!!! يوم سالتهم .. قالوا مجرد ما شلنا البنج استفرغتي كل اللي في بطنك ...... يا اراحم الراحمين ..

طبعا بنج كامل .... لان ابره الظهر يبي لها وقت .. وعادةً يعطونها الوحده عند 4 سم

ونقلونى غرفتي ......والله لا يوريكم وهم يدفون السرير لو تصك عجلته بنمله في الارض .. انواع الالم اللي مايطااااااااق ..

طبعا لمده 4 ايام في المستشفى عنايه .. فوق الخيال ونظافه واكل ومراعاه .. لكن كل هذا وانا اخذ ابر منومه وابر مهدئه ..... غير ابره سيلان الدم عشان ما يتجلط حول العمليه .....
وعلى خامس يوم ارتفعت حرارتي بشكل مفاجئ ..فأضطريت اتنوم يومين زياده تحت الملاحظه << يعنى المزيييييييييييد من الابر واثارها في جسمي ..

وعلى فكره ما شفت ولدي الا على ثاني يوم تقريبا الساعه 11 بالليل .. << كان في حضانه العنايه المركزه .. (( وسالفته تتطول ))

والحمدلله على كل شئ

احس كلامي ملخبط ومو مرتب ..

بس حبيت اقول لكل الحوامل .. انتبهوا نفسيتكم لا تخرب عليكم ..
وترا الولاده القيصري مو هينه .................... شئ يفوق تصوره الخيال << بحكم انى مجربه الطبيعي
وطبعا لكل شئ حسناته وسيئاته ..


ان كان بالقيصري حسنات فهي انك ما تتوشهين من تحت .. ولا تحسين بالم الطلق
وسيئاته ...... الم فظيييييييييييييييع ..وعدم احساس بمنطقه العمليه لان الاعصاب تقطعت خلاص .. هذا غير عن شكلها .. من اني رحت لمنى الريّس .. ومدحت في عمليتي مره .. وقالت دكتوره ماهره اللي سوته لك .. لان اثارها راحت ولله الحمد في مده وجيييييييييزه ..

اما الولاده الطبيعي فحسناتها .. طبيعي << في احلى من الطبيعي خخخخخخخخخ :unsure:
وسيئاتها .. الخياطه والغرز ..

ويمكن خبرتي قليله ..

وان شاء الله ما مليتوا من القصه وانتوا تقرونهاااااااااااااا


والحمدلله على كل حااااااال




ودمتوا ’’’